تجمع الجزائريات الغاليات المتأخرات في الحمل ‏

[mounira]

المشاركة الأصلية كتبت بواسطة سهام فرنسا

صباح الخير عليكم كامل و جمعة مباركة إن شاء الله
عبير وش راهيبنتك رتاحت شوي
أسما وش راكي لاباس
خولة وشراكي العرايس تاوعك جبتيهم و لا مازال
بسومة وشراكي وشراهي بنوتك رتاحت من قراجمها
منيرة وش راهي بنتك رتاحت شوي كثريلها من الما مليح ليها

السلام عليكم .. يعيشك اختي .. الحمد لله راحي مليحة البارح كملت الدواء ديالها
و نشكركم كامل على الروح الطيبة .. كامل اللي سقساو عليا وعلى بنتي .. و اللي عزاوني في بنت خالتي .. مشكورين الله يفرررج علي الجميع ...ااااامين

[mounira]

المشاركة الأصلية كتبت بواسطة bassouma

أنا إبتسام عندي 30 سنة و مزال ما حصل حمل ربي يرزقنا الذرية إنشاء الله.

مرحبا بييك وسطنا .. انا منيرة من العاصمة .. عندي بنتين .. و اجهضت مرتين

[bassouma]

المشاركة الأصلية كتبت بواسطة mounira

مرحبا بييك وسطنا .. انا منيرة من العاصمة .. عندي بنتين .. و اجهضت مرتين

مرحبا بيك أخت منيرة و بناس العاصيمة ربي يخليك .

[mounira]

المشاركة الأصلية كتبت بواسطة عبير الحرية

صح منيرة راهم يديرو هكا في كل المطاعم اسراء بنت خويا قاتلي الاستاذة توقف عندهم و تحتم عليهم

ان شاء الله جات على خير

تشوفي انا كيما زيدت جابلي راجلي الدوا و انا فيا عادة نفتش في التواريخ

و كوم راجلي اعمال حرة ما يرجعش الاورندونونس المهم صاحبو المشتاق

الفارماسيان ينحي الفينيات و دير بيهم اوردونونس يدي دراهمهم

انا لما فتشت ثالث يوم ما لقيتش الفينيات تولهت مع التواريخ المطبوعة من تحت

تخيلو اونتي بيوتيك اموكلون نشرب فيه 3 ايام بيريمي عنده 3اشهر

بديت نعيط و نقولو الله لا تربحو صاحبك يبيعلنا في دوا بيريمي

صدقوني ما خفتش على روحي و خفت على بنتي

اوروزمون هي ثما صغيرة تمص صدري شوية برك و ترقد

الخداعين في كل بلاصة و ربي سترني ما صرالي والو

بعيد الشر عليك الحمد لله .. عندك الحق الله لا يربحهم .. ما يخافوش من ربي ..

[basouma26]

السلام عليكم لبنات و نهاركم مبروك ان شاء الله
نور الهدى واش راكي يا الغضبانة وليتي ولا مازال راه الراجل قتله الشر
سهام بصحتكم التحواس في ليون روحي بدلي الجو سيرتو في هاد الوقت راهي حالة و مبروك تاني العرس
خولة على سلامة بناتك الحمد لله اللي راهم معاك يترباو في عزك ان شاء الله
ريحانة ما تقعديش ديري الخوف في بالك ان شاء الله كلشي يفوت بخير مين تدخلي في التاسع ان شاء الله كلي التمر كل يوم يعاون الكول باش يتحل فيساع و ما تخافيش
عبير كيدارت بنتك ان شاء الله لاباس و بالنسبة ادا راكي شاكة في السحر عليك غير بالسدر ديري بيه الرقية ما كانش كيفه
اترج وين كنتي توحشناك ان شاء الله تكوني بالحمل و ربي يفرحك ان شاء الله و بالنسبة للدوفاستون هي مثبت للحمل اذا كان و اذا ما كانش حمل تهودلك الدورة ان شاء الله ما تشوفيهاش حتى نهار النفاس يا رب انتي و كامل لبنات
اسما شفتي هدا وين وليتي لينا ربي يحفظك ان شاء الله و يعطيك واش تتمني ان شاء الله
الما على سلامتك وين كنتي مغيبة
مريم بسملة ان شاء الله كلشي راح يتحل و تحملي طبيعي قولي يا رب آمين
اسما و بسومة و خديجة درصاف مرحبا بيكم معانا و ربي يفرج عليكم

[basouma26]

المشاركة الأصلية كتبت بواسطة mounira

السلام عليكم .. يعيشك اختي .. الحمد لله راحي مليحة البارح كملت الدواء ديالها
و نشكركم كامل على الروح الطيبة .. كامل اللي سقساو عليا وعلى بنتي .. و اللي عزاوني في بنت خالتي .. مشكورين الله يفرررج علي الجميع ...ااااامين

منيرة الحمد لله على سلامة بنتك

[asmabb]

المشاركة الأصلية كتبت بواسطة سهام فرنسا

أسما ىأهلا بيك وش راكي لاباس ؟

اهلا اختي سهام واش راكي نتيا
انا الحمد لله مليحا

[عبير الحرية]

السلام عليكم

اهلا لبنات واش راكم

اترج سهام بسومة منيرة واش احوالكم

بسومة بنتي لباس نحمد ربي و نشكروه و انت واش دايرة

ايه راهو الف بالمئة سحر

عندي السدر كيفاه نديرو راني حتى داري كرهتها

اترج كاش اخبار جديدة فرحينا

منيرة على سلامة بنتك و خوك لباس

اهلا بالبنات الجدد

نور الهدى وين غطستي

جمانة و اسماء وخولة و ريحانة و صبورة و امة و سارة و لمياء و مريم و نور اليقين و الما و باربي

وينكم

وصال و و اميرة و ام بلقاسم و حورية و سماسم و بسمة روجينا طولو الغيبة ان شاء الله خير

[basouma26]

عبير هاي طريقة السدر
هذه طريقة السدر وهي طريقة صحيحة لا شك في صحتها وقد جربت ءالاف المرات وظهر نفعها العظيم في فك السحر بإذن الله رب العالمين
وهي: أن تاتي بسبع ورقات سدر خضراء يانعة لا ثقوب فيها ولا تمزق ثم تدقهم بحجري بحر أو نهر دقا ناعما ثم تضعهم في كمية ماء تكفي للشرب والإغتسال ثم تقرأ عليهم قراءة صحيحة :
الفاتحة 7 مرات
آية الكرسى 7 مرات
الاخلاص 7 مرات
الفلق 7 مرات
الناس 7 مرات

نكون على وضوء ويكون نفس القراءة فى الماء واصبعك السبابة اليمين فى الماء وننفث بعد كل سورة فى الماء
بعد الانتهاء من قراءة السور
نقول من القلب على يقين الشفاء من رب العالمين
بسم الله
بسم الله
بسم الله
اعوذ بعزة الله وقدرته من شر ما اجد واحاذر ( 3 مرات)
وننفث فى الماء بعد كل واحدة


ونقول رب الناس اذهب البأس انت الشافى لا شفاء الا شفاؤك شفاء لا يغادر سقما ( 3 مرات ) اوسبع مرات

وننفث فى الماء


ونقول الصلاة الكاملة على سيدنا محمد صل الله عليه و سلم
3 مرات او سبع مرات

وننفث فى الماء بعد كل واحدة

ثم نشرب من الماء 3 جرعات مع قول بسم الله عند كل جرعة ثم تغتسل بالباقي
عبير الماء سخنيه شوي قبل ما ترقيه عل خاطرش بعد الرقية ما يسخنش
و بالشفاء ان شاء الله

[basouma26]

لبنات راني جربت واحد الخلطة و قالك هاد الخلطة اللي عندها سدد تجيها الدورة على شكل دم مكبد يطيح عليها حشاكم بزاف و اللي عندها ضعف التبويض تنشف عليها املا انا تم تم نشفت
شوفو موضوعي و قلولي

http://forum.hwaml.com/t281220.html