نظام نفاس .. هل يوجد خطاء به " ارجو الدخول "

[دانه العيسى]

السلام عليكم ..
ابكتب لكم .. نظامي الي تحسون انه خطاء ربي يوفقكم نبهوني عليه
ياعسى ربي يكتب لكم الخير بطريقكم .. ويفرج كربكم ..



1= علب سفوف اول عشرين يوم :
لهوم لايشرب بعده لاعصير ولاماء بل حليب دافئ ..او شاي اعشاب
2 م صباح // 2م مساء
( ماش & حلب " الي هي حلبه " )

2= علب سفوف اخر عشرين يوم من النفاس :
( محلب & رشاد & حبه حلوه " الي هي شمر " )
2 م صباح // 2م مساء
الرشاد هنا يطحن او لا .. !؟

3 = علبه الشاي كل اوقات النفاس :
(كمون & دارسين & قيصوم & فوة ) غير مطحونه
مع الشاي .. بكل وقت

4 = علبه الكبو أخر عشرين يوم .. يوم ايه ويوم لا :
( مره & كمون غير مطحون & مقل & قشر بصل ) موجوده عندي
& خوا جوا & قرن بقره " هل له مسمى ثاني ؟" فلفل هواء
" ناقص ماحصلته " هل يأثر عدم وجودها ..!؟

5= علبه طبخ كل اوقات النفاس :
( رشاد غير مطحون & حبه حلوه " شمر " & ماش )

7 = علبه قهوه تطحن وتنحط مع القهوه :
( مره & عنزروت & مقل )
كل اوقات النفاس

8 = علبه الخمس فناجيل .. اخر خمس ايام من النفاس :
( محلب & كمون & عويدي & رشاد حب & فلفل اسود )
فنجال من كل شئ تطحن ماعادا الرشاد ..2 م صباح // 2م مساء

9 = علبه صغيره تستخدم طول مده النفاس :
( فلفل اسود مطحون على كل الاكل والشرب )

10 = علبه صغيره تستخدم طول مده النفاس مع شاي :
( رزنه " هي لونها اخضر " )

11= علبه لهوم الساعه 12 ظهرآ وقبل النوم ..
مع الحليب طوال مده النفاس :
( رشاد غير مطحون & فلفل اسود مطحون & عويدي & كمون &
يانسون & ماش & حبه حلوه " الي هي شمر )

12 = العصرقهوة النفاس:
هذه الخلطه تنظف الرحم وتحمي من الشمم باذن الله وتخلصك من الام
الرحم ( القرفه المطحونه ـ الشمر ـ اليانسون ـ الزنجبيل ـ قشر
القهوه مجروشه ) يؤخذ من كل نوع ملعقه صغيره ما عدا القرفه ملعقه
كبيره وتوضع في ترمس ويصب عليها ماء مغلي وتحلى حسب الرغبه
ويشرب منها طوال اليوم

أو يوم أخر استخدم هذه الخلطه :
× قشر قهوه (لهوم النفاس اللي اكثر التاجرات يبيعونه للحريم )
وهي قشر قهوه - كمون -نانخه -زعتر بري


13= المنقوعه .. طوال فتره النفاس :
تشرب للشمم وازاله الكرش ..
( مره & حلتيته & محلب ) قللي المحلب في الايام الاولى في منقوعة
وكثريه في الايام ال 20 الاخيره

14= طوال فتره النفاس " للتضيق وازاله الكرش " :
( فلفل ابيض مطحون & ماش & زنجبيل )
مرتين باليوم .. استغنى عن الزنجبيل ان لاحظت كثرة المويات ..

15 = علبه لخلطه العتيبيات :
(كاس ماش -نص كاس شمر -نص كاس حلبه -ربع كاس حبه سودا -ربع كاس كمون -ربع كاس فلفل ابيض -ربع كاس فلفل اسود -
ربع كاس سكر نبات )
تخلطينها وتطحنينها وتحطين ملعقه من الخلطه في كاس حليب دافئ وتشربينها على الريق


× من ناحيه الغسيل الشخصي :

اول عشر ايام :
نضام طبي .. يتم اعتماده ..من غسول بنتادين "مطهر ممتاز " & ديتول
الطبي .. انوع من الغسول والديتول .. والكريمات كذلك
& كريم ميبو "مرهم ميبو ممتاز مره يلين الغرز" & كريم فيوسيدين "
مضاد "( أبو أسد ) & وكريم باكتروبان " مضاد قوي "

بعد العشر ايام :
1= استخدمي الملح الطبي املاح البحر الميت + ماء دافئ في الأيام
الأولى لتعقيم الخيوط .

بعد سقوط الخيوط :
1= استخدم المره لانه ( تشد المنطقه لذلك ممنوع تستخدم ع الجرح
قبل عشرين يوم او قبل تجف الخيوط، لازم تكون المنطقه جافه دائما )

وكذلك ..استخدم ..
2 = منقوع قشر الرمان والرطاء
ارطاء مطحونه .. وقشر رمان كذلك .. تطبخ وتصفى وتبرد ويغسل بها
.. ثم اغسل بماء دافى لعدم تواجد بقايا منها عالقه ..
ثم الدهان ب أي نوع من الكريمات .. السابقه ..

× أذا حسيت بحكه .. او شد بخياطتي :
استخدم خوا جوا .. الدهان ..

× اذا حسيتي انه فيك شمم & ان خيوطك منقبضه &تطلعيين في وقت
النفاااس
نقعي حلتيته بموية ..واذا نقعت المويه كبي منها على الفوطه والبسيها


× تمارين كيجل
مهم جدا عمل هذه التمارين من اليوم الأول للنفاس
وفائدته تقوية عضلة الرحم وإرجاعه لوضعه وحجمه الطبيعي ويحبذ
عمله إلى 6 شهور بعد النفاس .


× ربط البطن :
بعد 7يوم من الولاده عشان الرحم يرجع مكانه الطبيعي لحد ماتطلعين
من الاربعين تربطينه تدريجيآ ..


× محاذير :
1= الحلبه فقط عشرين يوم الاولى .
2= الماش طوال مده النفاس .
3= الرشاد يقلل بالايام الاولى للنفاس ويكثر بالاخيره ..
4= غسل الشعر .. مرتين بالشهر .. والسباحه يفضل من الرقبه للسره
.. وانتي جالسه ..
5= المحلب ينشف وينزل الماء لكنه لايستخدم الا اخر 20 يوم لانه اذا
استخدم اول 20يوم ينشف على خراب لذا يوضع القليل جدا منه مع
منقوعة العنزروت ..


هذا نظامي .. هل فيه خطاء .. هل هو كثير .. هل فيه اشياء ناقصه او تنحذف .. الله يعافيكم الي ماعندها خلفيه ترفع موضووعي بدعوه
.. انا شريت الا عشاب بس باقي مااطحنتها ولاخلطتها .. الا بعد مااشوف ارائكم ...

[حنين الجنة]

مااقدر افتى مالى علم باهالموضوع
ان شاء الله البنات يفيدونك

[يارب ارحمنا]

عندي نقطه استخدمي الفلفل الابيض حق الاندونسيات ممتازمررررره
والله يقومك بالسلامه

[عزيزة النفس]

انا والله ماعندي خبره ابدا ببرامج النفاس لان امي ماعندها خبره تقول ماكنت اعرف غير اننا نشرب الحلبه وناكل العصيده والبر وحليب بس
وانا والله تعرفت على اكثر البرامج من النت ونقلتها هنا بالقسم
وانا اذا ولدت ان شاء الله مارح استخدم غير الاعشاب المعروفه ولاني عمليه قيصريه ففيه اشياء كثيره اننا لازم امتنع عنها
والله تمنيت اقدر افيدك واقولك هل هو صح اولا ولكن يمكن بعض الاخوات يعطوك رايهم افضل مني
ولكن عندي ملاحظه على الكبو رغم اني ما استخدمته الا 3 مرات من تزوجت ولا كنت اعرفه بحياتي الا بعد الزواج مكوناته هي مره,قشر بصل,كمون فقط
وما اظنه يستخدم يوم ورى يوم

[احبك"جنووو"]

حبيبتي دانه العيسى انا الاحظ ان ناقص اشياء كثيره ضروريه حسب ماسمع من الوالده لانها تحط اشياء كثيره مااعرف اساميها في ادويتها مهمه هذا والله اعلم تقبلي مروري

[لوللا]

اعتقد انت ماخليت شي .. وتقريبا كامل ..

بس قبل شوي كنت اكلم الوالده .. وسألتها عن الرشاد ..
الكل يقول 20 يوم الاولى .. وانا اهلي كلهم وخالاتي قالوا 20 يوم الاخيره والسبب هو ..

انه الرشاد مفيد كذلك لتقوية الظهر بالاضافه لفوائدة الاخرى .. فلازم في البدايه ينظف الرحم ووتتقوي مزبوط وبعدين تاكليه ..
وانا ملاحظه انك كاتبه قليل في الايام الاولى ويكثر في الاخير .. وهذا الافضل ..
والكبو .. اعتقد بعد ماتخلصي الاربعين كله مو يوم اي ويوم لا .. والله امي كذا قالت .,,

وبالتوفيق ..