كملنا 9 شهور وزوجي مادخل علي لحد اليوم

[Nina]

السلام عليكم خواتي .... انا مسجله في المنتدى من زمان وكل يوم افكر اكتب لكم مشكلتي واتردد......كنت اتمنى ألقى حاله شبيهه لحالة زوجي واكتشفت اخيرا انه شي نادر وعمري ما سمعت قبل بهالحاله.... اتمنى انكم تساعدوني وتفكرو معاي ايش اسوي.... انا اعرف مشكلة زوجي واريد حل لاني احس انه في شي ناقص في حياتنا واللي ممكن يقرب مشاعرنا لبعض اكثر.

للعلم زوجي طيوب وحبوب و يحبني كثير

زوجي ما قرب مني غير مره وحده وهو يوم العرس, حاول يلمسني بس وما وصلنا لبعيد وانا كنت اتغلى وصديته بدلع وبصراحه كنت افضل انه يكون اليوم الي بعد العرس لاني كنت تعبانه من زحمة العرس بعد كذا ما قرب مني مره ثانيه ولا حاول يعمل اي شي.

تخيلو زوجي الي احبه ويحبني عمره ما حضني وعمره ما باسني ولا حتى حاول , في بداية الايام كنت انا اتقدم واحاول معاه ويصدني شي يقهر ودايم يتحجج انه مشغول وتعبان. حتى النومه صرت انا الي اقترب منه وانام جنبه

صدقوني اني كلمته وانا هاديه وانا معصبه المح واجيبها بعدة طرق ومن غير فايده... كل مره يقولي ان شاء الله قريب.

ايش اسوي ساعدوني ومنتظرة مشورتكم

[نسمة المساء]

لا حول ولا قوة إلا بالله والله حبيبتي لسا من كم يوم أنا كاتبة موضوع عكس موضوعك تمام عن صديقة لي متظايقة من كثر ما زوجها ييجيها ...
صدقيني رح بخليها تقرأ موضوعك بلكي تحس إنها بنعمة...

أما بالنسبة لك حبيبتي والله ما أعرف شو أقلك ... انتي متأكدة إنو ما عند زوجك مشاكل ("أقصد جسمية") تعورو عن الجماع ... إذا متأكدة خليك حلوة معا وتدللي وتزيني وما بظن رح يقدر يقاوم ... ما في رجال يقدر مع اللبس والميك و العطر يقاوم ... وإذا عنده مشاكل ترى لا تخافين الحلول صارت كثيرة ... الله يوفق بينكم ويسخرلك زوجك يا عمري

[Nina]

مشكوره عالرد حبيبتي
الله يساعد صديقتك ويفرج عنها ان شاء الله بس فرق بين الزوج الي يجي زوجته اكثر من مره في اليوم وفرق بين الي ما دخل على زوجته.... انا لسه عذراء
لحد الحين اكشخ واتعدل واكون بأحسن مظهر ودايما ريحتي حلوه وكل هذا ما يحرك فيه شعره , الشي الوحيد الي تخليته عنه هي بيجامات النوم العاريه

[عشق الصدى]

الله يكوون بعوونج [‘ ]يا الغلأأ
كل يوم استخيري وربي يبعد عنكم كل حسد

[um-yazan]

الله يفرج همك يا غاليه
والله شي صعب
بس ما عندي فكرة عن الحل
انشالله تنحل عن قريب يا رب

[الوان الحياة]

الله يفرررج يهمك يااقلبي والله وضعك صعب مررة
اكيد زوجك عنده مشكلة مثلا ضعف جنسي اوو يمكن عيب خلقي
لا تسكتين صاارحيه ياايشرح لكي الووضع او يطلقك واكديله انك بتوووقفين معااه بمشكلته ومااحد يدري فيهااا خليه يثق فيك
صعب تجلسين عمرك كله معاااه مثل الاخوان

[يارا ويوسف]

لا اله الا الله ربى يفك كربك اللهم امين

[Nina]

الله يسلم كل وحده ردت علي ودعتلي من قلبها

كلمته كثير ولما اكلمه يرتبك شوي ويقول انا بجيك بنفسي من غير ما تتكلمي وصارلي اكثر من ثلاث شهور ساكته لحد يومنا هذا..... من كثر ما صبرت وانتظرت صرت ما اتوقع شي منه وفعلا ما يصير شي

[حورية البحر]

انا رايي نفس الي قالته اختي الوان الحياه لازم تحطين حد
والله تسعه شهور مده طويله جدا انا اعرف وحده كان زوجها
مثل زوجك مايقرب منها واذا لبست له لانجري زعل منها
وفي النهايه طلع شاذ وطلقها بعد سنه وكم شهر من الزواج وهي لسه
بنت مثل ماهي انا ماابغى اخوفك يمكن زوجك عنده مشكله اوضعف
لازم تحسمين الامر وتتكلمين بكل جد واذا مااستجاب دخلي اهلك في
الموضوع والله ييسر لك يارب

[Nina]

حورية البحر الله يسعد ايامك وييسر لك امورك

ممكن يكون عنده ضعف جنسي لكن شاذ لأ لانه انسان متدين ويعرف ربه ولكن ضعف جنسي لدرجة انه ما يدخل علي ولا حتى يحاول لمدة 9 شهور هذي صعبه . تعرفي انه دايما يكلمني عن اولادنا وكيف نربيهم وكيف نتفاهم معاهم وعنده فكره عن المستقبل لعيالنا.

أنا مافيني عيب والحمدلله بس كيف اكلمه من غير ما اكسر رجولته الي هي اهم شي عنده