[ تجمع الحوامل اللي موعد ولادتهم في ذي الحجة 1433 ه ]

[أفلاطونة]

قرأت حركة عجبتني ونسيت فين يمكن في دا الموضوع .. كل وحده نهاية ردها تكتب استغفار تسبيح حمد شكر ..

حتى يكون تجمعنا فيه ذكر الله .. ويكون تجمع ع الخير يارب ...

مثلا ..

لا إله إلا أنت سبحانك ربي إني كنت من الظالمين .

[نبض التحدي]

عندي ارتجاع فظيع مع اني ماكثرت فطور
كيفكم مع الصيام انا صمت قبل رمضان كم يوم فما حسيت بالتعب الحمد لله

[بسومـ_مكة_ـة]

مساء الخير

حتى انا يا نبض التحدي معايا ارتجاع و ما اكلت كثير

و عيوني محمرة مدري ايش فيا

ان شاء الله خير

[لوتس1111]

أهنن حبابات كيفكمـ

والله بنات انا من كم يوم ماعاد اقدر انوم براحه او اقوم بنص نومي من جنبي يعورني مره خاصه اليمين احيانا ماارتاح لين احط ثلج يااارب يعين هذا وانا توي مادخلت السابع =$

اما الصيام بالنسبه لي رجعت قيلت الساعه 1ونص تقريبا لاني مانمت الا بعد الاشراق وصحيت العصر بس مرررهـ مرررهـ استغربت حالي هو الحمدالله بالنهار اوب تعب قد ماهو عطش بس بعد الفطور يابنات شيء شيء فظيع معدتي مغصتني بشكل وشوي جاني احساس ابي ارجع تعبت حيل وربي بغيت ابكي ماتحركت من السرير لين 9 وقمت توضيت وصليت والحمدالله شوي شوي خفيت والحين احسن مع اني وربي ماكثرت فطور لانو عارفه المعدهـ تتعب وتتفاجا بس مدري وش جاني يااارب يعين لو كل يوم كذا
بس قررت ماراح اكل الا تمر ومويه وحبة لقيمات واذا اذا موجود السمبوسه اللي احبها اكلتها بدل اللقيمات وبعد مااصلي المغرب راح اكل زبادي خفيف ومغذي لما اصلي التراويح ابدى اكل ع خفيف وان شاءالله يارب يفيد مع اني مااحب الزبادي بس بحاول لاني احسو افضل شي~
انتو بنات شرايكم كذا كويس , ومن صار لها مثلي ؟

امممـ زوجي مستلم بكرا ماراح يفطر هنا وقام يتدلع صلحي لي وصلحي لي ههههـ بس ياحبي له كلها اشياء سهله وحلوهـ يبي التوست احشيه بحشوات مختلفه والفه رول واحط اطرافه جبن سائل وزعتر او جزر عاد قلت له بكره بحشيها تونه بخضار اسهل شي وعاد الشوربه واللقيمات الله يخلي خالتي وعاد اشوف وش احط له بعد ويمكن اروح افطر عند اهلي يوديني قبل مايروح دوامه واخلي امي تزيد له

الحمدالله اللي بلغنا رمضان واحلى شي ماتقطع علينا الكريهه وتخرب النفسيه والجو ومانقرا قران ولا شي فكككه<<تكرهها

انتهيت << مابغيتي

وانتو يومياتكم بنات يالله

[لوتس1111]

نبض

- وربي حتى انا صمت قبل رمضان بفتررهـ, يوم واحد بس ماحسيت مثل كذا مدري ليه

- عجبتني اللي بايكيا بروح اااشوفها عالطبيعه


نووووووور منوره
وينك ياااادبه تقولين هاجدين وانتي اول وحده مختفيه ,انا بعد كلامك قلت شكلي بلقى نور دايم هنا عشان اذا بغيت شي او طرى شي فجاه اسالها ع طول بس شكل زوجك قلب عليك لابيت اهله ولا اهلك اطبخي وافطري في بيتك <<< يااارب<< ترى تمزح اوب من قلبها

[نور منوره]

لوتس 111
ربي يسعدك ويخلي لك بؤ الشباب

وحالتنا تقريبا مقاربه

انا رجولي تعبتني حيييل
وغير العطش
ويوم افطرت بطني ذبحني


يارب ياجرنا يارب


ودي اجتهد بالعبادات بس احس بثقل وتعب وخمول
وبس منسدحه يارب تعينناا

[لوتس1111]

ههههههـ رديتي بسرعه او شكلك موجودهـ من قبل

[أم ضحى]

مبروك عليكم الشهر الفضيل اخواتي

[عروسه اموت على البيبي]

أنا يابنات ببيت أهلي وصراحة مرتاحه الحمدلله صلحت ممر نه بشاميل علشان زوجي مايحب المكرونه ولا يدخلها البيت علشان كذا مشتهيتها حيل أنا من فطرت انسدحت ولا قدرت اقوم الا الساعه 11الليل حسيت بتعب غريب بس بقول لكم حاجه انا مشتااااااااااااااااااااااقه لزوجي حيييييييييييييييييييييل فقدته على الفطور

[لوتس1111]

عروسسسه
طيب وينه زوجك خليه يجي يفطرمعكم ولا روحي له ياسحبه اول يوم ماتفطرون سوى

ريفان
ياحياتي عليك طيب ريحي افطري عند اهلك ولا اهل زوجك او خليه يصلحون الاشياء الاساسيه مثل اللقيمات والشوربه وخذيه منهم وانتي سوي اللي تقدرين عليه,حامل واكيد بيقدرون لا وياحياتي فقر دم معاك انتبهي والله لصحتك وصحة البيبي وتوكلي ع الله ودايم ادعي ربي يسهل عليك ويقويك ويكون معااااك
ويااااارب يهون علينا جميعا