تجمع حوامل سوريا-دردشة ورود سوريا-دردشة الغاليات

نجمة السمر · 02-23-2013, 03:30 AM

الله يهون عليكن ياحلوات وتقوموا بالسلامة انت والبيبي ان شاء الله ماتحتاجوا قيصرية

ام ندوش وعاشقة جوجو

وانا عندي جوجو حلوة اسمها جود انت شو اسم بنتك الله يرزقك برها ويقومك بالسلامة
ويقويك على حفظ القرأن وتصير حافظة ومحفظة (خيركم من تعلم القرأن وعلمه)

جزاك الله خيرا ميمي على الدعاء الجميل الله يتقبل ويرضى عنا جميع

كيفكم ياصبايا سلامي لكم جميعا وتحياتي

يارب أرزقني طفلااا · 02-23-2013, 11:06 AM

اقتباس:

المشاركة الأصلية كتبت بواسطة ام ندوشة

كيفك اختي يا رب ارزقني طفلا * بدي ادعيلك الله يرزقك بالذرية الصالحة ويهدي بالك انتي وزوجك وربي يخليلك ياه ويبعد عنكن كل المشاكل * انا ببداية زواجي اتعزبت كتير وزوجي كان على قال وقلنا وقلبو حي هههههه هلئ شوفي * ما بيفضالي ولا انا بفضالو * ملتهية بها البيت وبندى وهو ملتهي بدراستو وكتبو*الله يهدي حالنا وبالنا

ااااااااامييييييين الله يسمع منك ويرزق كمان كل محرومه ويسهل عليكي ولادتك انشالله يااااارب وزوجي كمان قلبو حي وبس عصب ما بيعرف عينو يا صبور والله ما كانت حياتنا هيك ____ موفقه ام ندوشه

يارب أرزقني طفلااا · 02-23-2013, 11:08 AM

اقتباس:

المشاركة الأصلية كتبت بواسطة نجمة السمر

الله يهون عليكن ياحلوات وتقوموا بالسلامة انت والبيبي ان شاء الله ماتحتاجوا قيصرية

ام ندوش وعاشقة جوجو

وانا عندي جوجو حلوة اسمها جود انت شو اسم بنتك الله يرزقك برها ويقومك بالسلامة
ويقويك على حفظ القرأن وتصير حافظة ومحفظة (خيركم من تعلم القرأن وعلمه)

جزاك الله خيرا ميمي على الدعاء الجميل الله يتقبل ويرضى عنا جميع

كيفكم ياصبايا سلامي لكم جميعا وتحياتي

الحمدالله نجمه السمر انتي كيفك انشالله بخير يا قلبي باقي الصبايا كيفكون اليوم

أم عائشة · 02-23-2013, 07:18 PM

السلام عليكم كيفكم ياصبايا
ماشاءلله كتير فيه صبايا جدد
اهلاوسهلا فيكم
أنا ام عائشة من الميدان بالشام بس متزوجة بالبحرين وكنت هون من مدة بس من ولدت هالتوام وانا ماعندي وقت والله أبدا فوت

ياريت اتطمن على اللي كنت أعرفهم قبل لانو ماشاءلله الصفحات كتيرة ومافيني حيل أقراهم ههههههه

يارب أرزقني طفلااا · 02-23-2013, 07:33 PM

اقتباس:

المشاركة الأصلية كتبت بواسطة أم عائشة

السلام عليكم كيفكم ياصبايا
ماشاءلله كتير فيه صبايا جدد
اهلاوسهلا فيكم
أنا ام عائشة من الميدان بالشام بس متزوجة بالبحرين وكنت هون من مدة بس من ولدت هالتوام وانا ماعندي وقت والله أبدا فوت

ياريت اتطمن على اللي كنت أعرفهم قبل لانو ماشاءلله الصفحات كتيرة ومافيني حيل أقراهم ههههههه

اهلا وسهلا ام عا ئشه نورتي من جديد الله يخليلك اياهن يااااارب ويقر عينك فين ويقويكي بحسنتهم ياااارب راح عرف انا عن حالي __ انا نغم من حماه ومتزوجه من سنتين وشوي وانا حاليا بالامارات عمري 20 سنه انا اكتر وحده فاضيه لان ما عندي حدى وطول النهار لوحده وبالنسبه لصبايا قليل ليفوتو يعني كل وحده على فضاتها ___ حموده وابراهيم كيفون انشالله ما عم يعزبوكي

نجمة السمر · 02-23-2013, 07:52 PM

سلامة ياحلوات كيفكون

يارب ارزقني طفلا كيفك حبيبتي شو اخبارك الله يجعلك بخير طمنيني ان شاء الله هديت الاحوال بينك وزوجك الله يسعدك يارب

ام عائشة اهلا حبيبتي بعودتك من سنتين كنت اشوف دردشة السوريات
واتذكرتك كنت متابعة بصمت ومالي زمان عمدردش مع البنات هلأ الله يخليلك الحلوين وتفرحي فيهن
انا مقيمة بجدة
من 13 سنة تزوجت وجيت عمكة وهلأ بجدة

وتحياتي للجميع

ميآر [ مهند حيآتي ] · 02-23-2013, 09:12 PM

مسا الخير حبيباتي ..

كيفكن ... مشتائتلكن كتير كتير ... والله بهالكم يوم كنت مشغولة شوي بالبوبيات ..
كتير تعبوني ونزل ضغطي وبعدين ارتفع فجاة وفتت بالحيطآن .. وكلو بسبب خنآقة بسيطة بين زوجي وبين أهلو .. >> ما بدهن يآني روح ع بيروت اولد هنيك .. لان عرفانين اذا رحنا خمستنا (( انا وزوجي والتوينز ومهند )) ما عاد نرجع .. وامو هلا
اعدة عم تبكبك .. انو ما بدها تنحرم من ابنها ...>> حكي فاضي هيي من سنة بالضبط وزتو يسافر ويتركني انا وحامل بهنودة ...
آآآه والله جواتي نار ..

ومن هلا حمآتي بلشت نئ ئال ما بيصير يجيك بنات يا ابني وابنك بدو اخ مو اختين وهلا بكير ع التوينز >>>> قصة مصاري :(( ولحتى ما تخليني افرح بالتوأم

ئلتلو من الآخر انا ابني تعذب بما فيه الكفاية لان انولد بهالظروف وانا متت الف موتة بنفاسي لان لحالي لا ام ولا اخت بدي روح اولد عند اهلي .. هدول توينز مستحيل اقدر لحق ل 3 ولاد .. يعني ابني بيكون صار عمرو سنة وئت يخلئو مستحيل ... ئال اي انا بس ما بدي جاكرها ورح يصير اللي بدك ياه ...
بجي بعدين بسمع حكي غير هالحكي .. ليش يغير حكيو ...

ئلتلو طيب خلينا نسلم جدلا انو رح نضل هون .. مين هالخدامة اللي رح أمنها ع بيتي بهالظروف .. انا رح اخد الولاد وائعد عند اهلي وخليك عند امك >> هرمونات الحامل اشتغلت شغلا .....
ورحت نمت وحطيت هنودة بحضني وما تركت الفرشة .. المسا بيجي بيئلي خلص حبيبتي جهزي حالك الاسبوع الجاية ع بيروت ... ياااااي
بعرفو ئلبو حنون بس لو ماني هيك عاملة كانت حماتي عملت متل هديك المرة
فعم جهز الشنت ونشالله الاحد مسافرين بكير ... دعولنا ...

ونشالله من بيروت للخليج ... ما بعرف لسا وين بس بخبركن اكيد ...

هنودة صار يئول ماما وانا كتير كتير مبسوطة ... وعلمتو كمان دا دا هههه
بس بابا لسا ما تعلم يئولا للاسف ههههه

صايرة عم حس بحركة بسيطة ببطني وئت كون متسطحة ع ضهري ... نغزات اسفل البطن واعلاها ... هدول اكيد البنوتات ..

نسيت خبركن انو شبه اعتمدنا الاسماء ...

ان شاء الله حابة سميهن

جوليا & أماليا

الدكتورة
عطتني موعد مبدأي للولادة

الدكتورة
عطتني موعد مبدأي للولادة 28 - 7 - 2013

بس اذا قررتلي قيصري بدي اولد ب 2 - 8 متل يوم ميلاد هنودة هههه
انا اللي بعرفو انو التوأم بينولدو ابكر من البيبي الواحد بئا الله يستر ...

يارب أرزقني طفلااا · 02-23-2013, 09:15 PM

مسا الخير للجميع اي نجمه السمر الحمدالله ماشي حالي مبارح صارت مشكله كبيره وعدو خلص ما ادخل يصطفل _ بس اتصوري من اول مشكله بس لاني غرت عليه اتخلى عني بعرفو طيب وبحبني بس مشكلتو بس عصب ما بيعرف حدى الحمدالله ما بدي اخرب بيتي الله يرزقني الحمل وانسى وانشغل بالبيبي يااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااارب ( واليوم موعد دورتي وبطني دبحتنيي من الوجع ولسا ما شرفت******يا قلبي الله يسلمك ما نسيتيني انشالله ما بسأل عليكي الا بالخير يااارب وانتي كيفك انتي واالاولاد وشو طبختي اليوم انا عامله فطر بلحمه وجنبو رز
؟؟؟وانتي طمنيني عنك

بسبوسه زوجها ( منار) ام ندوشه ( نايوتا(( سيريا (((ميار _ ام مهند ( سرؤؤؤؤه ( هبه _ جوريه شا ميه ويلي ما زكرتن اشتقتلكن وينكن غاطين

يارب أرزقني طفلااا · 02-23-2013, 09:25 PM

يه اهلين ميوره نورتي بلله ونبسطللك كتير انو طالعه ع بيروت الحمدالله يارب يسر سفرتكن يارب وتوصلو بخير وسلامه وضلي ضمنينا عنك والاسماء بجنووو كلون زوق _-- انشالله هلق ابتلاقي الفرق بس تولدي عند اهللك والتوينز عم يتحرو فرحانين لان بدون يروحو لعند بيت جدن ع بيروت هههه بس ما طار عقلك وقت قال ماما دخيل الله بكون من تمو بجنن ما شالله الله يحميه زكرتيني بأبن اختي كمان لسا ما صار عمرو سنه وكتيررر بحبو _ اختي اصغر مني بـــ6 سنين بس ياقلبي كانت بحلب مع زوجها اجو اعدو عند اهلي وبيت احماها صار ع الارض من ضرب الطيران والله يفرجا ع الجميع يااارب اي شو طا بخه اليوم لأبو مهند

ميآر [ مهند حيآتي ] · 02-23-2013, 09:27 PM

يا رب ارزقني طفلا : حبيبتي كيفك ...شو اخبارك .. ما بعرف شو عم يصير معك بدي حاول اقرا قصتك .. بس اللي فهمتو انو زوجك عم يحكي وحدة غيرك ؟ حبيبتي .. ولا يهمك وروئي نشالله الله بيهديه وبيسخرلك ياه ..حبيبتي نشالله الله بيكرمكن وبيبعتلكن بيبي يونسكن .. وصحة وهنا ع الفطر ..

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة حوامل أهل جدة - دردشة بنات جدة - تجمع حوامل مدينة جدة	سماسم	إستفسارات حوامل من الشهر السابع إلى الشهر التاسع	2601	06-07-2013 07:34 PM
تجمع حوامل سوريا-دردشة ورود سوريا-دردشة الغاليات	jorri sham	إستفسارات حوامل من الشهر السابع إلى الشهر التاسع	791	07-07-2012 04:03 AM
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
دردشة حوامل أهل قطر - دردشة بنات قطر - تجمع حوامل قطر	اميره نفسى	إستفسارات حوامل من الشهر السابع إلى الشهر التاسع	248	01-01-2012 03:49 PM
دردشة حوامل مصر - دردشة بنات مصر - تجمع حوامل مصر ‏	دودى اشرف	إستفسارات حوامل من الشهر السابع إلى الشهر التاسع	23892	08-22-2011 07:42 PM