تجمع الجزائريات الغاليات المتأخرات في الحمل ‏

[bassouma]

حبيبتي مريم أسف على تأخير
قاتلك ديريها في بيت تكون مبلعة مفيهاش لهواء تكون دافئة و في أيام الدورة ميهمش و لوكان يطيح عليك أي حاجة ما تخفيش ، قتلك كلش يهود و لا مسال منك والو تعوديها الشهر الجاي و هذي قاع ليداروها حملو ، حبيبت ماما ممرضة جابت 2 أولاد وقعدت 10 سنوات قالولها لزمك عملية كي دارتها طاح منها ليكيس و حتى بوشات نتاعهم.

[bassouma]

مساء الخير لبنات وين راكم التجمع راه مهجور

[مريم13]

حطيتلكم صور يانيس ما درتوش عليها
ما عجيكمش؟

[ASMA layal]

ويييييييييييين رااااااااااااااااكم؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
hwa ml70

[ASMA layal]

مريم على السلامة هذا وين كنتي في بالي
وشراكي ريحتي شوية؟؟ كيفاش راكي مع التربية احكيلنا
وعلى يانيس أنا ماشفتوش اليوم بصح شفتو من قبل في الفايس بوك يهبل ماشاء الله عليه ربي يحفظهولك ان شاء الله

[مريم13]

اهلا اسومة واش راكي

[مريم13]

شكرا حنونة راني حطيتو في الصفحة اللي قبل هادي
انا مازلت ما دخلتش 100 ب 100 في التربية راني مالت في حالة ياك عندي غير 4 اسام ملس خيطوني للمرة التانية

[ASMA layal]

ياعمري مريومة بوبون ماشاء الله عليه حبيت نعضو في التصويرة لي كان يضحك فيها ربي يحفظو ان شاء الله

وعلى الخياطة بلعقل برك وتبراي ان شاء الله مع الوقت

قوليلي كيفاش شعورك كي وليتي ام علابالي فرحة كبيرة وحياتك كامل تتبدل

يا رب العاقبة ليا و لكااااامل لبنات ان شاء الله

علابالك وصال شحال وهي تسقسي عليك ادا ولدتي ماعلاباليش اذا سمعت ولا لالا غدوة ان شاء الله نبعتلها رسالة

[مريم13]

المشاركة الأصلية كتبت بواسطة asma layal

ياعمري مريومة بوبون ماشاء الله عليه حبيت نعضو في التصويرة لي كان يضحك فيها ربي يحفظو ان شاء الله

وعلى الخياطة بلعقل برك وتبراي ان شاء الله مع الوقت

قوليلي كيفاش شعورك كي وليتي ام علابالي فرحة كبيرة وحياتك كامل تتبدل

يا رب العاقبة ليا و لكااااامل لبنات ان شاء الله

علابالك وصال شحال وهي تسقسي عليك ادا ولدتي ماعلاباليش اذا سمعت ولا لالا غدوة ان شاء الله نبعتلها رسالة

لعقوبة ليكم حنونة بصح بلا عداب

حبيبتي والله شعور ما نقدرش نوصفو ماعرفتش خالوطة تاع مشاعر المهم ابرزها انك كل يوم تشوفيه وترضعيه وما تصدقيش بلي ولدك
وتاع حياتك تتبدل ماش غير تتروا و تتخلط هههههههههههه وتولي فيها برشا مسؤولية
لعقوبة ليكم كامل
حبيبتي وصال علابالها بعتتلي رسالة خاصة ورديتلها الله يفرحها بشوفت ولدها يا رب
راني دعيتلكم كامل فوق الطابلة خاطر درت انيستيزي لوكال ما رقدتش كامل
المهم كي نريح شوية نحكيلك رحلة السبيطار من يوم اللي دخلت فيه في 5 ديسمبر وحتى يوم 25 ديسمبر
حبيبتي او ناض تصبحي على خير
انا ماعنديش حليب في صدري بزاف بصح السي يانيس دارهملي سوساطة

[ASMA layal]

مريومة الحمد لله على سلامتك هذاك هو الصح وعلى واش جوزتي في السبيطار ربي ان شاء الله يجعلو في ميزان حسناتك

و الان راكي مع وليدك حياتك تتبدل وتنساي كامل واش جوزتي ربي يجعلو ان شاء الله ولد بار بوالديه وان شاء الله يرزقنا كامل شعور الامومة

اتهلاي بزاف في يانيس وبوسيهولي

حتى انا نعست تصبحي على خير

والى الملتقى ان شاء الله