مرحبا حبيباتي
انا في حيره من امري حاسة اني متلخطبة كثير وحايسة ف هالنت ادور ع معلومة تطمني
شهر يناير اجتني الدورة تاريخ 6 و شهر فبراير اجت بتاريخ 10 يعني متاخر تقريبا خمس ايام
المهم بتاريخ 27/1/2015 كان لي اليوم 22 من الدورة وعملت تحليل هرمون الحليب
وطلع مرتفع كثير.. وما عطوني علاج لازم تحويل للمستشفى اللي اعالج فيه من الروماتيزم
بس شربت مرقدوش ومو مستمره عليه يوميا من الكسل اللي فيني
وصحيح اذكر ان الصدر اليمين كان فيه الم و نتوءات طالعة فالحلمة و لما اعصره تطلع قطره سائل يادوب تنشاف بس الحين الحمدلله مافيه الم بس النتوءات السائل لازل يطلع مع العصر
هل التحليل ف هاليوم يعطي نتيجة دقيقة للهرمون؟؟؟
وهل ممكن ينزل الهرمون مع المرقدوش حتى مع عدم الانتظام؟؟
انزززين ...
هالشهر انا تمرخت وخبنت والحمدلله الرحم كان عندي مايل وتعدل لله الحمد والمنه
وعملت اشعة الصبغة في مستشفى خاص وعذبووووني فيها بس الحمدلله على كل حال.. المهم الدكتورة قالتلي ان الانابيب متسكرة عندي واحبطتني كثييير
فاليوم اللي بعد الاشعة وديت الاشعة لدكتورتي اللي اتابع معها وقالتلي ان احد الانابيب مفتوحة بس انا يمكن ضاغطة على نفسي عشان كذا ما بين فالاشعة زين لان واضح ان الصبغة وصلت لمكان اعتقد المبيض بس شلون وصل لهناك مادري يمكن صحيح ضاغطة ع نفسي كثير اثناء الاشعة فما وضح بالانبوب
وقالتلي اعطي لنفسي مهلة شهرين ان ماصار حمل لا قدر الله فيحتاج اسوي عملية منظار
وانا حاليا فاليوم 16 امس رحت لدكتورة غير اللي اتابع معها لان دكتورتي مسافرة
كنت اريد اتطمن على حجم البويضة لاني اخذت منشط نوفادكس جرعة خفيفة ف حصلت ان البويضة نازلة خلاص الحمدلله على كل حال
سؤالي : هل نزول البويضة يعني انا ف يوم الاباضة؟؟؟
ولاحظت فاليوم نفسه كثرة الافرازات الشفافة وقست درجة حرارتي بعد الانتهاء اللقاء والاغتسال وحصلتها 36.9 هل هذا طبيعي علما اني قست درجة حرارتي بعد ما صحت من النوم وحصلتها 36.3 وكان عندي الم خفيف فاحد المبايض
فإذا كان يوم 15 هو يوم الاباضة هل اممكن اعتمد ان الدورة راح تنزل بعد 14 يوم ؟؟؟
ولا ممكن انها تتاخر اكثر من كذا ؟؟؟
وعذرا على الاطالة لاني جد ادور على اي خيط يطمني ويريح بالي