فين احصل قمصان النفاس بجدة ؟!!!

[Ḿٱ۾ڵيڼٱỄ]

السلام عليكم ورحمة الله وبركاته

اخواتي انا بديت شويه شويه اقضي للنفاس > استعداد من بدري
بديت بنفسي بعدين حبدأ للبيبي *_*

اشتريت بيجامات باكمام طويله كتير عشان الشتا
واشتريت بيجاما حلوه للاستقبال بالمستشفى


لكن لسا ما اشتريت قمصان النفاس
وابغى زي كدا تماما مريحه وشكلها حلو وياريت قطنيه :




ياريت تدلوني فين احصلها تحديداً

لأني رحت سيتي ماكس ماحصلت ونعومي ماحصلت
وكمان ياريت مكان تكون اسعارهم معقوله

انتظركم ^__^

[مدمنه قهوة]

اااااااااااااااااااااب ماني من جدة

[السامره]

كثير الاماكن في السعرالمنافس
والهرم وفي لاندلس مول محل
اسمه اس مارت
تقومي بسلامه

[nana galaxy]

عسوله تلاقيها بواجة الجلابية وكمان فلور
فيه أشكال مرررررره تجنن ,, قعطه وحده او قطعتين

[Ḿٱ۾ڵيڼٱỄ]

^_^ اخواتي ابغى اسأل : اس مارت وفلور الاقيهم بالاندلس مول ؟؟؟؟
واكيد الاقي عندهم قمصان نفاس ؟ وموجود عندهم بيجامات مريحه ؟؟ وكيف اسعارهم ؟؟؟؟؟؟؟؟؟

إذا كل المحلات موجوده بالاندلس مول حلو مره وحده ومن مكان واحد

[زوزوعليوه]

تلاقينهم بالمراكز الكبيره مثل تحطيم الاسعار ونجمةالعائله اللي بالصواريخ واسعارها على 50 و60وفيه بقطعتين وفيه بقطعه مع طرحاتها والله اقمشتها قطن وحلوه نفس اللي بالصوره وفيه اكمام قصير وطويل وموفقه

[Ḿٱ۾ڵيڼٱỄ]

^_^ جزاكي الله خير اختي

بإنتظاركم

[أم منوله]

انا اشتريت من الهرم مرره حلو في قطعه وفي قطعتين وقطن كمان

[fufualmoon]

انا مو من جدة بس اللي اعرفه في الهرم موجود بكثررة

[Ḿٱ۾ڵيڼٱỄ]

بنات رحت الهرم امس ماحصلت نفس اللي ابغاه واللي بالصوره واشياء مره اقل من العاديه والقطن ماعجبتني كلها اكمام طويله وبصراحه بشعه شويه

اخذت قميصين لكن ماتنفع حق استقبال الضيوف > لكن تنفع للايام العاديه

ابغى شي حلو نفس اللي بالصوره