استشارة لذوي الخبرات

[miss besho]

السلام عليكم ورحمة الله وبركاته
حابة استشير ذوت الخبرة في كدا موضوع...
انا ولادتي باقيلي عليها شهرين ان شاء الله وابغى اجهز للنونو
ايش الأشياء المهمة؟؟؟ دا بالنسبة للنونو

وحابة اعرف بالنسبة لبنات المدينة ..ابغى مستشفى كويسة ودكتورة كويسة لأنو اكتر مستشفيات المدينة سيئة ومررة شايلة هم....

أتمنى الاقي تفاعل ومشاركات

تقبلو ودي واحترامي

[**سماسم**]

أهم مستلزمات النونو :
1.عليك شراء ملابس قطنية بيضاء بلاطين, وبلايز وفي منها ابرهول ولكن بدون رجلين لا اعرف ما يسمونه هذه الملابس تلبسيها للطفل تحت الطقم الخارجي فهي تبقيه دافئا خاصة اذا كانت ولادتك في الشتاء. وممكن ان تكثري منها وبمقاسات مختلفة لانك تحناجينها
2. عليك شراء ابرهولات وبجامات مفضل ان تشتري من كل نوع 2 او 3 وعليها ان تكون مقاس من 0-3 اشهر.
3. اما بالنسبة لملابس الخروج فهذا الامر يتعلق بمكان سكنك وطبيعة حياتك فاذا كنت لا تخرجين كثيرا فعليك الاكتفاء ب3 اطقم وذلك لانك ان اشتريت اكثر وانت لا تخرجين فانها ستصغر على الطفل قبل ان تستفيدي منها ابدا وتندمي على شراءها انا حصلت على الكثير من الهدايا ولاني لا اخرج كثيرا فمعظمها لم بتسنى لابنتي لبسها الا مرة او مرتين.
4. الملفات. عليك شراء 3-4 ملفات فهي تبقي الطفل دافئا وتشعره بالامان " baby blanket"
5. طبعا اغراض الحمام منشفة وصابون للاطفال وشامبو للاطفال وليفة. ومشط ومقص للاظافر
6. جرابات وبعض القبعات لانها تبقي الطفل دافئا

[بآربي]

مس بيشو

وربي الحال من بعضو مو عارفه فين اولد ومتردده مره كل يوم أقرر مستشفى

وبالنسبه للتجيهزات روحي لطفل الشرقيه بقبا مسوي عروض حلوه

واشتريت منه بربتوزات ولفات مره حلوه

ربي يعيننا ويسهل ولادتنا يآرب

واتمنى اني أفدتك

موفقه خيتو

[rooraa]

بالنسبه للاغراض ما قصرو الكروشات تقريبا قالولك كل شي
بالنسبه للمشفى انا عن نفسي المطبقاني ولدت فيها مرتين وان شاء الله ربي يتمملي وهاديالمره ان شاء الله كمان عند الدكتور هشام اسماعيل وفيه كمان احمدو
وفي المواساه كتيييييييييير ولدو فيها وكلهم ما شاء الله يمدحوها الدكتور رضا وايمن عفيفي اعتقد
ولو تبغي دكتوره في الي انا اراجع عندها احسان بخش شوفي انا جربت تلات ارباع دكتورات المدينه وكولهم للاسف ما يستاهلو لقب دكتوره
احسان بخش الوحيده الي تستاهل انها احسن دكتوره طبعا لها عياده خاصه بس لو تبغيها تولدكك عادي تجيكي المستشفى وتولدك
صحبتي ولدت قبل شهرين في المطبقاني قالولها عمليه جاتها احسان قالت لا وولدتها طبيعي ما شاء الله
طولت عليكي بس حبيت افيدك بكل الي اعرفو وجربتو
واله يسهلك ويسهلي ويتمملنا على خير

[طبيبة القلوب]

الله يسهلك ,,,
حبيت ارفع الموضوع

[miss besho]

مرررررره شكرا سماسم وبآربي ....
rooraa مشكورة حبيبتي طيب ايش اسم عيادتها انا اول مره اسمع فيها ..وبالنسبة للمواساة انا سقطت ودخلت عندهم مره التعامل سيئ ومايراعو المريض نهائيا..والمطبقاني انا متشائمه منها كل من دخلها مات... طيب لو رحت الالماني عادي تجيني وتولدني هناك؟؟؟وكيف اتواصل معاها...
واية احسن في الولادة دكتور ولا دكتورة؟؟؟كتير قالو الرجال احسن لأن تعاملهم مع الجنس الناعم بأسلوب واحترام اكتر من الحريم...انتي شو رأيك؟؟؟
انتظر ردك بفارغ الصبر...

[بنت الشيخ عبدالله]

ماعندي اي فكره ....

الله يسهل لك امورك ويهون عليك
الولاده ويسهلها يقر عينك بشوفة طفلك...

موفقك حبيبتي ...