ياعمري والله أكيد بتخافين معك حق والله من كثر ما تسمعين وتشوفين
شوفي حبيبتي أنا بقولك شي... أولا مو كل شي تسمعينه صحيح
ثانيا كل وحدة تختلف ولادتها عن الثانية
أنت اذا ما شاء الله الحوض عندك حجمه زين ومو ضيق ,وماعندك مشاكل فيه تمنع توجه البيبي لتحت لا تخافين أبد
وربي وربي أنا كنت بغربة وكنت لما أسمعهم يتكلمون عن الولادة يضيق صدري لدرجة اني لما اسألهم عنها يقولون: أبدا كنك تقرين جريدة وتشربين عصير, وكل وحدة تحكيلي قصة معاناتها في الولادة
بعدين اللي تقولك يومين أولد واللي تقولك يوم كامل , كل هذا الكلام دخليه من هنا طلعيه من هناك
أنا بسهل عليك الموضوع الولادة عبارة عن طلق وبعدها ولادة
والطلق مقدور عليه ان شالله كنه ألم الدورة بس اقوى شوي وكل ماعليك تسويه انك ما تتوترين لأن التوتر يخلي الرحم يتشنج اكثر
بالعكس اهم شي انك تاخذي نفس عميق , والطلق يروح ويجي عبارة عن مغص محتمل يعني تقدرين تتحمليه ان شالله تجيك مغصة وتروح وبعدها مغصة وتروح وكل هذا مافيه شي يخوف
أما بالنسبة للولادة الفعلية فما تاخذ وقت صدقيني كلها طلقتين ثلاث والبيبي طالع ان شالله
وربي ان ولادتي كانت سهلة صحيح فيها ألم بس مو زي ما قالوا الحريم وكانوا لما يسألوني أقولهم الحمد الله سهلة مو زي ما قلتولي
لدرجة وحدة من الحريم قالت لي: مهبولة انت تقولين ان ولادتك سهلة؟ تبين الناس تعطيك عين؟ إلا قولي موت أحمر
قلت لها: معليش مقدر أكذب واقول ولادتي صعبة أخاف ربي يعاقبني ويصعبها علي في المرة الجاية ورب العالمين يقول: ولئن شكرتم لأزيدنكم وفعلا الحمد الله ولادتي الثانية اسهل من الأولى ما خذت خمس دقايق لأني وصلت المستشفى وانا واصلة أول ما دخلوني قالو االبيبي بيطلع من نفسه والحمد الله
وانا الحين حامل والله خايفة من شي اسمه قيصري واقول يارب جعله طبيعي الطبيعي أحسن كلها وجع مؤقت ويروح بس القيصري حبيبي هذا معناها صار في شق وعيب بالرحم ولازم يصير عدد ولاداتك محدودة والوقت بينهم محدود لأن التئام الجرح يبيله وقت من جوا لبرا
الخلاصة ان الرعب يجينا من كثر ما نسمع وانت لاتعطي اذنك لاي كلام الله يسهلها ان شالله انت بس خليك قوية وفكري ان كل طلقة بتجيك تقرب بينك وبين البيبي ولا تخافين لا يكلف الله نفسا إلا وسعها
وان شالله تقومين بالسلامة وتفرحينا يارب
ولا تنسين الدعاء في جوف الليل صدقيني الدعاء والاستغفار مجرب وانا مجربته كل ليلة ثومي صلي وادعي ورب العالمين ما رح يخيبك اكيد لأنه هو أرحم الراحمين