تجمع الجزائريات الغاليات المتأخرات في الحمل ‏

[mounira]

bassouma انشاء الله يعجبك الحال معنا .. و نقوللك راكي اختنا على خاطر احنا كامل في هدا التجمع خواتات

[سهام فرنسا]

المشاركة الأصلية كتبت بواسطة bassouma

الأخت سهام شو هي مشكلتك مع الحمل ؟

حنا الحمد لله ماعندنا حتى مشكل رانا نستناو في رحمة ربي و خلاص

[سهام فرنسا]

أهلا منيرة و عبير وش راكم لاباس ؟
كاش جديد

[mounira]

المشاركة الأصلية كتبت بواسطة عبير الحرية

السلام عليكم

اهلا لبنات واش راكم

اترج سهام بسومة منيرة واش احوالكم

بسومة بنتي لباس نحمد ربي و نشكروه و انت واش دايرة

ايه راهو الف بالمئة سحر

عندي السدر كيفاه نديرو راني حتى داري كرهتها

اترج كاش اخبار جديدة فرحينا

منيرة على سلامة بنتك و خوك لباس

اهلا بالبنات الجدد

نور الهدى وين غطستي

جمانة و اسماء وخولة و ريحانة و صبورة و امة و سارة و لمياء و مريم و نور اليقين و الما و باربي

وينكم

وصال و و اميرة و ام بلقاسم و حورية و سماسم و بسمة روجينا طولو الغيبة ان شاء الله خير

يا عمري .. الله يفكرك في الشهادة .. ما تنسيتي حتى وحدة

[bassouma]

المشاركة الأصلية كتبت بواسطة mounira

bassouma انشاء الله يعجبك الحال معنا .. و نقوللك راكي اختنا على خاطر احنا كامل في هدا التجمع خواتات

إنشاء الله نفيد بعضنا البعض و نربحوا على بعضياتنا و ربي سهل لسهام

[mounira]

المشاركة الأصلية كتبت بواسطة سهام فرنسا

أهلا منيرة و عبير وش راكم لاباس ؟
كاش جديد

يا اختي ما زالني كيما راني .. و نتائج الاختبارات ديال بنتي الصغيرة .. كارثة .. المشاكل اللي عددات اثرت عليها .. و مع صوتي اللي راح ما نقدرش نراجع لها دروسها .. مسكينة غاضتني .. بكيت حتى وليت ما نشوف والو

[اترج]

المشاركة الأصلية كتبت بواسطة basouma26

السلام عليكم لبنات و نهاركم مبروك ان شاء الله
نور الهدى واش راكي يا الغضبانة وليتي ولا مازال راه الراجل قتله الشر
سهام بصحتكم التحواس في ليون روحي بدلي الجو سيرتو في هاد الوقت راهي حالة و مبروك تاني العرس
خولة على سلامة بناتك الحمد لله اللي راهم معاك يترباو في عزك ان شاء الله
ريحانة ما تقعديش ديري الخوف في بالك ان شاء الله كلشي يفوت بخير مين تدخلي في التاسع ان شاء الله كلي التمر كل يوم يعاون الكول باش يتحل فيساع و ما تخافيش
عبير كيدارت بنتك ان شاء الله لاباس و بالنسبة ادا راكي شاكة في السحر عليك غير بالسدر ديري بيه الرقية ما كانش كيفه
اترج وين كنتي توحشناك ان شاء الله تكوني بالحمل و ربي يفرحك ان شاء الله و بالنسبة للدوفاستون هي مثبت للحمل اذا كان و اذا ما كانش حمل تهودلك الدورة ان شاء الله ما تشوفيهاش حتى نهار النفاس يا رب انتي و كامل لبنات
اسما شفتي هدا وين وليتي لينا ربي يحفظك ان شاء الله و يعطيك واش تتمني ان شاء الله
الما على سلامتك وين كنتي مغيبة
مريم بسملة ان شاء الله كلشي راح يتحل و تحملي طبيعي قولي يا رب آمين
اسما و بسومة و خديجة درصاف مرحبا بيكم معانا و ربي يفرج عليكم

يتوحشك الخير حبيبتي
ان شاء الله يا رب يفرحنا كامل
واش راهي بنوتك ارتاحت شوي

المشاركة الأصلية كتبت بواسطة عبير الحرية

السلام عليكم

اهلا لبنات واش راكم

اترج سهام بسومة منيرة واش احوالكم

بسومة بنتي لباس نحمد ربي و نشكروه و انت واش دايرة

ايه راهو الف بالمئة سحر

عندي السدر كيفاه نديرو راني حتى داري كرهتها

اترج كاش اخبار جديدة فرحينا

منيرة على سلامة بنتك و خوك لباس

اهلا بالبنات الجدد

نور الهدى وين غطستي

جمانة و اسماء وخولة و ريحانة و صبورة و امة و سارة و لمياء و مريم و نور اليقين و الما و باربي

وينكم

وصال و و اميرة و ام بلقاسم و حورية و سماسم و بسمة روجينا طولو الغيبة ان شاء الله خير

ما كان حتى خير راني مع دوفاستن و ما حبيتش ندير تاست

[mounira]

نور الهدى ربي يعطيك على حساب قلبك الكبير .. مشكورة على موضوعي المباركة للنوافس ديالنا

[عبير الحرية]

المشاركة الأصلية كتبت بواسطة basouma26

عبير هاي طريقة السدر
هذه طريقة السدر وهي طريقة صحيحة لا شك في صحتها وقد جربت ءالاف المرات وظهر نفعها العظيم في فك السحر بإذن الله رب العالمين
وهي: أن تاتي بسبع ورقات سدر خضراء يانعة لا ثقوب فيها ولا تمزق ثم تدقهم بحجري بحر أو نهر دقا ناعما ثم تضعهم في كمية ماء تكفي للشرب والإغتسال ثم تقرأ عليهم قراءة صحيحة :
الفاتحة 7 مرات
آية الكرسى 7 مرات
الاخلاص 7 مرات
الفلق 7 مرات
الناس 7 مرات

نكون على وضوء ويكون نفس القراءة فى الماء واصبعك السبابة اليمين فى الماء وننفث بعد كل سورة فى الماء
بعد الانتهاء من قراءة السور
نقول من القلب على يقين الشفاء من رب العالمين
بسم الله
بسم الله
بسم الله
اعوذ بعزة الله وقدرته من شر ما اجد واحاذر ( 3 مرات)
وننفث فى الماء بعد كل واحدة


ونقول رب الناس اذهب البأس انت الشافى لا شفاء الا شفاؤك شفاء لا يغادر سقما ( 3 مرات ) اوسبع مرات

وننفث فى الماء


ونقول الصلاة الكاملة على سيدنا محمد صل الله عليه و سلم
3 مرات او سبع مرات

وننفث فى الماء بعد كل واحدة

ثم نشرب من الماء 3 جرعات مع قول بسم الله عند كل جرعة ثم تغتسل بالباقي
عبير الماء سخنيه شوي قبل ما ترقيه عل خاطرش بعد الرقية ما يسخنش
و بالشفاء ان شاء الله

بسومة ياك كيمانتوضى بيه وضوء اكبر الماء نرميه في مكان طاهر كيما الحديقة

ما يصلحش يروح في المجاري كا على بالي

راجلي ديما نقولو على الرقية و هو ما يصدقنيش ما يامنش بهذه الحوايج

يقولي راكي موسوسة منين يجينا السحور

يحساب الي يحب يسحرنا رايح يجي يشاورنا راهو فددني

ربي يبارك فيك بسومة و يعطيك على قد قلبك و يفرحك انت و البنات يارب

[عبير الحرية]

ديري ربي في قلبك بسومة انت و اترج ان شاء الله تفرحونا و البنات كامل يارب

سهام الحمد لله انت واش احوالك

لبنات البارح مريومة نزلت الفوطو نتاع يانيس في الفيس

ياااااااااعمري ماشاء الله تبارك الله عليه الزين نتاعنا

ربي يفرحها بيه ياربي