تجمع حــوامل التوائم

[نواعم النعومه]

صباح الخير على احلى تجمع
فقدتكم والله وانتم ما فقدتوني الله يسامحكم
شفتوا اللغه الجديدة اللي كتبت فيها ذاك اليوم سالفتي سالفه انا وياها
اقولكم كان عندي موعد زي ما خبرتكم ونوموني توني طالعه اليوم يقول نسبه الضغط شوي مرتفعه ..
وقلت بخبركم بموبايلي وجالسه اكتب قصه حياتي في المستشفى وش سووا لي هههههههههه في النهايه تطلع اللغه حوامل شهر 9

بس والله من يوم جيت وانا اقراء ردودكم مت عليها من الضحك تجنن ردودكم والله ضحكت من قلب حتى زوجي يقول وش سالفتك معهم

عطاني الدكتور موعد يوم الاثنين القادم باذن الله
وبعدها يوم السبت موعد دخول للعمليه الله يسر الامور ويسهل علي وعليكم لان واحد من الاطفال جالس يتقهوى كابتشينو في بطن امه حبيبته ......

محجبة هذا طبيعي شكله في الثامن انا جاني كذا اي حاجه اكلها لو خفيفه استفراغ بس انتبهي كثري مويه لوتغصبين نفسك عليها علشان ما يجيك جفاف مثلي الله يعافيك

[نواعم النعومه]

بنت الهدى انا الحين في الاسبوع 36 من كلام الدكتور الله يستر عليك

شكلك سويتيها وولدتي بالعافيه الله يسر امرك

وينكم كروشات شكلكم نايمات نوم العوافي يارب

[قمرين 2]

مرااااااااااااحب لكل البنات اللي سأللوا عني واللي ما سألوا بعد
اعرف انكم تنتظرون أكشن الولاده
بحاول أكتب اللي أقدر عليه ان كملت زين وان ما كملت بكتب لكم يتبع...

المهم كان عندي موعد يوم الاربعاء الماضي وطلع عندي الضغط عالي شوي لما دخلت على الدكتوره فحصت وقالت واحد براسه وواحد مقعدي قلب حبيب قلبي بعد شسوي .. نزلت من سرير الفحص وقالت الدكتوره بدخلج اليوم للولاده لانه ضغطج مرتفع والبيبيات وضعهم طيب وجاهزين للولاده .. خيرتني بين الطبيعي والقيصريه طبعا احترت انا واحتارت الدكتوره قالت القرار الاخير عندج فاخترت الطبيعي عطتني ورقة الدخول وقالت روحي جهزي جنطتج انتي والبيبيات وتعالي العصر ..
رجعت البيت صبغت وحفيت وسبحت ونمت علشان استعد للولاده وأصحصح وبعدين تغديت وسلمت على عيالي وطلعت من البيت ....... وصلت المستشفى باشرنا اجراءات الدخول ومن قسم لقسم وعلى عندهم خبر الجماعه ليييييييييييين وصل الملف .. يا بنات دخلت على أساس اخذ طلق صناعي العصر وأولد بالليل على حظي لما وصل الليل وصل الملف توه الدكتوره تشوفه وقالت انتي عندج واحد براسه وواحد مقعدي وتبين تولدين طبيعي قلت لها نعم قالت لو اختب في وضعج أنصحها بالقيصريه لانها انسب للبيبي اللي نازل بمقعده قلت لها زين انتي اشرحيلي الوضعين وانا بختار قالت الطبيعي الاول راح ينزل عادي لكن الثاني في احتمال انه يقلب أو ينزل بمقعده أو يعترض ساعتها بنسوي لج قيصريه بالمختصر ولادتين طبعا رفضت وقالت خذيها من قاصرها العمليه أفضل ....... رحت المستشفى بولد طبيعي قمت غيرت رايي ووقع زوجي على العمليه جهزولي غرفه دخلت أنام بدا الطلق من الساعه 10 بالليل ووجع يروح ويرجع ليييييييييين الصبح .. الصباح يت السستر قالت اسبحي وركبولي البربيش للبول ولبست لبس العمليه الازرق ونظفولي مكان العمليه اللي هو خط البكيني اه تعبت وانا أكتب ها التقاصيل
بعد ساعه أو أكثر يت الدكتوره اللي بتسوي لي العمليه تنصحني اغير رايي لكني رفضت وابوي رفض وزوجي رفض قالت القرار لج فكري بخليج فكري وردي على رجعت افكر وايضا شفت القيصريه اامن للبيبي المقعدي
بعد 3 ساعات دخلت غرفة العمليات وانا مطمنه مرتاحه وفرحانه على الاخر .. طبعا اخترت البنج النصفي لان فيني ربو وخذت العمليه ساعه طبعا كنت حاسة في كل شي حتى القص اخروج عيالي لكن ما كان فيه الم
تعبت وانا اكتب
خلصت العمليه وسمعتهم يقولون اني نزفت وايد ومحتاجه دم حطولي 3 وحدات دم ..... بكمل لكم بعدين الاكشن القوي للحين ما بقدر اكتبه اريح وارجع

[ماء زير]

نواعم النعومه..ليه مستعجلين على ولادتك توك 36ليه ماينتظرون عليك لانك ماسويتي قبل عمليه

قمرين2.... الحمد لله على سلامتك ومبروك ماجاك وننتظر باقي القصه

عشمانه في ربنا...وش سويتي في موعدك

[الوردة النرجسية]

سلام عليكم حوامل أو مربيات
مبروك لجميع إلا ولدو ومبروك لماء الزير على الحمل.

على طول اتابع اخباركم أول بأول بس ماكنت أشارك تعرفون المزاج في حمل شلون أيكون.

ساره شخبارك أنا معاك في السابع انا الحين في الأسبوع 27و7 الحمدالله تحليل السكر طلع طبيعي وبنوتاتي بخير وأخر سونار كان في اسبوع 25 أول بنت كان وزنها 664 غرام وثانية 636 غرام بس ما أدري طبيعي وزنهم . أنت كم كان وزن بيبياتك ساره أن شاء الله أوكي و ش الأعراض إلا تحسينها في شهر السابع أنا أحس بآلام مثل الدورة الشهرية تستمرة 3-5 ساعات وبعدين تختفي وحركة البنوتات صارت اوضح.

سوري ساره مللتك من الأسئلة بس أنا بكرية مثلك وخلنا نتشاطر هموم الحمل.
بنات اي وحده تقرأ مشاركتي وتقدر ترد علي لا طنشني خصوصا إلي عندها خبرة مثل محجبة وزود الغلا جومانه وغيرهم من بنات.

بنت هدى الله يقوم بالسلامه غيري الأسابيع الحمل مو 21 تغيرت
مسامحه الهدرة زايدة والله أنتو مثل خواتي وأكثر

[الماسة قطر]

المشاركة الأصلية كتبت بواسطة زود الغلا

الله يتمم عليك يارب ........... بس لا تهملين نفسك روحي للمستشفى .

الله يجزااااااااك خير



بنات من جاها نزيف في الشهر الثالث ؟ وكيف وقف النزيف ؟

وهل النزيف يسبب اجهاض ؟

لانه جاني الاثنين نزيف ومن بكره وقف ونزل نقط بنيه معي واليوم ينزل بني كثير

ويوم الاثنين رحت لمستشفى الحبيب وعطتني ابره مثبته وحبوب 3 حبات في اليوم لمدة 3 اسابيع فقط
ومستشفى ثاني الدكتوره عطتني تحميلات لمدة شهر وقالت وقفي الحبوب المثبته تقول التحميلات اقوى
وعطتني حبوب حديد




تكفووووووووووووووووووووووووووووووووووووووووووووون ردوا

[اول غرام]

اختي قمرين2

الحمد لله على سلامتك ... والف مبروك ماجاك ....يتربون بعزك ....

بانتظار باقي الاكشن ...

[نواعم النعومه]

ياقلبي يا ماء الزير يقول بنصبر عليك اسبوعين ثم نولدك اذا ما جد جديد وتعبت
الله يسر ويسهل
بنات بغيب عنكم فترة من زود الحظ جالسه انقل من بيت لبيت وعارفين حوسه النقل عاد ها الايام بروح عند اهلي اذا حصلت فرصه دخلت

استودعكم الله واكيد باذن الله اذا ولدت بخبركم ما انسى وقفاتكم معي والله واحنا نخفف عن بعض

دعوااااااااااااااتكم لي تكفون والله ان نفسيتي داون بس الله يستر يارب

ودعتكم اللي ماتنام عينه سبحانه في امان الله

[ام رضوي القمر]

قمرين الحمد لله ع السلامة وننتظر باقي الاكشن ^ــ*

[اول غرام]

اختي توقيع

اخت زوجي جاها نزيف بالاول وسقطت ...

وبحملها الثاني جاها بعد نزيف ... واعطتها الدكتوره حبوب + ابر تثبيت الحمل

لين الشهر الخامس او السادس تقريبا .. والحمدلله ربي تمم عليها بخير ...

الورده النرجسيه

بالصفحه هذي نزلت الاخت شازل الله يجزاها خير ..اوزان البيبيات الطبيعيه بكل اسبوع طبعن لجنين واحد ... ويقولون ان التوأم يكون حجمه اقل من الجنين الواحد...

http://forum.hwaml.com/t12899-561.html