استفسار (( مستوصف الطب الحديث ))

[عتيبيه كول]

السلام عليكم ورحمة الله وبركاته
كيف حالكم اخواتي جميعا اتمنى لكم الصحه والعافيه
وكل عام وانتم بخير ..
سؤالي من تعرف مستوصف الطب الحديث برياض
والدكتورة نوال .؟؟
وحدة اليوم مدحته لي تقول مممتاز واسعارهم زينه ..
تكفون ابي اتأكد من افضل دكتوره او دكتور فيه
وهل صحيح حلوو لـتأخر الحمل انا لي 9 سنين ولا حملت ابد ومعي الغدة الدرقيه ..
الله يغفر لكم ويجزاكم الجنه دلوني وانصحوني ع الأفضل ولله يقول اسعى ياعبدي واسعى معاك وكله بيد ربي لاكن لابد نبذل الأسباب يلغاليات . واذا تعرفون مركز زين واسعاره مناسبه لاتبخلون علي ..
الله يرزق كل وحده حلمها حمل ظنها بصحه وعافيه الهم امين يارب
بنتظاركم اخواتي الطيبات ...

[rwan]

ربى يرزقنى ويرزقك بالحمل السليم المعافى يارب

[( دلووعة فؤاادي)]

نصيييييحة لاتسمعين كلام احد انا جربتها من يوم كان لي 5 شهور متزوجة ومافيه شي الا طلعته فيني وتحاااليل على غير سنع وغالية وكم مررة اوهمتني ان فيه حمل وتكون معطتني ابر تفجيرية وتجيني الدورة عادي واقولها قالت احتمال مب دورة سوي تحليل وسويت وطلع ايجابي من مفعول الابرة وقلتلها قالت لا الابرة مالها دخل وتخيلي جلست واااهمة نفسي الى موعد الدورة الجاية على بالي بدخل الشهر الثاني وسوت سونار قالت الجنين انكمش صرراحة اول مررة اسمع بذا المصطلح وقالت سوي تحليل رحت سويت طلع سلبي وقالت خلاص بيصير اجهاض وهبلتبي وطوالي رحت مستوصف ثاني قالت اصلا مين قال ان فيه حمل..... والله هبلتبي مررررة مادري وش اقوول ووش اخلي وبعدين مين لعب عليكي وقال اسعارها رخييصة بالعكس ناااااار احيانا باليوم اخسر 500 ومرة بدون مبالغة خسرت 1500........... نصيحة لاتروحيلها اذا بتروحين روحي للدكتورة زينب الي بالحبيب طبعا انا سمعت كثير يمدحونها بس تاكدي وانا ناوية اروحلها ان شااااااء الله....... بس احبيت اقول تجرربتي بس اذا تبين تجربين نوال جربي

[احب التواضع]

حبيبتي دام الاخت دلوعة وفرفوشه مجربته ماانصحك فيه وانا والله ماعندي خلفيه عن اي دكتوره
الا الدكتوره منى الريس في مستوصف الشبلان راجعت عندها بس اقنعتني ان زوجي لازم يتعالج
الله يرزقك ويرزقني يارب

[هن هن]

انا اتعالج عند الدكتوره نوال وبصراحه مثل ماقالت الاخت مرررره غاليه اول يوم بتأخذ منك بتأخذ منك الف ريال وكل ماتروحين لها لا يقل عن 500 ريال طبعا شامل الادويه وكل شي وفعلا هي تراااا حاميه بصرف الادويه والتحاليل شغااااااله مستحيل تروحين لها ماتدفعين عالاقل 300

بس العالم عليها زحمه اشكال والوان من كل حدب وصوب من قريب وبعيد والكل يمدحها ماشفت احد يسبها ويقولون شاطره وعلى الله هي بالاخير سبب

[عتيبيه كول]

الله يجزاكم خير الي نبهتوني ولله الي كلمتني عنها الله يسامحها تقولي
مهيب حقت فلوس ..!! اشوا اني مارحت واستشرتكم قبل كان زوجي فرمني فرم
الحبيب بعد غالي ولا عندهم تأمين .. الله يعين ويرزقنا الذريه الصالحه
ولا نحتاج لهم يارب واشكر كل وحده نصحتني ونبهتني فعلا ماخاب من استشار
الله يعطيكم الف عافيه ويرزقنا جميعاا ..
الله يجعلنا من المستغفرين وشاكرين لله عز وجلا
استغفر الله العظيم واتوب اليه ..

[demoshka]

يغلق الموضوع لاستيفائة الاجوبة اللازمة