مارايكم بحضور الزوج في وقت الولاده

[سنه اولى امومه]

مسسسسسسسسسسسسسسسسسسسسسسسسسسسسسسسسسسسسستحيل يدخل انا للحين مادخلت غرفة الولاده باقي لي ان شاءالله شههر ونص واتشرف بشوفتها بس ابدا ابدا ما افكر انه زوجي يدخلها اصلا الرجل مايحب الالم ويكره اي شى يسبب الالم فما اريد زوجي حبيبي ينطبع في باله الم الولاده ولا قدر الله يكرهني او يكره البوبو

[Tota 85]

ما انصح في رجال ينقرفون من نسائهم بعد ما يرونهم بالهوضع والرجال مب مثل المرأة ما عنده تحمل ايخاف

[الحلم المنتظر]

ودي يكون معاي بس وقت الطلق الولادع لا لا مستحيل الله يتمم لنا ع خير ونولد بالسلامه

[صرخة طفل]

وقت الطلق ايوه لكن وقت الولاده لا

[مخاوية الهم]

يكون موجود بس عند راسها !!

و مايقرب ابدا ابدا ابدا .. صوب الرجل عشان لا يشوف اشياء ما بتروح من مخه ..



تواجده عند راسها راح يخلي يحس بألمها و بقدرها وايد

لكن لو شاف الاشياء الثانية راح ينصدم و يكرها .. مو هي .. لكن يكره يقرب منها

[الريمـ]

أول حاجة المستشفيات اللي تسمح للزوج بالدخول لغرفة الولادة تكون واضعه قوانين لدخوله
من أهمها أنه يبقى عند راس زوجته ومايتحرك ابداً لأن حركته اصلاً تربك الطاقم الطبي
وبكذا مستحييييييل انه يشوف شي ( واللي قالت شق ودم ماتدري عن السالفة )
بالعكس هذا الشي يخليه يحس بزوجته أكثر ويقدر ألمها وتعبها وهي تحس بالأمان أكثر وتحس بأنو فيه احد جنبها
وهذا الكلام مو من عندي كل أطباء النساء والأطباء النفسيين يأيدوا وجود الزوج جنب زوجته
إلا لو كان من النوع اللي مايتحمل هذا شي ثاني
وعن تجربة أنا زوجي دخل معي غرفة الولادة اللي هي نفسها غرفة الطلق وظل جنبي من بداية الطلق لين ولدت
وماشاف شي ابداً لادم ولا غيره ..