دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة

[فرموزه]

حبيباتي مارديتوا علي
اذا بتعرفوا د/ جنى بالسلام او د/ فاتن بالمغربي بالشرائع كيف كويسين واش افضل
مابعرف شي بمكه

بإنتظار ردكــــــــــــــــــــــــــــــــم

[caramela]

السلام علييييييييكم ..
والله وحشتوووووووووووني ..*
كيفكم يااحلا مامات في العالم كلو ؟؟ واخبار البنبينو ؟؟ وبزورتكم واهلكم ..
وكل عآآآآم وانتو بخير باقي ايام ويطل عليكم العيد السعيد =)
أميرة الله يبارك فيك يارب وتسلميلي ع الدعوة الحلوه ويااارب وياكي وكل الكروشات ..
جامعية ياعسل سلامة العسوله بنتك والحمدلله مو عنقز وربي يشفيها يارب ..
جوانا ياقلبو انتي اخبارك .. وسامحوني بس انشغلت مره لانو كمان سرت امشي وفرحانه انو دا شهري .. بس باقي مااشتريت سرير نونتي والسوق بجد في رمضان ماينطاق حتى الصباح ع 7 تلاقيه زحمه ..
كوكب ربنا يسعدك وتشوفي نونتك يارب وتفرحي بيه ..
وكل الكروشات من اولكم لآخيركم وحشتوني تئبروني ..

[caramela]

شعشوعه تسأل عنك العافية يااااااارب ..
فرموزه يارب بنات التجمع يفيدوك لاني مابعرف ولا شيء من دكاتره ولا مستشفيات ..

[ثلجه فوشيه]

يآآآآآآآآآآآآآآآهـ على أيام لما أدخل هنا اتذكر كرشتي هههه

باقي اسبوع ونص ويصير عمر عموري 8 شهور يارب يحفظه ..
مين يصدق الأيام مشيت بسررررعه وكأني أمس ولدت !

وحشتوني ياكروشات
الله يسهل عليكم يارب ويقومكم بالسسلامه
ادعوووولي أنا في غررربه ومتضآآآآآآآآآآيقه ,,
الله يعلم كيف عدى رمضان عليا ..
الحمد لله على كل حال
كل ما افتكر ان راح يجي العيد وأنا بعيده عن اهلي ابكي ..

ياحلوات أحنا بالعشر الأواخر
اكثرو من قول ..
اللهم أنك عفو كريم تحب العفو فأعف عنا ..

وكل عام وأنتو بخير وعيد سعيد مقدما ...
اختصرت كل شي بهالكلمتين لأني مدري متى أدخل ما الأقي وقت فاضي ابدا
دعواتكم ..

[نلي خانم]

الله على طلتك ياثلجه والله لك وحشه فوووق ماتتصوري
ربي يعينك على الغربه وبكره الأيام تمضي وتصير غربتك ذكرى وأن شاء الله وقتها تكون معاك الشهاده اللي تتمنيها
الله يرزقك الدرجات العلى بالدنيا والاخره
ولاتتضايقي أبسطي نفسك وزوجك قدر الأمكان ولاتفكري ان العيد جاء وأنتي بغربه خلي تفكيرك ان العيد جاء ومعاك أغلى الناس على قلبك عموري القمر وأذا فكرتي كذا اكيد بتحسي انك مبسوطه

بوووسه كبيره لعموري والعمر كله انشاء الله وعقبال مايكمل 100 سنه

أستودعك الله انتي وعمورك وياربي يسعدك وين ماتكوني
وكل عام وانتي بالـــــــ خير ـــــــــف

[أميرة الوجود]

كراميلا الله يسهل عليك أفضل شئ المشي. انتبهي لا تسوي زيي .مشيت اول التاسع بعدين تكاسلت وصعبت ولادتي لان بنتي كانت فووووووق ما نزلت. المشي الكثير ينزل البيبي تحت فما تحتاجي إلا دفعتين او ثلاث الا وانتي والدة ان شاء الله. ربي يرزقك أسهل ولادة وكل الحوامل ان شاء الله.

ثلجة فوشية ياقلبي الغربة صعبة من جد بس زي ماقالت نلي. أفضل شي عمور معاك .بس معقولة مافي عندك صحبات تعيدي معاهم.قروب تخففوا عن بعض الغربة .وانتي يوم العيد البسي واتشيكي وكلمي اهلك فيديو عشان يشوفوك كأنك معاهم .والله يعينك

[أميرة الوجود]

كروشات شو رأيكم كل وحدة فيكم تقولنا كيف حتكون كشختها أول يوم العيد
يعني نوع البس ولونه وكيف حتسوي شعرها وايش لون الصبغة وزي كذا يعني حركات تفتح النفس

[بنت الشريف]

كيفكم يا كروشات ياحلوات اش الاكل اليرفع نسبت الحديد فى الدم ماحب الابر يوم العيد الناس تعيد وانا اخذ مغذى فى المستشفى

[Queen DadoOo]

السلام عليكم كيفكم وكيف البيبي ان شاء الله بخير؟؟
جامعية الحمدلله انو ماطلع عنقز الله يشفيها من الحساسية ياارب
ثلجة الله يعينك على الغربة انا هنا فمكة وبعيد بعيد عن اهلي وماني حاسة بفرحة العيد زي لما اعيد عندهم
اميرة انا لسا ماجهزت نفسي للعيد بس بنتي جهزتها وبالنسبة للصبغة نفسي اصبغ بس اقول اذا اولد ان شاء الله
بنت الشريف سلامتك اشربي عصير الزبيب الاسود مع التوت او البنجر وكلي فواكة وخضروات وان شاء الله يرتفع

[معنى الغرام]

سلام يااااااااااابنات كيفكم والله لكم وحشه
مع رمضان وتجهيز العيد انشغلت عنك..