تجمع الجزائريات الغاليات المتأخرات في الحمل ‏

[حياتي قمراتي]

((يا من أمره بين الكاف والنون وإذا أراد شيئاً قال له كن فيكون أرزق اخواتي بذرية ‏صالحة طيبة تقر بها العيون))

[حياتي قمراتي]

اللهم ارزق أخواتي في الله بالذرية الصالحة عاجلا غير اجل انك سميع ‏مجيب
‏

[مريم13]

المشاركة الأصلية كتبت بواسطة نور اليقين

اهلا خولة واش راهم العرايس انتاعنا ربي يحفظهم
ومريم سميتيه ينيس ربي يحفضو طهرتيه ودرتي العقيقة ولالا شحال عندك ماللي ولدتي انا كنت غايبة شيخي راه فالسبيطار وراجلي غارد ملاض انتاعو وانا القارد ملاض انتاع نرت شيخي لمينة بعضانا وبقيت عنهم شيخي مريض بزاف ربي يشفيه يارب مزال مفاقولوش بالمرض انتاعو يزيدولو الدم وتمتم ينشف

الله يجعل الشفاء لشيخك نور اليقين
ايه سميتو يانيس ما طهرت ما درت عقيقة مسكين صغير على الطهارة مسكين مدولو تحاليل على خاطر كان عندي ظغط الدم غضني ما قدرتش نديرهملو هههههههههه
وانا راني تعدبت بزاف خاطر في اول يوم في التاسع دخلوني للمستشفى خاطر طلعتلي لاطونسيون تعدبت بزاف ملي دخلت وهوما يديرولي في الديكلونشمو
دارولي 3 سوند يدخلوهم لداخل حاشاكم ويعمريهم بالسيروم باش يحلو الكول والله قتلوني ديرلي منهم الشخانة اخر وحدة طرطقت فيا لداخل ومن عد دارولي 6 ابر تاع سانطو وليت نسوطي كي لحصان وما تفتحش اكتر من 5 اصابع والسقية طرطقت وبدات تخضار ويانيس بدا قلبو يتراجع هبطوني نجري لغرفة العمليات على جال القيصرية يعد 8ايام من العذاب
المهم دارولي القيصرية ويانيس كي خرجوه ما عيطش وراحو يجريو بيه تم مريت باصعب لحظة في حياتي الحمد لله زربو بيه ونفسوه اسطناعيا والحمد لله بعد 3ايام خرجوني
وعد اربع ايام ولات العملي تخرج الماء كي وليت للمستشفى حكموني و حلوهالي وخلاوني 7 ايام عندم العملية مفتوحة وهوما كل يومينشفوها بالكومبيريس موت حمراء كيما يقولو المهم كي نشفت خيطوني بدون انيسطيزي واش نقولك الم مبرح ولحد الان مازال ما نحيت الخيط وكل يوم الصباح نروح للمشفى يعصروني درك العملي شاحت بصح مازال 6 ايام اش نحي الخيط
والحمد لله على كلش

[basouma26]

صباح الخير لبنات و جمعة مباركة على الجميع اتمنى من الله يحقق كل امانيكم ان شاء الله
مريومة و الله حكايتك حكاية الحمد لله اللي فاتت و ربي فرحك بيانيس ربي يعيشولك و يفرحك بيه يا رب و يرزقك بخوتة

[basouma26]

[سهام فرنسا]

السلام عليم ورحمة الله و تعالى و بركاته
وش لبنات وش بيكم من البارح مادخلت حتى وحدة إن شاء الله المانع خير ولا راكم في عطلة على التجمع ثاني ههههه

[bassouma]

السلام عليكم لبنات
واش راكم كيفاش راهي حواكم توحشتكم ما لكم هجرتونا

[alma021]

سلام لبنات ايا ادخلو وش بيكم توحشنا اللمة نتاع زمان
سهام مرحبا بيك واش كملتي العطلة نتاعك
بسومة يعطيك الصحة غير انت اللي راكي ناشطة

[bassouma]

المشاركة الأصلية كتبت بواسطة alma021

سلام لبنات ايا ادخلو وش بيكم توحشنا اللمة نتاع زمان
سهام مرحبا بيك واش كملتي العطلة نتاعك
بسومة يعطيك الصحة غير انت اللي راكي ناشطة

كي راكي ألما طلع مورلك شوية و كاش جديد

[alma021]

واش من طلع المورال يا بسومة رانا نطبعو وخلاص الحمد لله على كل حال والجديد قاع ماحبش يزورنا راني غير نعرض فيه وماحبش يجي