علاج للحكه والجلد المنفر

[ميمي الاموره]

السلام عليكم ورحمة الله وبركاته ..


السلام عليكم كروشات ..

اليوم جايه بسالكم عن حاله لها اسبوع وزياده معي ياليت اللي مرت عليها هذي الحال تقولي وتطمني وش سوت معها وكيف تعالجت منها

انا دخلت اليوم التاسع ولله الحمد بس لي اكثر من اسبوع جايتني حكه وهرش بجسمي كله ماتحمل الجلد يجي على الجلد وجلدي منفر ومليان حبوب ومتجرح من كثر الحكه
ماادري وش علاجه
بالبدايه كنت احسبه حشره او شي بسريري غيرت مفرشي وكنست السرير ونظفتها على اساس انها بق وفظيت علبتين بف بف وماتغير شي
ويوم طلعت من غرفتي وكنت اصلي حسيت بنفس الاعراض قلت اكيد من بيتي فيه منتشره حشره مع اني حريصه على التنظيف
انظفه يوميا وابخره بعد
نظفت البيت مع انه كان نظيف ورجعت نظفته ولا تغير شي بالعكس زاد
بعدها رحت لبيت اهلي ونمت عندهم ونفس الشي احس بحكه شدييييييده وجلدي منفر قالت امي يمكن حساسيه وعطتني حبوب للحساسيه ارتحت بالبدايه عليها لدرجة اني نسيت الحكه بس من امس واليوم اشوفها رجعت من جديد وبزياده اكثر من قبل
حتى مع الحبوب معاد تنفع
مراجعتي الثلاثاء بس مافيني صبر جلدي تقطع من كثر الحكه وجسمي امتلى جروح
ولي يومين ماانام من الحكه اقوم من عز نومتي من قو الحكه
حتى زوجي اقلقته معاد ينام بسببي وبسبب هالحساسيه
بليز بنات من صار معها نفس الشي ولقيت حل لهالمشكله
عسى الله يهون عليكم وعلي