مسا الخير

[غربة وحنين]

مسا الخير يا احلا بنوتات
طبعا انا عضوة جديدة عندكم وحبيت ارحب بحالي بطريئة جديدة هههه لوووول
انا ع طول بشوف المنتدى واجا اليوم الي اسجل فيه عضويه وانزل اول مشاركة لالي
كتير متحمسة لاكون وحدة منكم واتعرف عليكم جمعيا
وحابة اخد خبرتكم واستشارتكم
انا عروس كملت التلات شهور والحمدلله
بس عندي وسواس بسبب تاخري بالحمل هو يمكن مو تاخير بس عم احس تاخير لانو كل الناس يلي بعرفهم الي تزوجو ئبلي وبعدي ومعاي حوامل الا انا وهاد الشي يلي بخليني افكر انو عندي مشاكل

هاد الوساوس مجنني لا باكل ولا بشرب ولا بعمل شي بحياتي غير بستنى الايام تمضى وتيجي موعد الدورة واتاكد انو الوضع تمام

وهاد الشهر تاخرت علي يوم وفرحت كتير وبعدا انصدمت
السؤال الئوي انا حابة اراجع دكتور اتطمن على وضعنا بس ماما وزوجي ما بدهم وبحكولي بكير
انا متوكلة على ربنا بس حابة اتطمن واتخلص من هالوسواس الشرير :(
فيدوني ايمت بصير الوضع مو طبيعي ولازم اراجع دكتور؟
بعرف غلبتكم من كترت حكي يعطيكم العافية hwaml

23

[التائبة لله(ام محمد باذن الله)]

اهلين فيكي بينا أختي
اولا مبروك الزواج
اختي لسا بكير و انتي مانك متأخرة استمتعي بزواجك و انسي الحمل هلا و ما تسوي متلي من اول شهر عندي وسواس الحمل لا استمتعت بزواجي ولا بشهر العسل كان كل همي الحمل بس الله ما كتبلي و هلا ندمت و حاسة ان الله ابتلاني لأني افكر بشي مو لازم افكر فيه لأنهي بإيد الله سبحانه

الله يرزقك ما تتمني حبيبتي

[غربة وحنين]

المشاركة الأصلية كتبت بواسطة التائبة لله(ام محمد باذن الله)

اهلين فيكي بينا أختي
اولا مبروك الزواج
اختي لسا بكير و انتي مانك متأخرة استمتعي بزواجك و انسي الحمل هلا و ما تسوي متلي من اول شهر عندي وسواس الحمل لا استمتعت بزواجي ولا بشهر العسل كان كل همي الحمل بس الله ما كتبلي و هلا ندمت و حاسة ان الله ابتلاني لأني افكر بشي مو لازم افكر فيه لأنهي بإيد الله سبحانه

الله يرزقك ما تتمني حبيبتي

حبيبتي الله يبارك بعمرك ويرزقني انا وياكي يا رب ويبعتلنا كلشي منتمنا
انا والله ما كان ببالي حكيت متلك يلي كاتبو ربنا بدو يصير وازا ربنا كاتبلي رح يرزئني وهاد شي ب ايد ربنا
بس والله انو الاشي صار كتير سيئ بخليكي اضلي تفكري بالغصب
يعني بيت الحما لازم يضلو يسالو شو؟ طمني؟ حامل؟
الرفئات الجيران الجارات
حتى النت بتفتحي اي نوع من انواع التواصل بتلائي البشر حكيها وكلامها عن الحمل
هون غصب عنك بدك تتركي كلشي بالدنيا وتصيري تفكري انو فيكي خللل

بتعرفي خلص رح احاول انسا وكمان لا رح اروح ع دكتور ولا رح اروح مكان وبدي استمتع بكلشي ببكفي ايام بتروح من عمرنا
يسلمو حبيبتي ^_^

[ردينة عمرو]

الف مبروك الزواج وان شاء العمر كله وبالذرية الصالحة
اكيد انتي عجولة كتير معقول ماتستمتعي بأول اشهر زواج وطبعا ماراح تتعوض هالإيام مو شرط تحملي اول اشهر زواجك لحد السنة انتي بأمان وعيشي حياتك طبيعي وماتحسبي لشي ابدا والناس طبعا مو مهتمين بسعادتك الزوجية وانبساطك مع زوج مو هامهم الا يعرفو كل شي عنك ليجدو حكي يتسلو فيه بينات بعض ههههه لا تحققي لهم هالرغبة وتنكدي بكرة تحملي ان شاء الله وتكوني ام بس كل شي بوقته حلو فكري ان ممكن يكون خير الك وادعي ربنا انو يرزقك وماتعترضي
الله يوفقك ويهنيك ..