بنات ضرسي ضرسي (ارحموني) تكفووون جاوبوني

[الدرة المصونة]

السلام عليكم ورحمة الله وبركاته

بنات انا حامل في الشهر الرابع

وعندي ضرس مسويته من 9 او 8 سنوات

ولا أحس فيه بتاتاً

وعلى كلام الدكتور انه مقطع العصب

وحاط حشوه دايمه

بس الحين من دخلت الرابع للحمل وهو فيه ألم للسن هذا

واذا شربت بارد او حار او حتى ضغطت عليه يوجعني


مع العلم ان طبيبة النسا والولادة وصفت لي ادوية خاصة بالكالسيوم
وتوني بادية فيه امس

وخايفه اروح اروح دكتورة اسنان

واذا تنصحوني اروح لدكتورة اسنان
من افضل دكتورة يدها خفيفة وتخاف الله ونفسها زينه


وما راح انساكم بالدعاء في هاليوم الجمعة الفضيل

اللي عندها معلومه صحيحه وأكيده فالله يوفقها ويحقق اللي في يالها ويرزقها الصحة والعافية والذرية الصالحة ولا يخيب رجاها واملها ... اللهم آمين

[بنت أبيها]

اختي اجر وعافيه

اسال الرحمن ان يخفف عليك

حبيت ادخل بالموضوع لارفعه بدعوه

ويارب يثبت حملك وحملنا وجميع البنات

[إباء]

ياحبيبتي والله كأنك توصفين حااالتي وانا دوبي بدأت بالكالسيوم باصبر اسبوع لو استمر الالم باروح لان الدكتورة تقول فيه بنج يناسب الحوامل اظنها تقصد الموضعي.
بس خذي احتياطك اشربي ماء دافي وحاولي مايجي جهة الضرس وتمضمضي بماء دافئ كمان ولا تجلسي او تنامي قبال المكيف وكلي بالتدريج عشان ما يستثار الضرس فجأة وربي يصبرنا جميعا

[بسماتي]

غاليتي انا في حملي السابق نفس حالتك الم في الاسنان من الشهر السادس والسابع
والله من قوة الالم اني ابكي وضعت قرنفل ومضمضة ماءوملح ماسوى شي
مااقول الا الله يعينك ويقومك بالسسسسلامه

[الدرة المصونة]

اشكركن اخواتي وبمشي على كلامكن وشكرا لكن

[حجــآزيــۃ]

الله يكون في عونك بس هو طبيعي مع الحمل عشان الكالسيوم

[روحي ملاك]

ماتشوفي شــر يارب
انا لما دخلت السادس كان ضرسي
مررره يوجعني ورغم اني مستمره على
حبوب الكالسيوم ورحت دكتوره اسنان
وقالت مااقدر اسويلك شي لا احط بنج ولاغيره
واعطتني غسول اسمه بيتادين غسول للفم
والحمدلله على كل شـــي

[دلوووعة]

المشاركة الأصلية كتبت بواسطة بسماتي

غاليتي انا في حملي السابق نفس حالتك الم في الاسنان من الشهر السادس والسابع
والله من قوة الالم اني ابكي وضعت قرنفل ومضمضة ماءوملح ماسوى شي
مااقول الا الله يعينك ويقومك بالسسسسلامه

نفس حالتي من بداية حملي وانا في عذاب _ الحمدالله _ ماخليت شيء حطيت قرنفل ومضمضة كانت تهديه بس بعد فترة ما عاد تنفع واللحين استخدم زيت القرنفل وماشية عليه يهدي شوي
الله يعينك ويعين كل حامل يارب

[راناا]

دكتور السنان غللللللللللللللللللللللللللللللللط فى فتره الحمل
ممكن تاخدى عدوهن بسببه بلاش اختى
حاولى تحطى زيت قرنفل على الخد وعلى اللثه
وكمان حاولى حبيبتى تحطى بنج موضعى لكن طبيب اسنان لا بالله عليكى
اعملى سرش واعرفى انه ممنوع
وللعلم الالم تنبع الاسنان مش بيكون عشان سحب الكالسيوم وبس
ومن الاكل عشان بناكل كميه اكبر من المعتاد فكل اجهزتنا بتتعب فتره الحمل
اجر ان شا ءالله ربى يقر عيننا برؤيتهم سالمين

[أم حسون]

وعليكم السلام ورحمة الله وبركاته

هو شىء طبيعي علشان الجنين الي في بطنك يمتص الكالسيوم

أنا كنت زيك آلام شديدة في أسناني من بداية الحمل

بس الحمد لله خفت بفضل الله ثم كنت امضمض فمي بموية دافئة مع ملح

بعد كل وجبة او اي شىء اكله والحمد لله ماجاني الم بعدها

الله يسهل امرك يارب ويعينك