هل ممكن الولادة الطبيعية بعد تجربة الولادة القيصرية في المرة الاولى
السلام عليكم ورحمة الله و بركاته .
كيفكم أخواتي ، أسأل الله تكونوا بصحه و تمام عافية بإذن الله.موضوعي اليوم مهم بدرجة كبيرة ، لأنه جد كل وحده تنوي الطبيعي بعد القيصري تقعد تفكر كيف ومتى أروح المستشفى و كيف أستنى ، وش الألم إللي إذا حسيت فيه مكان الجرح يكون خطر ولازم أروح أتطمن .جد أسئله تدور في بالي و أكيد في بال كل وحده حملت بعد القيصري و حابه الطبيعي .
أنا الله يسلمكم فتح الرحم عندي ٥ سم ، و ضغطي ارتفع و صار فوق الـ٢٠٠ فما قدرت الدكتوره تصبر علي أكثر و بسرعه سويت العمليه .
و بعد 9 شهور أنا اللحين حامل و في الشهر السابع ولله الحمد ، و حابه كثير أولد طبيعي لأن حجم المعاناة مع القيصريه و الألم اللي بعدها و عدم اعطائي أي مسكن بعد القيصرية يعور القلب ، قعدت ٨ ساعات أصحى و يغمى علي من الألم ، ولما ماما سألتهم قالوا ما ينفع مسكن لأن ضغطها مرتفع ، بعد ٨ ساعات نديها 💔.
الحمدلله عدت على خير و صرت أم ولله الحمد.عشان كذا بنات قولوا وش قصصكم و كيف تصرفتوا ، هل الدكتورة قالت لك تقدري تولدي طبيعي ؟! ، ولا قالت قيصري بس جاك الطلق و فتح الرحم وولدتي بسهاله ويسر بفضل الله .و الله يجزاكم الجنان بغير حساب ولا سابقة عذاب ❤.
هل ممكن الولادة الطبيعية بعد تجربة الولادة القيصرية في المرة الاولى
10-23-2016, 02:53 PM
هل ممكن الولادة الطبيعية بعد تجربة الولادة القيصرية في المرة الاولى
ı'м мυм 
جديد منتدى إستفسارات مرحلة الولادة
العرض الشجري
