تجمع الجزائريات الغاليات المتأخرات في الحمل ‏

[alma021]

راني ندور وحدي هنا النعاس ماحبش يدور بيا نحاول نرقد نتمنالكم ليلة سعيدة سلام

[Nourelhouda]

امينة واش بيك غير الخير!؟!؟!

[alma021]

المشاركة الأصلية كتبت بواسطة nourelhouda

امينة واش بيك غير الخير!؟!؟!

صباح الخير نور اسمحيلي البارح غلقت البيسي وقعدت نتعارك مع النعاس محبش يجي مجيت نرقد حتى جاني البكا صورة جداتي تجيني غير قدام عينيا ماحبتش تروح خلاص
نور غير تهلاو في جداك وارفدوها فوق ريسانكم والله غير الفراق تاعها صعييييييييييييييييييييييب الدار تصماط كي تروح ربي يخليهالكم ويشافيها

[سهام فرنسا]

المشاركة الأصلية كتبت بواسطة المدام خولة

اهلا سهام حنونةو الله ديما راكي فالبال و غلاوتك كبيرة عندي
ايا وشراكي ؟
متزعفيش من خياتك و نسابك هه

لالا و الله والو مازعفت مالو راني نستت برك ههههههه

المشاركة الأصلية كتبت بواسطة rayhana05

والله يا نسيبتي راكي غير البال نهار كامل و انا نستنى فيك تدخلي اليوم
بصح قلت بالاك راهي مع راجلها باسكو اليوم ما يخدمش
المهم وشراكي ان شاء الله لاباس

ان شاء الله يا رب على كامل الامة الاسلامية
لا لا انا السينيال راهو لاباس
كي بدات اول حاجة رتها شعلت التلفيزيزن نتاكد من السينيال يخي لقيتو ههههههههه
انا قلت الحمد لله و هو راح التريسيتي ههه

إيه علابالي بلي راني في البال بصح بالاكي نهار الصح تنساني

المشاركة الأصلية كتبت بواسطة نور اليقين

راني هنا صبورة اختي يسقسي عليك الخير راني البارح مادخلتش شيخي خرج من السبيطار متحلف فيا مرتو راحت تبات عند ماليها وانا كليت راجلي بالهدرة قلتلو الروحو نجيبوه يضل عندنا ويقيل ويتعشا ومور العشاء نوصلوه يروح ياك روحنا وكيكنا راجعيين قال لبنو ماتدينيش الدار الديني دورني ومن قبل ومن بعد الروحو للدار يا ك الداه دورو وانا معاهم احنا فالطريق وهو يطيبلي في قلبي قال للمربح قالو لوكان راك تزوجت وجيبت مرة اللي تضني ومرتك تعاونها فالتربية كما فلان ماضناتش مرتو ككبرت زوجتو هي ودوك راهي تربي معها في ولادو ولولاد يحبوها كالمهم ايا قولولي ماشي اللوح فيه موس ونجي هابطة قلت في قلبي نستاهل انا جاية نجري ليك باه نجيبك وكليت روحي باه نجيبك نستاهل والجيفيا اذا زدت ذكرتك وقلتلو روح جيبو نجي نطل عليك كعرايسك البقية والسلام تعرفي كالقا راجلي زعف ولا يهاوش ويقولو انت اللي يقولك الحق تتقلق وتزعف راني نعتلك في صلاحك قلتلو هدا هو الصلاح قلتلو الصلاح لوكان قلتلو رقي وجري على روحك وداوي ودي مرتك ترقي انت هادو لالا ماتقولهمش ياك كالقا راجلي زعف ماحبش يهبط من الطنوبيل وقالو رجعني للدار شفتو وين وصلت قولي هيه نتزوج عليها ولا مانهبطش العندك كرهت حياتي يارب ارحمني يارب

وش نقلك حنونة مايحس بالجمرة غير لي كواتو
ربي يكون معاك و يسخرلك زوجك إن شاء الله و نحي كلام الناس من بالك و الله غير يضرك في الباطل

المشاركة الأصلية كتبت بواسطة صبورة

يا نور اليقين
راني نشوف العروسة اللي تكون مليحة بزاف مع شيخها و عجوزتها يقولوا هادي البصلة انتاعها ماتحرقش.. يرجعوا ما يحسبوهاش خلاص..مجربتها في روحي و اللي زادت اني قريب 10 سنين و ماكانش الدراري..رحمتك يا رب...خيرا تعمل شرا تلقى...لدرجة انوا شيخك يحرش وليدوا على الزواج قدامك دون مراعاة لشعورك..زعم لوكان بنتوا يقبل راجلها يتزوج و هي تربيلوا اولادوا...يا ناس كيفاش المرا تربي ولاد ضرتها هاذي صراحة نقبل نطلق ومانعيشش معاهم ونموت فالنهار الف مرة...ماهيش غيرة او حسد ولكن كيفاش الراجل شاف ضنايتوا والمراة اداها الواد..
حبيبتي ارمي حمولك على الله هو اللي راه يسير فيها..الله يرزقنا بالحمل في القريب العاجل راني نكتب ونبكي حتى انا قلبي راه معمر..

عندك الحق صح كون بنتو و الله غير يديفوندي عليها و يدير البوسيبل باش راجل بنتو ما يتزوجش بصح كي عادت بنت الناس معليش
ربي يهدينا هذا ماكان

نور الهدى
حبيبتي الف سلامة عليك المهم دخلتي و طمنتينا عليك رانا خيات عند ربي و كل واحد راه لاتي بهموا..واجبي نسقسي عليك راهي بيناتنا عشرة..
بلاك تقولي تقلقنا من كلامك اللي ثقيل عليك خفيف علينا..راني نكتب ونبكي حتى انا من قبيلات وانا نهدر مع راجلي على الموضوع هدا..ماعليش يا نور الهدى اللي تجي من عند ربي مرحبا بها..خيرها في غيرها...بلاك الشهر الجاي تحملي بالتوام حاجة كمماهي صعيبة على ربي سبحانه..و انا واش نقول اللي قريب 10 سنين زواج و لا مرة كرشي حملت ..الحمد لله على كل حال..على بالك الشهر اللي فات طمعت وحد الطمعة جاوني اعراض عمرها ماجاوني من قبل و بديت نتوهم ونحسب وقتاش نزيد ووووو..من بعد جات اللي ماتتسمى تعرفي الدموع تحجروا ماحبوش يهبطوا رجعت نضحك كي المهبولة..
و جداتك ربي يشفيها الكسر اللي يجي مع الكبر راه صعيب..غير ارفدوها بلا تشاوروها وجريوا بها للسبيطار..الله يجبر كسرها..
و حسونة خموس و جبريل عليه بسم الله ما شاء الله..يا نور كيفاش عندك هاداك الوجه و تقنطي ماشي حق عليك..ربي يحفظوا..

عندك الحق صح كون بنتو و الله غير يديفوندي عليها و يدير البوسيبل باش راجل بنتو ما يتزوجش بصح كي عادت بنت الناس معليش
ربي يهدينا هذا ماكان
إيه حسونة الله يبارك ماشاء الله و لا يهبل ربي يرزقك و يرزقنا في القريب العاجل يارب

سهاااااام
حنونة ماتزعفيش وين تروحي هادي دارك كيفاش تسمحي فيها..احنا نحبوك و مانقدروش على فراقك..

ياعمري انا نروح و الله هنا يموت قاسي وش بيك و ين راح نروح عيشك و انا كي ماندخلش للمنتدى تقول نسيت حاجة مادرتهاش
مستحيل نروح هنا قاعدة هنا يموت قاسي

[rayhana05]

صباح الخير الزينات وشراكم لاباس
انا راني موجدة روحي و خارجة رايحة للطبيبة
يدرا واش تقلي راني ميتة بالخلعة
حابة نروح و ماشي حابة
الصباح جاني وحد السطر قلت خلاص مع زادو طاحو عليا افرازات
قلت خلاص ازاقات و من بعد راح كلشي تقول كنت نام
المهم ادعيولي ربي اكون الخير ان شاء الله برك
سهام يا العميرة ماتخافيش ان شاء الله ما ننسا حتى وحدة فيكم بربي ان شاء الله
لبنات حبيت نسقسيكم و ما تضحكوش يعني الي تكون علابالها تجاوبني
قالولي كي نروح نولد حاشاكم منديش ليبوند اليومين الاولين
قالولي ديري ليكوش احسن هههههههههههواش رايكم
نتكوش انا ووليدي هههههههههههه
قالولي خير باسكو اليومين الاولين تكون قاوية
يا ريت ترجعولي لخبر و بالاكو تضحكو راهو اجي الانهار الي نضحك عليكم انا

[sawsan16]

المشاركة الأصلية كتبت بواسطة rayhana05

مرحبا بيك اخت سوسن بين خياتك وان شاء الله تلقاي الي تفيدك فيما يخص موضوعك
ربي اكون معاك و يرزقك في القريب العاجل الحمل السليم انتي و كامل لبنات
ان شاء الله نكونو كامل فال خير على بعضانا
خلي املك بربك كبير وتفاءلي و ان شاء الله ربي ما فيه غير الخير
حنونة رانا كامل نحكيو همومنا لبعضانا
نعتبرو التجمع فسحة للترفيه ونرجع الامل لبعضانا بمواساتنا لبعضانا
ان شاء الله ترتاحي ما بيناتنا
و مرحبا بيك مرة ثانية

شكرا لك الاخت ريحانة05 على الترحيب ونتمنى نكون خفيفة الظل عليكم
ونستفادو من تجارب بعضانا ونصبرو بعضنا لانه ما يحس بالجمرة غير ليكواتو
شكرررررررررررررررررررررررراااااااااااااااااااااا

[rayhana05]

المشاركة الأصلية كتبت بواسطة sawsan16

شكرا لك الاخت ريحانة05 على الترحيب ونتمنى نكون خفيفة الظل عليكم
ونستفادو من تجارب بعضانا ونصبرو بعضنا لانه ما يحس بالجمرة غير ليكواتو
شكرررررررررررررررررررررررراااااااااااااااااااااا

لا شكر على واجب حبيبتي
انا تان تأخرت عامين و نصف عن الحمل و ماخليت حاجة ما درتها من خلطات من طبة من اعشاب الي اقولولي عليها نديرها
المهم حقل تجارب
بصح كنت ناسية انو ربي الا حب يعطيك و الا حب ما يعطيكش
يمالا نوصيك ما كان حتى طريق توصلك لمرادك غير طريق ربي صلي
اقراي قران
استغفري
ابكي
و كيما قاتلك بسومة صلاة الفجر ما تتركيهاش مهما اكون
و الله اول حاجة تحسي براحة كبيرة كبيرة لدرجة تنساي فكرة الحمل و تنحيها من راسك خلاص
و منها و الله غير ربي افرج عليك و ما تعرفي حتى كيفاش اجيك مرادك
لبنات اهم شيء طريق ربي ادعوه في كل وقت و توكلي عليه و ان شاء الله تتحقق كل امانينا
امين يا رب العالمين

[rayhana05]

لبنات انا نخليكم تبقاو على خير تهلاو في رواحتيكم من بعد ان شاء الله
نزيد نكسل شويا رجليا
مارانيش نمش خلاص
باي باي

[bassouma]

صباح الخير لبنات واش حوالكم
أنا هذا وين جيت من عند الطبيب تاع راجلي ديناله راديو دوبلير بصح قالنا لزم عملية قاله في جيهة ليسرى ععندك ليفاغيز صغار و حركة ضعيفة و أسبوع لي فات كي دار راديو قاله طبيب تاع كلينيك راك عادي متستحقش عملية مفهمنا والو راجلي قعد يبكي و أنا نصبر فيه و أنا محطمة من داخل كنت نكتب و نبكي داقت بيا الدنيا

[sawsan16]

المشاركة الأصلية كتبت بواسطة صبورة

سوسن
و عليكم السلام و رحمة الله و بركاته
اختي مرحبا بك عندنا و معانا
شوفي اختي ربي مافيه غير الخير قادر يعوضك ويشفي راجلك..
مادامك عملتوا تلقيح صناعي 2 مرات و اعملتوا حقن مجهري و ماكان والوا
علاه مايجربش راجلك خلطة الاعشاب راهم كاين مختصين بزاف في هاذا المجال..و كاين فرع الدكتور سعيد حساسين هو مصري في العاصمة انا نتبعوا بزاف في قنوات التلفزيون و ديما يعيطولوا نساء يخبروه بالحمل انتاعهم .. اغلبهم رجالهم عندهم النسبة 0 و داوموا العلاج 6 اشهر و رزقهم ربي..بالاضافة للرقية الشرعية و الاستغفار و الحجامة..

شكرا لك الاخت صبورة على اهتمامك والله زوجي جرب من قبل خلطة الدكتور محمود بني تامو ومزادلو والو بالعكس زاد نقص حتى عمل عملية المنظار وشرب دواء conseption homme تحسن في العدد والحركة اما التشوهات تحسنت بنسبة قليلة 2 في المئة فقط
بصح مادابيا نعرف وين نلق هذا الدكتور سعيد حساسين وين جاي انا راني من العاصمة
وهل يعالج بالحجامة لانني حابة زوجي يدير الحجامة عند واحد يعرف اماكن الحجامة للعقم
ارجوكي اختي ردي عليا سريعا