الحمدلله بعد 8شهوور ونص ولدت :)

أسيـل · 10-27-2011, 12:04 PM

السلام عليكم

كروشات حبيباتي هنوني ولدت وراح اقول لكم قصتي

طبعا انا كنت راح أسوي شي خطير اللي هو إني راح أولد بغرفه بالبيت

الموهيم إستفسرت الكروشات وقالو خطر وكذا قلت أفكر كيف أولد بدون مايحسون

أهلي المهم دخلت التاسع خلاص من أول يوم بالتاسع وانا ألام ولا أناظر الدرب من

الألم المهم ثاني يوم بالتاسع قالت أمي أختك جابت بنت وبنسوي عزيمه كبيره وبقاعه

ومادري إيش لأنه بعد 10 سنوات جابت هالبنوته وقالت تعالي وأوقفي جنب إختك

المفروض أحد ياقف جنبي مو انا اقف جنبهم وأساعدهم بعدين قلت اوك ورحت

كانت بعد يومين يعني يوم انا باليوم الرابع والله ولبست ورحت الدنيا منتليه وزحمه

ماتوقعت إنه ككذا وحسيت شكلي غلط من بينهم انا حامل بس والله وحنا قاعدين وكذا

حسيت إنه كأنه شي ينزل ودغري للحمام لكن مافيه شي شكيت إنه في شي ورا سألت

بنت خالتي قالت مافيكي شي المهم جاني مغص والبيبي بدا يرفس ترفيس قوي مادري

ليه خلاص أنا شوي وتنزل دموعي ناظرتني شغالةة إختي وقالت البيبي يرقس صح

قلت إي قالت تعالي معي ورقتني فوق في غرفه صغيره فيها سرير وإسفنجه

مريححححححححححححه حححححيل بس هم بعد تعبت من الترفيس والمغص يوم

كذا وتقعد تسوي مساج أسفل البطن والله ياراحححه حيل تهبل وقعدت فتره بالنهايه

قالو إنه العشاء جاء قلت للشغالةة بنزل قالت لامايصلح البيبي مأستقر ومادري إيش

قلت يمكن هي أخبر مني أقعد وراحت وجابت لي عشاء وبعد العشاء نزلتني للحوش

قالت إمشي ومشيت حوالي ساعه كذا بالنهايه قالت يالله إقعدي معهم وإذا ألامك

عطيتها مكافأه بطاقه شحن كانت لجوالي بس قلت ماعليه البنت ماقصرت معي

قعدنا لحد الفجر ضحك وسوالف ورقص واكل وننننناسسسه بالنهايه خالتي وبناتها

نامو عند امي وانا لازم ارجع لبيتي انا وزوجي بس قلت ماضيع فرصه نفس كذا

وقعدت عندهم وليتي ماقعدت يتمسخرون على كرشتي وناظرنا بنت إختي المولوده

ونمنا بالنهايه قمت بالليل واطلقت صرخه لاشعوريا من الألم يمكن كل البيت قام

وركض لغرفتي شفيك ومادري إيش وكذا نادو لي الشغاله سوت لي مساج مانفع

وزيت زيتون وخلطات لعلي اهداْ مانفع أبدا خلاص ألم خطير بس بالنهايه هديت

ولما حسيت البيت كله نـام دقيت على زوجي يجي ياخذني ونروح للمستشفى لأنه

بدا التعب يجي ورحنا للمستشفى طبعا انا باليوم الخامس من التاسع وقالو مفتوح 2

سم المهم ودروي وامشي وكذا وكذا حتي إنفتح 8 سم قالو ولاده يدخلوني غرفه الولاده

والساعه 2:00 بالليل بالضبط دخلوني وادفعي وادفعي وتعب عظيم المهم خلاص انا

حسيت بدخل بدوخه وعلطول دخلت بدوخخه وقمت من الألم وأول ماقمت يالله إدفعي

ومادري إيش وابدأ ادفع لححد ماشرف (وليد ) طبعا زوجي جاه الخبر ولا علم أمي

ولا أححد قعدت لحد الفجر بعدين طلعوني انا والبيبي ناظر زوجي البيبي وشكر ربي

ع هالنعمةة صراحه لونشكره من اليوم لبكرى مانوفي بحقه لأنها نعمهه كبيره من ججد

وجميل تناظرين ولدك اللي قاعد ببطنك يضحك المهم رجعت دغري لبيت اهلي

وعلطول لغرفتي ولا كأن فيه شي وطبعا كان فيه أغراض بيبي يعني سرير وملابس

كشخته وعطرته وحطيته جنبي وإنسدحت خمس دقايق إنفتح الباب كانت بنت خالتي

بتقومني راحت لحد سريري وقومتني قالت يالله قومي الله يسهل عليك ولادتك

ونشوف النونو فتحت الأبجوره اللي جنبي وكان بحجري ولدي ولما ناظرت صرخت

من وين طلع وجو أهلي وإستانسو وباركو لي وبس طبعا يوم الأحد 25\11

الله الله بالردوود وشكرا لكل الكروشات والله يسهل عليكم ويرزقكم الذريه الصالححةة

غلاامي · 10-27-2011, 01:10 PM

هههههه ماشاء الله عليكي لو ان ابغا امي جنبي قصتك حللوة

عبير 99 · 10-27-2011, 01:19 PM

مشاء الله عليك يا اسيل
مفاجئتك لهم حلوووووووووووة
الله يخلي لك ولي
والف حمد الله على سلامتك

أم سلمان · 10-27-2011, 02:34 PM

الحمد لله على السلامة
ويتربى بعزكم

تراتيل حزن · 10-27-2011, 02:41 PM

الف مبروك والحمدالله ع السلامة

ويتربى بعزكم

بس كيف طلعوك وانتي توك وااااالد ^_^

وصاايف · 10-27-2011, 02:42 PM

ماشاء الله عليك
احلى مفاجاءه
الحمدلله على سلامتك
ومبروك ماجااااك

سرووءة · 10-27-2011, 03:37 PM

الف الف مبروك
الحمدلله عسلامتك
مفاجئة حلوة
بس كيف قدرتي تطلعي من المشفى وانت لساتك والدة من جديد
يتربى بعزك يارب

يمكـ دروبي · 10-27-2011, 03:48 PM

مبرووووووووووووووووووووووووووك حبيبتي
احلى مفاجأه الصراحه ...

FoOoFoOo · 10-27-2011, 03:54 PM

الف الف مبرووووووووك حبيبتي..
قصتك روووووووعه ومفاجأتك لأهلك أروع..

فليك · 10-27-2011, 10:04 PM

ماشاءالله
الف الحمدلله على سلااامتكم
اجر و عافيه يارب .

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الحمدلله ولدت بي السلامه	شوق ودمعه	إستفسارات مرحلة الولادة	27	07-30-2011 03:26 PM
الحمدلله ولدت ,,	أم جوري	إستفسارات مرحلة الولادة	15	07-12-2011 03:36 AM
الحمدلله ولدت	ام لاحلى بنت	إستفسارات مرحلة الولادة	16	05-09-2011 05:05 AM
الحمدلله ولدت	اسيل الحربي	إستفسارات مرحلة الولادة	10	11-15-2010 02:48 AM
الحمدلله ولدت	حبي	إستفسارات مرحلة الولادة	23	07-08-2010 02:23 PM