تجمع الجزائريات الغاليات المتأخرات في الحمل ‏

[ASMA layal]

ياعمري مريومة بوبون ماشاء الله عليه حبيت نعضو في التصويرة لي كان يضحك فيها ربي يحفظو ان شاء الله

وعلى الخياطة بلعقل برك وتبراي ان شاء الله مع الوقت

قوليلي كيفاش شعورك كي وليتي ام علابالي فرحة كبيرة وحياتك كامل تتبدل

يا رب العاقبة ليا و لكااااامل لبنات ان شاء الله

علابالك وصال شحال وهي تسقسي عليك ادا ولدتي ماعلاباليش اذا سمعت ولا لالا غدوة ان شاء الله نبعتلها رسالة

[مريم13]

المشاركة الأصلية كتبت بواسطة asma layal

ياعمري مريومة بوبون ماشاء الله عليه حبيت نعضو في التصويرة لي كان يضحك فيها ربي يحفظو ان شاء الله

وعلى الخياطة بلعقل برك وتبراي ان شاء الله مع الوقت

قوليلي كيفاش شعورك كي وليتي ام علابالي فرحة كبيرة وحياتك كامل تتبدل

يا رب العاقبة ليا و لكااااامل لبنات ان شاء الله

علابالك وصال شحال وهي تسقسي عليك ادا ولدتي ماعلاباليش اذا سمعت ولا لالا غدوة ان شاء الله نبعتلها رسالة

لعقوبة ليكم حنونة بصح بلا عداب

حبيبتي والله شعور ما نقدرش نوصفو ماعرفتش خالوطة تاع مشاعر المهم ابرزها انك كل يوم تشوفيه وترضعيه وما تصدقيش بلي ولدك
وتاع حياتك تتبدل ماش غير تتروا و تتخلط هههههههههههه وتولي فيها برشا مسؤولية
لعقوبة ليكم كامل
حبيبتي وصال علابالها بعتتلي رسالة خاصة ورديتلها الله يفرحها بشوفت ولدها يا رب
راني دعيتلكم كامل فوق الطابلة خاطر درت انيستيزي لوكال ما رقدتش كامل
المهم كي نريح شوية نحكيلك رحلة السبيطار من يوم اللي دخلت فيه في 5 ديسمبر وحتى يوم 25 ديسمبر
حبيبتي او ناض تصبحي على خير
انا ماعنديش حليب في صدري بزاف بصح السي يانيس دارهملي سوساطة

[ASMA layal]

مريومة الحمد لله على سلامتك هذاك هو الصح وعلى واش جوزتي في السبيطار ربي ان شاء الله يجعلو في ميزان حسناتك

و الان راكي مع وليدك حياتك تتبدل وتنساي كامل واش جوزتي ربي يجعلو ان شاء الله ولد بار بوالديه وان شاء الله يرزقنا كامل شعور الامومة

اتهلاي بزاف في يانيس وبوسيهولي

حتى انا نعست تصبحي على خير

والى الملتقى ان شاء الله

[ASMA layal]

صباح الخير

مريم وبسومة وشراكم ان شاء الله بخير

البنات وين راكم علاش ماوليتوش تدخلو؟؟؟؟؟؟؟؟؟؟

بسومة26 سهام خولة ريحانة عبير امومة ام عبد الرؤوف نور الهدى مريومة جمانة طلو علينا

[bassouma]

المشاركة الأصلية كتبت بواسطة asma layal

صباح الخير

مريم وبسومة وشراكم ان شاء الله بخير

البنات وين راكم علاش ماوليتوش تدخلو؟؟؟؟؟؟؟؟؟؟

بسومة26 سهام خولة ريحانة عبير امومة ام عبد الرؤوف نور الهدى مريومة جمانة طلو علينا

سلام واش راكي أسماء لاباس كاش جديد
لبنات منيش عرفا وش بيهم مولاوش يدخلو

[مريم13]

السلام عليكن
واش بيه التجمع فارغ غير الخير
مريم وبسمة شكرا لكما والله يرزقكم في القريب العاجل
حبيت نعرف كاش خبر على امة وصبورة وصال سماسم جمانة بسومة 26
نتمنى امة تكون بخير
هيا بنات اني توحشتكم وينكم

[bassouma]

المشاركة الأصلية كتبت بواسطة مريم13

السلام عليكن
واش بيه التجمع فارغ غير الخير
مريم وبسمة شكرا لكما والله يرزقكم في القريب العاجل
حبيت نعرف كاش خبر على امة وصبورة وصال سماسم جمانة بسومة 26
نتمنى امة تكون بخير
هيا بنات اني توحشتكم وينكم

واش راكي مريم ريحتي شوية وش بيبي راه مليح
لبنات منيش عرفا ملهم مرهمش يدخلو بلاك راهم عطلة في ديارهم

[مريم13]

المشاركة الأصلية كتبت بواسطة bassouma

واش راكي مريم ريحتي شوية وش بيبي راه مليح
لبنات منيش عرفا ملهم مرهمش يدخلو بلاك راهم عطلة في ديارهم

الحمد لله على كل شيء
والنات نتمنى يكونوا كامل بخير يا رب
تقول تفاهمو غابوا كامل مع بعض

[basouma26]

السلام عليكم لبنات جانا القمر اليوم الحمد لله على سلامتك مريم يانيس ما شاء الله تبارك الله عليه يهبل ربي يعيشولك ان شاء الله و بالنسبة للحليب اشربي الماء المعدني زوج قرعات في النهار علابالي صعيب بصح حتمي على روحك صدقيني انا الطبيب قالي ديريها كنت حاشاك نشرب حتى نبغي نرجع دايما قرعتي حدايا و نشرب و الله غير حبستلها الحليب الاصطناعي رضعتها ما شاء الله
مريم بسملة راني قريت بلي راكي تشربي لقطف هذا اكبر خطا لقطف مالح و يزيد يغذي الفيبروم ارميه فورا
اسماء حبيبتي يسقسي عليك الخير انا راني ندخل بصح راني لاهية شوي في المسابقة مع اسيرة زوجي و عطر الربيع شوفوها في المنتدى الاسلامي
الما هاد الشهر جاتك و ان شاء الله من هادي حتى للنفاس ان شاء الله
لبنات كاملين الله يبلغكم فرحة مريم و يفرحها هي بوليدها و يتربى في عزها يا رب

[هادية]

السلام عليكم و رحمة الله تعالى و بركاته
انا عضوة قديمة ف المنتدى و لاسباب انقطعت لمدة
ولما عدت للاسف كل الاعضاء تغيرو
و المؤسف انني القيت التحية لكن للاسف لا احد يرد العضوات القداما كنا نرحب بكل وحدة تدخل جديدة و نقتلها بالاسئلة انت منين و ووووووووو ههههههههههههههههههههههههههههههههههه
درك نعيط لجماعتي و نزدمو عليكم اصبرو عليا يومين برك نلمهم هههههههههه