هذي حالتي ؟؟؟

[حلآوهـ]

السلام عليكم
انا عضوه يديده ف المنتدى بس اتابعكم من زمان
والحين سجلت حتى اسالكم
انا اعاني من التكيس وضعف التبويض والحمدلله على حال
والدورة من اول ما بلغت ما كانت منتظمة يعني تيني ما بين الـ 40 يوم والشهرين
وعقب الزواج تلخبطت معاي
ومع العلاج والابر والهرمونات صار عندي زيادة وزن وزاد علي التكيس
ووصلت لمرحلة ان الدورة ما تيني الا بادوية وهالكلام من سنتين للحين وانا على هالحالة
لكن قبل 3 شهور سرت تعالجت عند حرمة بالاعشاب وقالت لازم اول نعالج التكيس
وعطتني القسط على شكل كبسولات
اول شهر تاخرت علي الدورة كالعادة واخذت دوا عشان تيني
ف الشهر اللي وراه يتني الدورة ف موعدها واستانست وايد كانت هذي اول مره من بعد سنتين اللهم لك الحمد
بس كانت خفيفه وكانت أكثر شي تنزل علي (وانتوا بكرامه) ف الحمام لكن ع الفوطة قليله
وهي نصحتني اشرب اعشاب معينه بس ما زادت علي وطهرت
الشهر هذا قبل موعدها بكم يوم شفت (وانتوا بكرامة) دم بني وياني الم فظيع ف الظهر
وبعد يومين بدا ينزل علي الدم بس خفيف بالمره اخف حتى من الشهر اللي راح ولا نزل ع الفوطة ابد بس ف الحمام (وانتوا بكرامه)
والحين صار لي اسبوع ونفس الحالة لا زادت علي ولا طهرت
منو مرت عليها نفس حالتي ؟؟؟
ما ودي آخذ الدوفاستون اللي كنت آخذه حتى تيني زين لاني ما صدقت افتكيت من الدوا وصارت تيني كل شهر بوقتها
وف نفس الوقت خايفه أضر نفسي
مب عارفه التصرف الصح
ساعدوني الله يخليكم والله حالتي النفسية كل يوم تسووووء واصير عصبية اكثر من اول
مب عارفه شو اسوي بعمري
تعبت من العلاج الطبي والطبيعي ما خليت شي الا جربته
ذقت كل انواع الالم النفسي والجسدي

ساعدوووني تكفوون ريحوني ربي يريحكم دنيا وآخره
ولا تنسوني من دعواتكم

أختكم حلآوهـ

[ماما حياتي]

انصحك بالحجامه
واستمري ع القسط الهندي والبرقدوش

والله يشفيك يارب

[ام فهد0]

ياحبي لك كسرتي خاطري, الله يزرقك العافية يارب. انا عندي مشكلة بالتكيس بس ما ادري عن وضعك بالضبط بس قريت كلامك وحبيت اواسيك واوقف جمبك
ان شالله ربك يسهل لك امورك ويرزقك الصحة والعافية يارب دعواتي لك

[حلآوهـ]

المشاركة الأصلية كتبت بواسطة ماما حياتي

انصحك بالحجامه
واستمري ع القسط الهندي والبرقدوش

والله يشفيك يارب

مشكوره على ردج اختي
انا هذا اللي ماشيه عليه الحين من 3 شهور
حجامة وقفل ظهر وقسط وبردقوش
بس احس انه عقدني اكثر
يعني تيني الدورة وما اعرف لو هي دورة او لا بحد ذاته موضوع يتعب
ما اعرف اصلي او لا
اسمحيلي ع الكلمة بس بعد عندي زوج يبا حقه
ع الاقل مع الدوا الطبي كانت تيني وتنتهي واعرف انها دورة
لكن !!!!!!!!
ما اعرف شو اقول والله

آمين يا رب
وتسلمين ع الطله والدعوه الطيبه

[حلآوهـ]

المشاركة الأصلية كتبت بواسطة ام فهد0

ياحبي لك كسرتي خاطري, الله يزرقك العافية يارب. انا عندي مشكلة بالتكيس بس ما ادري عن وضعك بالضبط بس قريت كلامك وحبيت اواسيك واوقف جمبك
ان شالله ربك يسهل لك امورك ويرزقك الصحة والعافية يارب دعواتي لك

تسلمين يا بعدي عسى ربي ما يحرمج السعادة وكل ما تتمنين
مشكورة على طلتج الحلوة ودعواتج الطيبة
اللهم آمين يارب

[ماما حياتي]

حبيبتي
يمكن عندك استحاظه
اذا الدم خفيف وفاتح وماله ريحه صلي
احسني الوضوء وبدلي ملابسك الداخليه وحطي كير فري وصلي

ونفس الشي بالنسبه للجماع اذا مو قت الدوره
وا كمية الدم خفيفه ولونه فاتح وليس له ريحه وليس دم دوره
مافي ضرر ان شاء الله لا على الزوج ولا عليك
انا كانت تجيني هذي الحاله
ورحت ل شيخ يرقيني مع زوجي وقلت له قال هذة استحاظه وصلي وعادي والجماع بعد

الله يشفيك يارب
ويرزقك بالحمل السليم الكامل بما تتمنين

[حلآوهـ]

المشاركة الأصلية كتبت بواسطة ماما حياتي

حبيبتي
يمكن عندك استحاظه
اذا الدم خفيف وفاتح وماله ريحه صلي
احسني الوضوء وبدلي ملابسك الداخليه وحطي كير فري وصلي

ونفس الشي بالنسبه للجماع اذا مو قت الدوره
وا كمية الدم خفيفه ولونه فاتح وليس له ريحه وليس دم دوره
مافي ضرر ان شاء الله لا على الزوج ولا عليك
انا كانت تجيني هذي الحاله
ورحت ل شيخ يرقيني مع زوجي وقلت له قال هذة استحاظه وصلي وعادي والجماع بعد

الله يشفيك يارب
ويرزقك بالحمل السليم الكامل بما تتمنين

مشكورة على اهتمامج فديتج
وعلى تعليماتج الحلوه

بس تتوقعين انها مو دوره ؟؟ مع انه وقتها
يعني يوم كنت آخذ الدوا مثل هالوقت تكون يتني
والشهر اللي راح يوم يتني لاول مره من غير دوا ف نفس هالوقت 28/3 !!!

سامحيني تعبتج

[طيبتي غلطتي]

خربطه هرمونات أختي لازم منظم من ثلاث الي ست شهور

[محجوبة]

أسال الله العظيم رب العرش العظيم ان يشفيك شفاءا لا يغادر سقما
أسال الله العظيم رب العرش العظيم ان يشفيك شفاءا لا يغادر سقما
أسال الله العظيم رب العرش العظيم ان يشفيك شفاءا لا يغادر سقما
أسال الله العظيم رب العرش العظيم ان يشفيك شفاءا لا يغادر سقما
أسال الله العظيم رب العرش العظيم ان يشفيك شفاءا لا يغادر سقما
أسال الله العظيم رب العرش العظيم ان يشفيك شفاءا لا يغادر سقما
أسال الله العظيم رب العرش العظيم ان يشفيك شفاءا لا يغادر سقما

اختي يسر الله ارم يا رب و فتح عليك ابواب رحمته يا رب و مغفرته اللهم امين
بس اشك في حمل و الله اعلم , بس اعملي اختبار حمل او تحليل دم
واذا ما في اعملي تحليل على سبب هذا الامر مع طبيبتك
باذن الله ادعي معاك
في امان الله وحفظه

[حلآوهـ]

المشاركة الأصلية كتبت بواسطة طيبتي غلطتي

خربطه هرمونات أختي لازم منظم من ثلاث الي ست شهور

مشكوره ع الطله
بس أنا سويت تحليل هرمونات اكثر من مره
وكلها كانت تمام
مشكلتي فقط ف التكيس وضعف التبويض