امانه عليكم تدخلوا . افيدونى بالله عليكم نزول دم احمر فاتح

[elbanota_rahma]

السلام عليكم

انا عرفت انى حامل يوم2/6 وروحت كشفت بعدها ب 4 ابام الدكتورة قالتلى ان الحمل لسه بقاله 3 اسابيع مش هيبان ف السونار
المهم عملت التحاليل كويسه
عطيتنى فوليك اسيد وبس

يوم الجمعه عملت مجهود شويه مش كتير والله المهم لقيت دم نزل احمر فاتح
كل ما اقف

قالولى ارتاحى خالص اتصلت بالدكتورة قالتلى خدى يوتوجيستان بقولها عاوزة مثبت تقولى لا هو هيمسمره يعنى

اخد البرشام دا مش عمل حاجه صحيت تانى يوم مفيش غير حاجه بسيطه اتصلت بدكتورة تانيه قالتلى خدى اللبوس برونتوجيست مثبت واشوفك اخر الاسبوع يكون كيس الحمل بان ونعرف هنعمل ايه

جبت اللبوس دا بس مش اخدته كلبوس مهبلى اخدته عادى لبوس عادى
امبارح والنهاردة
ولسه عارفه دلوقتى انه لبوس مهبلى وممكن يكون لبوس عادى بس مفعوله احسن لما يستعمل كلبوس مهبلى

ينفع اخده بكره كلبوس مهبلى ولا لالالالالالالا

وتفتكروا ف امل الحمل دا يكمل
هو امبارح مفيش دم خالص نقطتين كدا بس
والنهاردة قمت من النوم على فاجاه فنزل نقطتين بردو ومفيش حاجه لحد دلوقتى

وياريت لو تعرفوا دكتور يكون كويس احسن من الدكتورة اللى كلمتها دى بس يكون ف سيدى بشر علشان المواصلات قولولى

وقولولى اتصرف ازاى بالله عليكم ؟؟؟؟؟؟؟؟؟؟

[elbanota_rahma]

معقوله محدش عاااااااوز يفيدنى
كلكم دخلتم وخرجتو من غير رد حتى ولا تدعولى حتى
جزاكم الله كل خير

[أم سوسي]

ماعليك شر انشالله
بس الافضل تروحين للمنستشفى وتكشفين مو معقول لسه مابين شي بالسونار
والدم هذا عادي يمكن اجهدي نفسك
الله يتمم لك بخير

[وردة الجنوب]

ربي يعينك ويتمم لك الافضل تروحي مستشفى .