اكتئاب النفاس والأرق تكفون ساعدوني

[مرام العتيبي]

سلام عليكم
انا ولدت في شهر 8 في يوم 15
كنت اول ثلاث ايام وضعي كويس ومااشتكي من اي شي ابد
ثالث يوم وانا نايمه صحيت مفزوعه من نومي بدون سبب يعني لاشفت حلم ولاشي
صحيت انسانه ثانيه ماهي انا
ضيقه واكتئاب وعدم شعور بالسعاده احس الحياة واقفه مالها طعم الحياة سوداء مافيه شي يسعدني ابد
صرت ادور في البيت زي النحله يابنات. ماتتخيلون احس الارض ماتمسكني
سافرت لأهلي قلت يمكن اتغير

واستمر وضعي كما هو
صرت اتعب في النوم لحد ماانام اخاف من الظلام اخاف اجلس لحالي ضيقه وشي لايطاق

رحت لطبيب نفسي واعطاني سيركويل وتنومي طبعا

تدرون استفدت منها اني حسيت شعور الكآبه خف الحمد لله

والحين لي شهرين من ولدت وانا باقي تعبانه مع النوم يابنات

فيه احد مثلي ومتى يروح الأرق وارجع انام طبيعي وبدون مااخاف والله تعبت وتفكيري تعب وضاقت علي

الدنيا يارب تكفون عطوني تجاربكم يابنات

[مرام العتيبي]

تكفون ردوا علي

انا الحمد لله حاليا مداومه على الأذكار والقرآن والاستغفار

بس ودي اعرف اذا فيه احد مثلي ومتى يروح مع العلم هذا الطفل الثالث لي

الله يفرج الهم عني وعن كل مسلم ياااااااارب


خايفه الارق يستمر ويطول وانا معلمه كيف اداوم كبف اعيش حياتي طبيعيه وارجع مثل اول

انا رافضه فكرة الحبوب المنومه اخاف اتعود عليها واحس انها شعور يقتل وصعب تحسين نفسك كأنك مقتوله مو نايمه

[مرام العتيبي]

36 مشاهده. ومااحد رد علي

[مرام العتيبي]

ردوا تكفوووون

[أم عبدالله1991]

السلام عليكم ورحمة الله....
اولا الحمدالله ع السلامه ومبروك المولود الله يجعله من الذرية الصالحه

ثانيا:_
الاعراض اللي فيج جدا طبيعيه ووارده وتسمى كآبة النفاس وتصيب اغلب النساء بعد فترة الولادة...وانا انحطيث مثل موقفج ابكي واصيح كل دقيقه وثانيه احس جبل هم على صدري وكتمة مو طبيعيه حتى اهلي احسهم ماهم اهلي...
طيب ليش هذا كله..؟؟؟
لعدة اسباب
1_ اذا كنتي بكريه لانج تحت مسؤولية كبيره وجديدة عليج وتحسين انج متوهقه ومو عارفه شلون تتصرفين وهذا فقط اول اسابيع وتالي بتعرفين شلون تنظمين وقتج وتتعاملين مع النونو

2_قل النوم والارق لاتنسين النونو في فترته الاولى يقعد كل ساعتين وانتي مايمديج تحطين راسج الا قاعد يبجي سوا من جو او غازات او تبديل بامبرز....الخ

3_وهذا اهم ششي في فترة الولادة الام تفقد الكثير من الدم وهذا يؤدي إلى نقص حديد واعرض نقص الحديد موووو هينه منها:_ الشعور بالكآبة والرغبه في الانتحار شحوب الوجه الشعور بالخمول والكسل وعدم القدرة على بذل مجهود+نقص فيتامين دال وهالفيتامين جداا مهم وبتنصدمين لاعرفتي شنو اعراض نقصه ابحثي وشوفي بتلقين كل الاعراض فيج..

4_لاتنسين بهالفتره الوحده تكون مبتعده عن الصلاة والشيطان يجري بالانسان مجرى الدم احرصي ع الاذكار في الصباح والمساء والرقيه+رقية المولود واحرصي على تشغيل سورة البقرة بصوت خافت في الغرفه اللي انتي فيها...

ولاتحاتين امورج كلها خير بإذن الله..
دمتي بخير��

[روين0]

عادي جدا اكتئاب النفاس حالات كثيره تصير لهم بعد الولاده
انا جاني اكتئاب وحاله خوف وكوابيس طول فتره نفاسي وبعد النفاس وجلست عند اهلي لين كملت طفلتي 3 شهور
اولا حللي فيتامين د لان نقصه يسبب كابه
ثانيا قله النوم عادي مع طفل جديد وتقولين الثالث شي طبيعي جدا يكون نومك قليل والنوم القليل يسبب توتر
ثالثا واهم نقطه اي فكره سوداويه او خوف يجيك اقطعيها ولا تتعمقين فيها !
حطي في بالك ان اي قلق او خوف من الشيطان لقوله تعالى (إنما النجوى من الشيطان ليحزن الذين آمنوا وليس بضارهم شيئاً إلا بإذن الله )
يعني مثلا: مانمتي و قلقتي لانك مانمتي لاتفكرين انا مانمت ليش بقعد كذا طول حياتي كيف اعيش < هاذا الاسلوب غلط لان الحزن والخوف ماله سبب الا الشيطان وربنا حذرنا منه واكد لنا انه مابيضرنا في شي
فاذا صحيتي خايفه قولي اعوذ بالله من الشيطان الرجيم ولاتتعمقي في فكره القلق والخوف اقطعيها ولاتسترسلين في التفكير وبدالها فكري بأي شي ثاني مريح. لك
اشربي نعناع وبابونج قبل النوم يهدي الاعصاب ويساعد على النوم العميق وفكري باي شي ثاني مثلا بتغيرين اثاث بيتك او ايش بتغيرين في لوكك

وترا مرحله وتعدي اهم شي تنتبهين لطريقه استرسالك بالافكار وبمجرد ماتلاحظين نفسك بديتي تقلقي اقطعي الفكره اللي اقلقتك فورا واستبدليها بشي ثاني
وطبعا سوره البقره بركه وراحه راحه راحه فوق ماتتصورين اقرأيها دايما او شغليها عندك بتتحسنين كثييير
وترا النفاس كذا كئيب على الكل 40 يوم لاصلاه ولا صيام طبيعي الوحده تكتئب

الله يريح بالك ويسعدك

[ياشمس عمري]

يارب الحمد على كل حال..فعلا الكآبه بعد النفاس احس معظم الحريم يحسو فيها..وهي اعتقد تجي من التعب وازياد المسؤوليه..ربي يعينك ويعينني ويعين كل ام يااارب..بس المهم الاذكار لازم المحافظه عليها..