السلام عليكم ورحمة الله وبركاته
ياأمهات ساعدوني الحكايه,,,,,
انا ولدي الحمدلله ربي يحفظه توه داخل السابع يعني لي 7 شهور من ولدت
لكن من الولادة وانا صايره ماتحمل شي وعصبيه ماني مصدقه
انا ماتوقعت اصير كذا مصدومه من نفسي ونفسيتي
ززززززززززفت والله مادري وش الحكايه بالبدايه قلت هذا اللي يقولون عنه نفسية النفآس لكن الحكايه طولت
بيتي على وشك الانهيار حتى زوجي ماصرت احترمه
انا قبل اموووت بلاطفال اعشق الاطفال عيال خواتي لو ايش يسووون ماعصب منهم بالعكس اصحى نص الليل اذا بكاء واخذه من اختي وادلعه وكنت اضحك وانسانه مروقه واتحمل كل شي وابتسم
اوما الاآآآآن لا والله اعصب على طول حتى زوجي صار مايقولي سوالف حتى لو سالفه عاديه اقلبها هوشه
يقول انتي ماينقالك شي وش معصبك الحين ليش ترفعين صوتك علي وانا احس ببكي ماني ملاحظه احس اتكلم عادي وهو يقول انتي معصبه
انا ارضع طفلي طبيعي ولاحظت بلايام الاخيره اني لما اكون ارضعه تخيلوا اكون مكشره شفايفي نازله تحت
انهبلت قلت لهدرجه والله صرت اسوي تمارين اذا جيت ارضع ابتسم بالقوه خفت من التجاعيد مع ان عمري 23 بس خواتي لاحظوا علي يقولون بتطلع لك مادري اضحك ولا ابكي
ولدي والله اعصب عليه واانا اصارخ عليه اقول بقلبي لا..لا تخوفينه هو طفل مايفهم لو بصارخ عليه الى بكرا ماراح يفهم مع ذالك اكمل صراخي واهدنه بقوه احس شي مو طبيعي هاذذي مو انا
قولولي اللي فيني شي عادي ولا عين والله صرت افكر انها عين احب ولدي واحب زوجي لكن اعصب غصب مع اني كنت عاقله واتحمل ولو غلط علي زوجي اقول طنشيه عادي هو رجال ويمشي كلامه لكن يجيني شي ويرجعني اتهاوش مع زوجي انا قربت انهبل
وش هالحاله ومتى تنتهي وهالشي طبيعي لما ولدتوا اول مولود او لا
الابتسامه صارت صعبه علي لو اقولكم انا طبعي كذا من زمان كان ممكن لكن هذا مو طبعي انا كنت اخذ الدنيا وناسه وضحك وفله ومروقه عكسي الآن تماما
!! حرام اللي اسويه بولدي لما اشوف ابتسامته البريئه احس اموت قهر على نفسي كيف انا اعصب عليه كيف كيف ؟؟
ماني عارفه كيف اتخلص من هالشي ولاني عارفه ايش هو !!