من معه الحق[انا ولا امي] ؟؟؟؟

صمتي حكآيهـ ! · 01-29-2011, 08:42 AM

السلام عليكم ورحمه الله وبركاته
حبايبي مالي بعد الله غيركم يرشدني الي الصواب
علموني انا غلطانه والا اللي سويته صح ..

انا نفاس لي 35 يوم والمفروض اني اطلع للسوق اجهز للاربعين .. جاني مبلغ 3100 تقريبا هديه من اقاربي واصدقائي ..فقررت اني مااطلب من زوجي فلوس عشان اقضي لي ملابس ..لان المبلغ هذا كفايه علي.."

جاني زوجي قبل اسبوع وقال بعطيك مبلغ عشان تجهزي لنفسك وانا رفضت وقلت له ماني محتاجه خلك فلوسك عندك يمكن تحتاجهم اكثر مني ..

المهم سالتني امي .. ماعطاك زوجك فلوس؟!
قلت لها ماقصر قال بيعطيني وانا رفضت
عصبت علي وهاوشتني وقالت المفروض ماترفضين وتعودينه اذا عطاك فلوس خذيها وبدون تردد ..
قلت لها زوجي راتبه ضعيف وعنده التزامات وانا عارفه ان هالمبلغ طالع من قلبه مو زايد عنده
قالت لالالا هو لومايقدر ماعطاك المفروض خذيتي منه المبلغ عشان مايتعود مايعطيك...

زوجي حريص على فلوسه ماقول بخيل ..
ويعطيني مصروف شهري ولامره قطع عني المصروف
واذا احتجت شي مايقصر ويجيبه لي بدون تردد ..
صراحه مو مقصر عني بشي ..

مدري انا اللي سويته صحيح .. صراحه مااحب اكلف عليه واطلب منه مبالغ مثل بعض الحريم .. دائما طلباتي محدوده .. حتى بهالفتره رفضت اخذ منه فلوس عشان مااضغط عليه.. حابه اكبر بعينه .. مابيه يقول اني مبذره ولاطلباتي زايده ...ابيه يشوفني بعينه غير عن كل الحريم ..."

علموني .. من معه الحق .. معي ولا مع امي ..
امي تقول اخر لك مره ترفضين الفلوس اذا عطاك خذيهم
ولاتعلمينه ان عندك فلوس ...خبيهم عنه ..
مدري ايش اسوي انا احب زوجي وماتعودت اخبي عنه شي
كل شي اقوله تفاصيل يومي كله ماتعودت اخبي ..

من معه الحق ياترى معي ولا مع امي علموني ياخبيرات افيدوني تكفون ؟؟

فقيرة وأرجيه · 01-29-2011, 09:18 AM

أول شي الله يجزيك خير على احساسك بزوجك ..
شوفي ياقلبي ...أمك معها حق ... حتى لو كان عندك فلوس المفروض ماتعلمينه .. وبعدين حتى لو مو بخيل في نفاسك الجاي في حسبته بتوزيع الراتب بيخلي لك قليل وبيعتمد على هدايا الناس ... وبعدين بيقول لك انتي عارفة الوضع ... وبعدين مصاريف الطلعة من الأربعين مو شويّة .. الملابس والقص والصبغ .. والعطورت .. يعني لازم تغيرين ..
ولازم .. لازم تاخذين منه على حسب وضعه طبعا ونتي أعلم بالتزاماته .... حتى لو مو محتاجة لكن أهم شي ان الفلوس تجلس بيدك .. يعني إذ كنتي من النوع اللي يمسك الفلوس خليها عندك .. لابد تحتاجينها بيوم ...وزوجك والله على التعود .. حتى لو مايقصر ..وربي يخليكم لبعض ....

صمتي حكآيهـ ! · 01-29-2011, 09:37 AM

والله مدري ايش اسوي حيرتوني بجد
انا صراحه مااتطلب كثييير
واستحي اصلن اطلب منه واثقل عليه
يعني اذا احتجت مره مره طلبت ...

طيب ايش اسوي الحين ؟؟؟
ادق عليه اقول له محتاجه فلوووس ؟؟
علموني بجد احس اني مو فاهمه شي ..... اووووف

أم الشيخ خلودي · 01-29-2011, 09:44 AM

لو اني منك ماعلمت امي ..
خلاص متفاهمه انتي وزوجك محد له دخل..
وان سالتك قولي ماقصر

صمتي حكآيهـ ! · 01-30-2011, 12:36 AM

اقتباس:

المشاركة الأصلية كتبت بواسطة أم الشيخ خلودي

لو اني منك ماعلمت امي ..
خلاص متفاهمه انتي وزوجك محد له دخل..
وان سالتك قولي ماقصر

معك حق..
يعطيك العافيه يالغلا

اميرةفى امانيها · 01-29-2011, 05:02 PM

اطلبى منة مصروف ولاتعلمينة باللى عندك خبى قرشك الابيض لليوم الاسود واذا بيعطيكى خذى منة مصاريفك كثيرةبتجى ايام تمر عليك مايقدرامكن يوفرلك مصروف فخلية يتعود وامك خايفة لويتعودزوجك انت تدبرى الحين معاك ايام جاية مامعاك حق مصروف النونو واسالينى ظروفةصعبة وعذرتة ولاكنت اطلب كثيرحتى مصروفى نسيتة من طيبة قلبى وغبائى اختة قالت انتى غبية وفعلا جلست فترةببيت اهلى مصروفة الزايدعلى اهلة ومو محتاجين وانا ولاشى من نفاسى الاعمرة سنة وكانت خلافات بيننا وظروفةصعبةوتعود ادبرهذةقصتى بس لاتثقلى علية واللة يخليكم لبعض

صمتي حكآيهـ ! · 01-30-2011, 12:39 AM

اقتباس:

المشاركة الأصلية كتبت بواسطة اميرةفى امانيها

اطلبى منة مصروف ولاتعلمينة باللى عندك خبى قرشك الابيض لليوم الاسود واذا بيعطيكى خذى منة مصاريفك كثيرةبتجى ايام تمر عليك مايقدرامكن يوفرلك مصروف فخلية يتعود وامك خايفة لويتعودزوجك انت تدبرى الحين معاك ايام جاية مامعاك حق مصروف النونو واسالينى ظروفةصعبة وعذرتة ولاكنت اطلب كثيرحتى مصروفى نسيتة من طيبة قلبى وغبائى اختة قالت انتى غبية وفعلا جلست فترةببيت اهلى مصروفة الزايدعلى اهلة ومو محتاجين وانا ولاشى من نفاسى الاعمرة سنة وكانت خلافات بيننا وظروفةصعبةوتعود ادبرهذةقصتى بس لاتثقلى علية واللة يخليكم لبعض

والله خوفتني رده فعلكم .. حسيت اني خربت على نفسي
ان شاء الله احاول اعدل هالطبع اللي فيني
يعطيك العافيه ماقصرتي

همسة دلع · 01-29-2011, 05:11 PM

الحين ما ينفع تدقين عليه وتطلبينه
لاكن اذا انتي حابه توفرين عليه اذا مثلا اعطاك 500 خذي 300 ورجعي له الباقي دامه ما يقصر معاك
انا زيك والله ما اكثر عليه طلبات لاكن اذا اعطاني اخذ ما اقوله لا

صمتي حكآيهـ ! · 01-30-2011, 12:41 AM

اقتباس:

المشاركة الأصلية كتبت بواسطة همسة دلع

الحين ما ينفع تدقين عليه وتطلبينه
لاكن اذا انتي حابه توفرين عليه اذا مثلا اعطاك 500 خذي 300 ورجعي له الباقي دامه ما يقصر معاك
انا زيك والله ما اكثر عليه طلبات لاكن اذا اعطاني اخذ ما اقوله لا

ان شاء الله احاول اصير مثلك وماارده اذا عطاني
لاهنتي

فوق مستواااك · 01-29-2011, 05:20 PM

من رايي اذا معك.. يكفي.. خليك مع زوجك لاتصيرين ضده ..

كذا تكبرين بعينه.. بس المفروض ماتقلوين لأمك لأنه شي خاص.. والامهات كلهم كذا ..

نصيحه من اختك:: اذا الي معك يكفون خلاص لاتاخذي منه .. ساعديه ..لاتصيري ضده

والله ماراح يقصر معااااااااك ابد كل مازاد معه اعطاااااك ..

والله انا زوجي راتبه على قدنا ويالله يكفينا.. بس والله مايقصر .. لأني مااطلب اشياء فوق طااااقته .. والحين عنده زيااااااااده بالرتب وعطاني 2000 ريااااال .. من دون مااطلب

يقول :: انا حاس فيك وادري اني مقصر .. بس الله لايحرمني منك ))

.. وانتي كيفك ..

تحياااااااااااااااااتي لك

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بنات ساعدوني في مدرسه ابي الحق الي باقي من عمري	هتون	المـنـتـدى الـعـام	19	04-05-2011 10:46 AM
رجال ثبتوا على الحق	أمل 777	المنتدى الاسلامي العام	2	12-16-2010 04:43 AM
اقسم بالله العظيم اني اقول الحق	lote	منتدى علاج العقم و تأخر الحمل	22	06-24-2010 12:51 PM
ظهر الحق يا نساء	روااد	المـنـتـدى الـعـام	2	04-09-2010 11:44 PM
هل لي الحق اني اشتكي عليه	سحابه صيف	منتدى الحياة الأسرية والزوجية	22	03-31-2010 03:35 PM