لكل امرأه مثقفه ""انتي املي!!

[عفوآ حبيبي]

السلام عليكم ورحمة الله وبركاته

اخواتي انا اليوم احتجتلكم ارجوكم الي تملك اي شي تقدر تفيدني فيه لاتبخل علي

اول شي انا متزوجه عمري 27سنه لدي طفل عمره تقريبا اربع شهور
متزوجه من سنتين وعشر شهور
خريجة بكالوريوس تخصص علمي*
الحمدلله كانت دراستي تقريبا شبه ممتازه ليس لدي وضيفه اختلاطي بالناس محدودمن يوم تخرجت من الجامعه*
الزبده
اني بعد ماتزوجت اكتشفت اني انسانه غير مثقفه ابدا*
يعني انا اختلاطي بالناس محدود بنطاق شلة الباص وبس
كنت قليله جدا لاستخدام الانترنت يعني ماافهم فيه كثير اتصفح منتديات ويوتيوب وبس*
اهم شي بعد ماتزوجت حسيت ان زوجي ماشالله انسان مثقف وطموح وفاهم الدنيا وعايش تجارب وانا عنده صرت غبيه حيييييييييييييييييييييييييييل
صرت استحي اتناقش معاه في امور ثانيه غير حياتنا يعني في السياسه وغيرها
*مقهوره على نفسي وشبابي وعمري الي ضاع وانا ماني مستغلتها في امور تفيدني
ماعندي هوايات عشان انميها حياتي تاااافهه

*مواقع الانترنت المشهوره فيس بوك وتويتر مااستخدمها اعرف للفيس بوك بس مو داك الزود
وحاجات كثيره احس اني مقصره مع نفسي فيها
زي اللغه الانجليزيه اكثر من مره ابدا اتعلم واوصل لنقطه معينه واوقف ودا الشي معذبني


اهم شي الي اطلبه منكم ياعزيزاتي انكم تعطوني كتب تفيدني بحيث اصير انسانه مثقفه وواثقه من نفسي
من ناحية الدين والحياه والثقافه العامه
ابغى كتب سهلة الفهم ومشوقه في قرايتها لاني قليل مااقرا

واهم شي ابيه منكم ان الي تحس نفسها مثقفه تحاول تذكرلي الاشياء المهمه في الحياه الي لازم اتمكن منها*

بغض النظر عن الحياة الزوجيه لاني الحمدلله حياتي مستقره ومرتاحه طبعا لابد من المنغصات

اتمنى تكسبون فيني اجر وانا بإذن الله رح اتبع تعليماتكم ونصايحكم واي وحده مثلي رح تستفيد من تجاربكم وخبرتكم ونصايحكم وانشالله يكون مرجع للجميع


خالص دعواتي وامنياتي القلبيه يالتوفيق في الدارين للجميع

[مشاعل الدوسري]

السلام عليكم ..

كلامي وووووووووايد بس بقولك عن تجربتي و الاشياء اللي تابعتها ..

حبيبتي الثقافه ليست محصورره

عندك برامج على التلفزيون ..

بقولك تجربتي يوم حسيت اني بجد ماعندي سالفه
ماعندي معلومات و ما اعرف شي .. و ما عندي شي اسويه غير النت ..
قررت اتابع و اسال و اقراء ... لكن ما فليتها بهذي الامور الا بعد الثانوي..

من ايام الثانوي كنت اتابع الأخبار السياسيه و الرياضيه كيف ..؟ و ليه ..؟

كنت أدخل كل يوم تقريبا على الجرايد الألكترونيه جريدة الوطن الحياه الجزيره الخ

اللي عندهم مواقع على النت اكتب جريده و تطلع لي اسماء كثيره ..

و أقراء الخبر لما اقعد الصباح مع امي و ابوي أقولهم ما دريتو شو
صار من اخبار محليه ..
كيت كيت و يقولون البلده الفلانه بتقوم فيها الحرب
الخلاف على كذا و كذا ..
ههههههههههههه سوالف حش ..
و افتح الاخبار الصباح و امي تقولي ايه
هذا الخبر هذا توه نازل اقولها ايه قريته انا على النت ..
بلنسبه لابوي كان و مازال بيتابع الكوره
ما يعرف متى مواعيد الكره و مين بيلعب مع مين

كنت ادخل و اقوله تشلسي اليوم بيلعب مع ريال مدريد
شي من هذا القبيل الفريق الفلاني بيلعب مع الفلاني ..
و شفت المباره الفلانيه جابو 2-0 الاهبل ضيع الهدف بغباء

طبعا كنت اتابع مصطفى الاغاء الساعه 12 او ادخل على
الموقع و اشوف شنو يقول ..

بعدها صرت قريبه من ابوي فتحت باب نتناقش
فيه و نقعد مع بعض فيه ..

قبل قاعده بلغرفه بلابتوب بعدها صار يقولي جيبي
القوطي حقك ههههههههه
و تعالي اقري لي الاخبار و شوفي لي المباريات
و نتكلم بأمور السياسه و مين افضل بنظر
و احسن شخص حكم مين
و لو انت حكمت ايش ممكن تغير ..
صرنا فلته ذيك الايام ..

كنت أتابع برنامج أوبرا تتكلم عن امور رائعه
الحين خلاص وقفت البرنامج اخر موسم السنه اللي فاتت..
و كنت اتابع دكتر فيل ..
اوبرا و دكتر فيل كانو بيتكلمون عن كل شي
الاغلب امور الحياه الاجتماعيه و نصايح و كيف نتأقلم مع الحياه
و نتغلب على المصاعب الخ

حاليا اتابع ذا دكترز 4 دكاتره يتكلمون عن الامور الطبيه
و حلول و معلومات غريبه ..
في الطب و اشياء موجوده في البيت ممكن تصنعين
من علاج لمرضك و دكوتر اوز بعد خطيررر..
في هذي الامور ادخلي على موقع ام بي سي4
و شوفي مواعيد البرنامج هذا ذا دكترس و دكتور اوز


و اتابع برامج المسابقات مثل من سيربح المليون
جمعنا معلومات واجد منه .. اساله ما ندري عنها
حاليا برنامج تستاهل يا اعز الناس يقدمه سعود الدوسري ..
كمان اساله و معلومات حلوه


برنامج صباح الخير ياعرب .. بيجيب لك اخبار الفن
الفنانين الكتب طريقة التربيه و نصائح و الطبخ


لما تتابعين بتمعن و تستمتعين فيها بتكتشفين
انك و لا شي و معلومات فلته ...
اشياء ما تخطر على البال

حاليا ايضا برنامج الثامنه استاذ داود
يتكلم عن القضايا و المشاكل بلسعوديه
ادخلي صفحتهم على الفيس بوك و ناقشي و قولي رايك ..

ابحثي عن الكتاب افضل الكتاب
و روحي المكتبه جرير افضل شي عشان تأخذيين راحتك ..
انا بين فتره و فتره اروح هناك امسك كتاب
و اقراه اشوف اذا عجبني اشتريه و اوقات بس اروح اقراء
و كاني أبحث عن شي و انا بنيتي كنت اقراء و اخذ معلومات ..
كتب اللي تتكلم عن السيطره على الغضب
و كيفية الاداره كيف تطورين عملك
كيف تطورين ذاتك
كتيبات صغيره احب الكتب الصغيره
المختصره اللي توصلك مباشرة
و بوضوح نحو الهدف و تعلمك كيف توصلين له ..



الانجليزي مهما تعلمتي و لو حتى اخذتي
دورات ماراح تتقنينه الا اذا .. مارستيه ..

انا لما اجي ابروح المستشفى افتح قوقل و القاموس مثلا
بروح لدكتور الاسنان اروح اتعلم لي كم
كلمه بلانجليزي و كيف احكي معاه بلانجليزي ..
و اخذ كم كلمه و اركبهم بجمله و انتهينا لما
اروح لكافي لما اسال بأي مكان بلانجليزي هنا بتتقنين ..

انا اخذت دورتين و ما استفدت ليه لاني بعد الدوره ما مرسته لما كنت
بلمعهد اتكلم بلبل مع المعلمه عاد المعلمه
امريكيه من اصل افريقي كنا نحب نسولف و نفتح معاها مواضيع ..
لكن بعدها قعدت بلبيت كنت حافظه اكثر
من 200 كلمه كتابة و لفظ الحين تبخررررررررررررررو
لاني ما استفدت منهم ..



و بخصوص منتي عارفه شنو بتحبي انا كنت دايم
اتمنى و احب الاعلام و ابي اكون مراسله
و سافرت عشان ادرس لكن لما قعدت
مع نفسي اكتشفت ان مو هذا اللي ابه مراسله ماراح اطلع ابداعي ..

قلت كاتبه و كنت اكتب كلام و قصص
و شعر و خواطر الكل ما يصدق اني اكتبها
على بالهم من النت اسرق هههههههههه
المهم الى حد ماوصلت للتصوير قلت لا بعد مو هذا
اللي انا ابدع فيه لاحظت فيني شي
بخصوص التصوير اني اعرف الزاويه المناسبه للتصوير
نظرتي للتصوير و طريقة الاخراج
حلوه لكن بنفس الوقت ما عندي خبره فا الى حد هذا اليوم
انا ودي اتعلم التصوير و الاخراج و انواع الكميرات
و نويت و كتبت مسرحيه و كتبت فلم و قلت انا
اللي بصورهم او بشرف عليهم من كل شي تصوير
اخراج اختيار ممثلين ديكور و الخ و اتمنى قررريب يتحقق الحلم ..
حتى اني كتبت كتاب و ثبته في وزارة الاعلام
من يوم ما تخرجت من الثانوي الى الحين

طلعت بكتاب الفته و مسرحيه و فليم و حمله خيريه ..
في القريب العاجل و المستقبل قدامنا راح احقق هذا الشي ..
4 سنين عشان اعرف اختياري و احدد وجهتي و هدفي من الحياه و هدفي لنفسي ..
حاليا ما عندي اي مانع اني اتنظر المهم اتحرك عشان اقدر احقق اللي ابيه ..


فا ابحثي شنو هي هوايتك رسم كتابه تصميم ديكور طبخ تأليف قصص
تصميم ملابس ..كثير امور ..
تنسيق حفلات ..


أعرف وحده داااااايم ذوقها حلو و الكل يستشيرها استغلت هذا الموضوع
دايم يستشيرونها بلاسواق و الماركات و و و و

فا صارت تطلع بعموله و تجهز له و و تساعدها و تأخذ عموله
على وقتها اللي خذتها
جهزت وحده تقرب لها في اسبوع تقريبا بس خلصت لها كل شي
من ملابس الى شوزات شنط كريمات عطور و مكياج فساتين
حتى فستان الزواج المشغل ..و استفادت 3000 ريال
طريقتها تقعد معاك و تعرف شنو تحبين و شنو الاشياء
اللي تبينها و شنو المحلات و و و
و تأخذك يوم كامل توريك المحلات
و بعدها ترجع معاك البيت و تجهز لك جدول مشتريات
و بكم الاسعار لان تعرف اسعار الاسواق
بعدها تشتري كل شي تساعدك بلغسيل و الكوي
تجهزهم لك بطقم شنط كشخه و مزين و حركات دزة العروس يعني
و خلاص هنا مهمتها انتهت
هي ذكيه استغلت هذا الموضوع و اربحت وووايد لفتره معينه ..
بعد فتره اقلبت على توزيعات المواليد تسوي توزيعات مميزه و بس ..


فا انتي شوفي انتي شنو ميولك ابحثي جربي مو خسرانه شي ..



اتمنى من كل هذا الكلام استفدتي شي ..


اختلطي بلمجتمع و حاولي تشتغلين بنطلقين بعد كل هلامور ..

[مشاعل الدوسري]

انا لما كنت اقراء الاخبار و صرت اتناقش مع امي و ابوي
كسبت ثقتهم بشكل كبير و صارو يثقون بأختياري ..
و نظرة اشخاص كثير تغيرت لي ..

الزوج مهما كان ما يحب المراءه اللي تفوقه بلذكاء
دايم يحب يكون هو المطلع الاول المتفرد ..
فا نصيحه تثقفي لكن اوقات ادعي الغباء هههههههههه
انا لما تزوجت اقول لزوجي انا اقراء و اسمع قصص و بلاوي
و بس اوقات استغرب و احسه خيال

لما تكلمت معه و قلت له انا ما احب نظرة الزوج المتخلف لزوجته ..
كنت اتكلم معاه عن فض البكاره و الجنس ..
عندي معلومات و قريت قصص و اعرف وضعيات
كل هذا من النت لكن اني عشت التجربه كا شعور لا مجرد معلومات ..
فا كنت اقوله مو شرط ينزل دم من فض البكاره
فا لا اشوفك تدور الدم ليلة الدخله
و اذا ما نزل تقولي مغشوشه ههههههههههههههه

لان صارت مع اخت خويتي دخل عليها زوجها ..
و مانزل شي و ما المها كثير ..
ثاني يوم الصباح اخذها
المستشفى يتأكد انا شخصيا لو مكانها انه يشك فيني
اكبر اهانه لشرفي و يطعني بشرفي يعتبر ..
بلنهايه البنت طلع عندها غشاء البكاره مطاطي
يعني مو بسهوله ينفتح ..
بلنسبه لي تخلف الاخ ما تثقف و اصلن حتى لو كانت
عنده المعلومات اتوقع بيسوي نفس التصرف
لانه مو مقتنع تفكيره متحفظ متحجر ..
مبني على عادات و تقاليد مالها اي اساس

و بلفعل انا بيوم الدخله مانزل مني دم نقطه ورديه فاااااااتحه ..
احسه نفسه نفس الاغشيه شي لزج و لونه
وردي بعد فتره اسبوعين طلع دم ..


فا لما كان زوجي يتكلم عن الوضعيات ويثقفني جنسيا قبل الزواج
كنت اقوله يعني شنو لا خلاص اسكت بجد قلة ادب و استحي بجد ..
و اوقات اسكر التليفون و ارسله مسج بطل تتكلم بكل صراحه كذا ..
شوي شوي علي ..

انا فاهمه كلامه و عارفه كل شي بس كانت مجرد حرركات هيك نص كم لازم تسوينه..
لان زوجي اصلن من يوم خطبتي استغرب لطريقة كلامي ههههههههه

تكلمت معاه و كاني بمقابلة عمل ..

سالته شنو هدفك من الزواج ..؟

اسباب طلاقك الاول ..؟

شنو رايك بلدراسه بلشغل ..؟

شنو احتياج في الزوجه الثانيه ..؟

هو تكلم و عبر عن شعوره ..
بعدها قلي تكلمي قلت له اهم شي الاحترام و التفاهم
و انا متأكد اني بلبي احتياجك لان كل شي طلبته
و قلت تبيه الحمدالله فيني
من ناحية صلاه و نظافه و الحمدالله
اعرف اربي اطفال لان كان عنده ولد ..
و متقبله للاطفال و نظاميه و مو من النوع
اللي يحب المشاكل متفهمه جدا ..
بأختصار احتياجك اللي انت قلته فيني ..
و انا طموحي فوق كل شي انا قاعده احاول
انشأ مشروع او عمل خيري
و ابي اخوض مجال الاعلام و اثبت وجهة
نظري كا سعوديه متحفظه و وقتها كانت
عندي مقابله على التلفزيون ان ممكن اطلع في كذا برنامج ..
و انا عطية الناس كلمه اني موافقه على المقابله يعني وقت
ما يطلبوني اسافر لهم حق المقابله بروح لاني ملتزمه معاهم ..
فا قلت له انت قبل لا تجيني هذي
حياتي اطلع و ابحث احب اكون مطلعه على كل شي جديد ..
حتى لو مااستدفت ماديا يكفي المعلومات و الناس اللي اقابلهم ..
و اشتغلت مع شباب فا اذا عندك اعتراض ..

على نظامي و مو متقبل الفكره عندك وقت ..ههههههههههههه

ما فكر احسه كان مصدووووووووووووووم ..
كانه قال هذي بأخذه عشان اكسر راسها ...
ههههههههههههه

في فرق بين انك تتكلمين عن حقك و عن وجهة نظرك
غير لما تفرضينها و تتعدين حدود اللباقه و تصير وقاحه ..

فهمتي عزيزتي هذي تجربتي مع الثقافه و التثقف
عبر وسائل الالكترونيا و التلفزيون و عبر اختلاطي بلناس ..

[فضــــــ بينكم ــــولية]

السلام عليكم

عزيزتي أول خطوة إنك فعلاً تريدي تكوني مثقفة و هذا شيء جميل

باختصار رح أقولك على طول الأشياء الي أنصحك بها


أول شي و أفضل شي الراديو . . هو أحسن وسيلة إلكترونية للثقافة
لإن برامجة شبه محدودة لقلة متابعيه و فيه بعض البرامج الجميلة الهادئة
و كمان ينمي الخيال و غير كذا المعلومات تثبت بالمخ أكثر لإنك رح تركزي على حاسة وحدة فقط و هي السمع

حاولي تصطادي البرامج الأدبية أو العلمية الي فيها معلومات خفيفة و جميلة




جربي لما تروحي تتسوقي إذا مريتي بمكان خاص بالكتب إنك توقفي و تقلبي فيها
شوفي ع الأقل عناوينها و مؤلفيها و دور النشر, لاحظي الاسماء اللي تتكرر بالنسبة لك أكثر من مرة, مع الوقت رح تعرفي كل كاتب شو نوع كتاباته
و ما في مانع تلقي نظرة على بعض الصفحات أو حتى تشتري الكتاب اللي يعجبك




[COLOR="rgb(65, 105, 225)"]حاولي تلقي نظرة على الجرائد
مش لازم سياسية ممكن رياضية أو فنية أ, علمية أو أدبية
[/COLOR]


بعض القنوات أنصحك بها مثل إقرأ و الرسالة و الجزيرة الوثائقية و أبوظبي ناشونال جايوجرافي



ألقي نظرة على بعض قنوات الأطفال
صدقي أو لا تصدقي أحياناً تصادفني فيها معلومات و الله إذا ضليت العمر كله ما كنت رح أعرفها
هذا غير الألفاظ العربية الفصيحة تنمي ثروتك الللغوية

أفضل القنوات الجزيرة للأطفال و سبيستون و لا تتفاجئي إذا قلتلك حتى براعم




و كمان ثقفي نفسك طبياً, برنامجين the Doctors و d.Oz ع الام بي سي 4 من كثر ما شفتهم صارت عندي معلومات أحس إني صرت طبيبة و صرت أشخص أغلب الأمراض و أعرف سبب أي ألم يجيني و أحياناً علاجه كمان
و فيه معلومات كثير حلوة, بالأخص أثق بكلام د. أوز لإنه مسلم و من أصل عربي




و إذا تريدي تتعلمي لغة جديدة أحسن شي تحفظي أغانيها, بالأخص أغاني الأطفال, و إذا تريدي توري زوجك إنك مثقفة احفظي أغنية أجنبية من أي لغة غير الإنجليزي هادية للأطفال, و كأنك تنيمي ابنك و غنيله ها الأغنية

و حلو كمان لو كل يوم أغنية من لغة مختلفة و رح يلفت نظر زوجك

و أهم أهم شيء إنك لا تستمري بشيء إذا مليتي منه, حاولي تستمتعي بالشيء

[Tota 85]

شوفي افلام انجليزية بدون ترجمة عشان طريقة النطق ومتى استعمال الكلمات حاولي اذا رحتي سوق تتكلمين مع غير العربيين انجليزي

[أم رزاان]

طالما وجدت عندك الإرادة ستصلين لبتغاك
فقط لا تيأسي واعطي نفسك الوقت والثقة !

[تاج الوقار88]

السلام عليكم
انا نصيحتي لك ان تبداي اولا بقراءة كتب الدين و السير و العقيدة فهي مشوقة جداااااااا و تجعلك اكثر حكمة و ذكاء بالاضافة الى الكتب العلمية و كتب علم النفس جد رائعة تسليك و تخليك تفهمي شخصيات الناس و كذا كتب السياسة و كتب الاقتصاد يعني على قد ما نوعت في المطالعة يزيد رصيدك و بالنسبة للغات في مواقع في الانترنيت قمة اكتبي فقط في قوقل تعلم اللغة كذاا و تطلعك مواقع رائعة و بصراحة المطالعة في الكتب العدية افضل من النسخ الالكترونية لانو الكتب العادية تحمليها امتى ما حبيتي عكس الكتب الالكترونية و الله يوفققك

[غادة9]

الاخت مشاعل كلامك رااااااااااااااااااااااااااااااااااع ةنصائح روووووووووووووووووووووووووووعه من انسانه رائعه
شكررا الك
انا عن نفسي استفدت منك

[عفوآ حبيبي]

من جد يابنات مشكوووراااات كثييييييييييييييييييييييررر

افدتوني الله يجعله في ميزان حسناتكم انشالله

الله يقويني واكون قد نصايحكم ياخواتي