تجمع حــوامل التوائم

[(سوسو)]

زود الغلا اخبارك عساك بخير
بما انا نفس تاريخ الولاده من الي بتولد قبل يله نسوي سباق
ومحجبه معانا لأنها سابقتنا بيوم

[عشمانة في ربنا]

صباح الخير يا بنات

[ام رضوي القمر]

السلام عليكم

[ديم الوفا]

مساء الظهر .......

اول غرااام هلا بك ان مسكت مقاليد الحكم بتلاقيني ولدت اللي بالخامس والرابع

واللي اولدت ارجعها مع الشهور الاولى
ماانصح فيني لاني حووووووووووووسه...

ساره الله يسلم عمرك
من سويت عملية الربط مرتاحه نفسيا بس تعبانه من المنطقه الحساسه

احس بنغزاااات وشوي حكه واللي مجنني احس بثقل احيان اسفل بطني
وشوفي الرعب حتى اصلي جالسه

هم يقولون الالتهابات تفتح الربط (الله لا يبلاني) راح اروح المستشفى واشوف

الله يعين واالله صدق ان الحمل وهن على وهن
الثلاثه الشهور الاولى ,,,,,, خايفات مووووت من الاجهاض

الثلاثه الشهور الوسطى,,,,,,, خايفات من الولاده المبكره

الثلاثه الشهور الاخيره,,,,,, خايفات من قل حركه الجنين وابرة رئة وولادة قيصري ومدري ايش


ياررررب تعينا وتكتب اجرنا وتقر اعينا بشوفة اجنتنا بخير
وبكامل صحتهم وعافيتهم..........

[جومانا]

وعليكم السلاااام
بناااات الم الظهر لا يحتمل وبطني واصل لصدري
وكاتم علي واحسه ضاغط عليا من جوا واخاف اولد الحين وانا مااخذت ابرة الرئة
محتارة اروح اطلبها ولا مايحتاج

[اول غرام]

ديم الوفا

اجل تسلميها .... ووصليني للشهر الثامن ...

بناااااات ... الله يعينكم يارب ... خصوصا الي عندها عيال وحوسه ومدارس و بيت ووووو الخ

بصراحه رحمتكم و صبرت نفسي ع اللي انا فيه ...

انا كل ماحسيت بتعب تدلعت على زوجي ورحت لاهلي يساعدوني امي وخواتي على ولدي ... تعبت منه عنييييييييد بقوووووه وصغير ... توه مابعد تعلم ع الحمام الله يكرمكم ....

المشكله انه يعرف يدخل الحمام الله يعزكم بس مايبي يعاند...

وماادري وش اسوي معه ...

بنات انتو وش سويتوا مع عيالكم عشان تدربونهم ....

ولادتي مابقى عليها شي كلها 3 او 3 شهور ونص وماراح يكون فيني حيل اغير لثلاثه !!!!!

[شازل]

جومانا ... أنصحك بأخذ إبرة الرئة الأن ، والله أخذتها وإرتحت قبل ولادتي والحمد لله أولادي ما احتاجوا لإحضانات ولا هموم ...

[ام سعود2007]

اختي شازل انتي توامك كيس واحد ومشيمه وحده صح ايش سبب ولاتك القيصريه لاني نفسك الحين انا اخدت اسبوع في التاسع وواحد واسه تحت والثاني فوق وقالوا احتمال طبيعي واحتمال قيصري بيحددون الاسبواع الجاي

[جومانا]

مشكووورة شازل على الرد والله يحفظ لك اولادك
كيف اولادك متشابهين

[شازل]

محجبة أكتب لك قصة ولادتي ولله الحمد ما كان فيها إكشن ...
كان يا مكان كانت فيه شازل حامل في زمن من الأزمان ... كانت قلقة جدا من حملها وخاصة بعد أن عرفت بإن حملها توأمي ... لم تتوحم كما كنت صويحباتها يتوحم فقلقت على أجنتها ... لم تتألم ألم شديد في ظهرها فقلقت أيضا على حملها ... عاشت في حملها رعب لا يصدق ... فقد أثر حملها على حالتها النفسية أكثر من الجسدية ... كانت منقطعة عن الأهل والجيران - عاد تراه منحينها ما تطلع - الزبدة ...
في الاسبوع 36 بديت أحس بألم في ظهري وبطني زي ألم الدور ، وكذلك بدت تنزل علي إفرازات بس طنشت لإني كنت أنتظر وصول زوجي عندي لإنه أخذ إجازة في 12 قلت ما ني ولادة إلا لجاء زوجي ، وبعد 4 أيام من التعب بس ما بينت لإحد من اللي حولي بلألام والتعب ، لكن في يوم الإربعاء 5-11-1431هـ بدء يزيد الألم من الليل وفي الصباح كنت أدخل كل شوي دورت المياه ، الصبح ولمت ولدي وكزيته - يعني خليته يروح - للمدرسة ... والألم يزيد الساعة 10 أفطرت مع أمي مع بزارين خواتي المدرسات كنت أفطرهم ... وكل شوي على دورة المياه ... الساعة 11 قلت لأمي الألم زاد ، إتصلي على أخوي - محاضر في الجامعة - يجي ياخذنا أراجع في عيادات المستقبل ، جاء الساعة 11 ونصف ، لكن الألم أصبح كل خمس دقائق فقلت نروح لطواري الولادة أفضل ... وبالطريق زاد الألم على بعد دقيقتين يوم وصلنا الطواري أخوي نادى للعربة ثم على طول دخلت وجو يكشفون ... قالت الرحم مفتوح 6س ... وعلطول دخلوني العمليات وصلت لمهم الساعة 12 وأربع دقايق ... وولدت الأول بعد 6 دقائق والثاني بعد 8دقائق بينهم فرق دقيقتين ... عطوني الكمامة فعلى طول تخدرت ونمت وأنا اسمع الأذان وكنت أدعي لكم ... وصحيت من البنج في الساعة 1ونصف ورفعت راسي وشفت الممرضة فسألتها عن عيالي فقالت ليشوفيهم وكان بنفس الغرفة بس بعيدين شوي ... كانت أوزانهم كيلو و800 غرام لكنهم كانوا يتمتعون بصحة جيدة ولله الحمد وطلعت من المستشفى يوم السبت الظهر ... هالحين عيالي بكرى يتمون شهرين ... وحملت وزملت وركبت حمارة وشنقلت ... خلصت السبحانية ...