كل وحده تقول تجربتها مع السونار بالشهر السابع

[ضفاف حلم]

..السلام عليكم ورحمة الله وبركاته ..

كيفكم حبيباتي والله يتتم عليكم اموركم بالخير ..
طيب انا حامل ودوبي بكريه وطبعآ اول حملواللحين انا بالشهر السابع وقبل اسبوعين يمكن كان عندي موعد اشعة صوتيه (بالمستشفى العسكري بالرياض)
و رحت وعملت الاشعه الصوتيه وقالت لي الطبيبه من دون ما اسئلها ان عندي ولد ..وصراحه انا انصدمت .. والله يخليه ويحفظه بس كان ودي بكري تكون بنوته .. فسئلتها قلت ميه بالميه انو ولد ؟ قالت ايه ميه بالميه ..


انا صراحه قضيت هذا الاسبوع اغلب تجهيزات البيبي وماباقي الا القليل بس فجأه بديت اوسوس .. لو طلعت الدكتوره غلطانه ايش اسوي بالاغراض وكلها ولادي واشلون ارجع اجهز من اول وجديد والتكلفه الي صرفتها مي شوي ووو .....الخ
فابالله يابنات احد صار لها مثلي وطلع جنس المولد بالعكس ..... ؟؟
ارجوكم تفيدوني بتجاربكم اوبتجارب قرئتوها او عرفتوه من غيركم
والله اني في حيره من امري ..
والله يجزاكم كل خير ويسهل علي وعليكم الولاده ويرزقنا باطفال معافين من كل شر وبلاء آمين يارب ولا تقول سوي سونار مره ثانيه في مستوصف خاص الخاص عادتن بس يحبو يسحبو فلوس و وضعنا المادي متدهور حاليا وبحاجة كل قرش ممكن اصرفه من دون فايده ..

في انتظار ردودكم وتعليقاتكم

[ام ميرا]

حبيبتي أنا لما صورت قامت الدكتوره وورتني بوضوح أنه ولد عشان كذا حتى الوسواس يروح عنك روحيلها وخليها توريك على الشاشه جنس الجنين عشان تتأكدي والله يطمن بالك

[امل25]

صباح الخيرر
بالنسبه لي لسا باقي ماحملت
ولكن اقدر افيدك عن تجربت اختي

وهي في الشهر السابع قالت لها الدكتوره عندك بنت ونفس حالتك طلعت وقضت كللل شي ((وردي ))

وبالنهاااااااااايه لما ولدت كانت الصدمه ((ولد))

يعني تصيررر

انتي خليها على ربك ولو انا مكانك اشتري الاساسيات الضروريه فقط اللي تناسب لولد او بنت


وهو اساسا راح يكون البيبي في اللفه ماراح يوضح لبسه

ولما تخلصين الشهرين اطلعي السوق وخذي كل اللي خاطرك فيه للبيبي ربي يخليه لك

ودعووااااااتك ربي يرزقني بالحمل السليييم يارب ..
تحياتي لك

[ضفاف حلم]

اختي ام ميرا مشكوره حبيبتي ويعطيك العافيه على المرور

[ضفاف حلم]

اختي امل 25 الله يجزاك بالخير والله يفرح قلبك بالحمل بالطفل السليم المعافى وعليك بالاستغفار تراه معجزه ..

[أم رنيم وسديم]

صديقتي قالوا لها من بداية الحمل بنت وقضت كل شي وردي وبعدين جاها ولد قبل شهر ..
وقبل اقل من اسبوع صديقتي الثانيه قالوا لها ولد وجابت بنت ..
اشتري الوان محايده تصلح للبنت والولد والله يكتب اللي فيه الخير

[زهوري]

أنا جبت ولدين الله يحفظهم والتصوير في نهاية الرابع قالت لي ولد وخلتني اتاكد قالت هاي
الولد شفتيه أكيد ولد وقالت لي الفرق الولد والبنت تصير غير وشرحت لي يعني أكيد ما راح
يصيبني وسواس أبدا ويمكن انتي تبين بنت فتوسوسين لانش تبي بنت وهي قالت لش ولد .

[اغليك يا الجنوب]

الله يتمم لنا على خير يارب
جهزي محايد مثلي رحت جبت كذا لبسه محايده
مثل ابيض بيج رصاصي برتقالي تفاحي مثل ها الالوان

[ضفاف حلم]

مشكورات حبايبي بس اقصد الاشعه بالشهر السابع تكون ميه بالميه صحيحه ؟

[ضفاف حلم]

الله يسعدكم يابنات ودي تشوفو موضوعي وتردو عليه ..