تجمع الحوامل اللي ولادتهم في صفر 1434هِ

umbaha · 01-06-2013, 07:36 AM

عزيزتى ماما نوف اللة يفرج همك ويطمن باللك مثل ماطمنتينى ولك دعوه من داخل غرفة الولادة باذن اللة
وجميع الحوامل والمحرومين يارب

اا ام وليد اا · 01-06-2013, 09:58 AM

الف مبروووووووووووووووووك اللي ولدوا

عقبالي وعقبال الصامدات يارب

مازلت صامده زينب دعواتك لنا بالولاده

بكره عندي تخطيط يارب اولد اليوم قبل بكره

شهاليل خنتيني الف مبروك عقبالي يارب

يارحيم · 01-06-2013, 10:58 AM

كتبت رد طويل وراح اول مرة اجرب هالشعور يقهرررررر

اول شي تشكرت منكم كلكم على كلامكم الحلو المواسي وبدون ذكر اسماء عشان ما انسا احد وانا قريت كل كلمة وكل حرف كتبتوه لي وكلها هدتني وريحتني والله العظيم انكم زي الاخوات.. هونتو علي الموقف وانا بكرية وفي غربه وماعندي احد.. الله يجعلها في ميزان حسناتكم.. وحبيت اخص بالذكر اختي هوادي قولي امين الله يريح قلبك ويطمنك زي ماريحتي قلبي وطمنتيني بنام وبالي مرتاح ومو خايفه من العمليه..

اليوم اخر يوم وبغيت اقضي وقتي بدل ما اقعد بالبيت افكر طول الوقت.. وبما اني مو محتاجه سوق ولا شي قلت بحسس نفسي اني عروس ههههه رحت الصالون قصيت شعري وسشورته وعملت بدكير لاظافري وبعد شلت وجهي بالفتله.. زوجي يضحك علي يقول حسستيني انك معزومة على زواج مب رايحه ولادة ههههههه.. ومثل ما قالت لي هوادي خذيت مكياجي معي ههههههه

الحين الساعه حوالي ال 12 بالليل المفروض اني اصوم باكل لي شي خفيف وبشرب مويه وان شاء الله اقدر انام مع اني اشك اني انام بدري اعرف نفسي والهواجيس!! زوجي نزل الاغراض من شوي وحطها بالسيارة وان شاء الله جاهزين.. بنصحى الصبح بدري باخذ لي شور سريع وزوجي اكيد بيفطر وبننطلق للمستشفى.. الله يسهل امري وامركم ولنا لقاء قريب بعد ما اشوف حبيب قلبي لاول مرة بكرا..ابد ابد مو مستوعبه اني بكرا بشيله بيديني وبصير ام!! دايم اشوفه بالاتراساوند بس مو مستوعبه انه طفل حقيقي بيكون بين يديني بكرا.. الله ينولني بالعافيه يارب..

مهرة · 01-06-2013, 12:31 PM

مساءالخير الله يهونها ع الصامدات ويفرجها عليكم
الف مبروك للي ولدوا

مهرة · 01-06-2013, 12:35 PM

يارحيم الله يقر عينك فيه وتقومي بسلامه

شوووق نتظرك وليش جود مو الجوري ممممم الجوري احلا

شوق جدة · 01-06-2013, 01:16 PM

صباح الخير كروشات....
كيفكم اليوم؟؟؟
ومشكورات كروشات اللي باركولي......الله يسلمكم يارب....وعقبال البقية.
والحين نبدأ..بسم الله...
يوم الثلاثاء ذاكرين لماقلت اني رحت المستشفى وقالت لي الدكتورة الرحم انفتح 1سم..المهم نمت ومن صحيت يوم الاربعاء وفيني الم نفس ال الولادة يجي بفترات متباعدة..المهم نويت العصر اني انزل امشي وان زاد اروح المستشفى اشوف الرحم انتفتح زيادة والا لا؟؟
المهم نزلت من البيت العصر ومعاي اهلي كلهم رايحين نغير جو..ونلف بالمولات..اول شي قلت اروح المستشفى اول وبعدها نتمشى..تخيلوا رحت المستشفى وانا ممغوصة والالم كل مايزيد..وجالسة عند العيادات بدل مااروح الطوارئ..والدكتورة عندها ولادة..واختكم في الله تتمغص وجالسة مع المراجعين ساعتين..وبعدها طفشت قلت قوموا بطلت..وجلسنا نلف بالسيارة وانا على نفس الالم ساعة وبعدها قلت للوالد يوديني مستشفى ثانية..المهم دخلت الطوارئ هالمرة واهلي يقولوا للممرضة ولادة وانا اقول لا؟؟جابوا الكرسي بيحطوني عليه وانا صامدة ابي امشي برجلي..تضاربنا وجلسوني...ودخلوني غرفة الولادة.وانا زعلانة اقول لامي فشلة تحطوني بالكرسي وماتطلع ولادة..كشفت علي الدكتورة وكانت الصاعقة الرحم مفتوح7سم..وعلى طول سحبت السدادة معها..ونزلت الموية وبدأ الاكشن..بالبداية كنت مؤدبة وبلاصوت..حطوا جهاز تخطيط القلب للبيبي..وكان الطلق بارد..3ساعات وماتغير شي..وصل الرحم 8سم ووقف..والدكتورة مرعوبة كل شوي تكشف..اكثر من10مرات كشفت من تحت..وبالآخر قالت يابنت الحلال البنت موبالحوض مرة راسها مايل وموقادرة احطه بمكانه..
تخيلوا لما تشوف فيني طلق تدخل يدها وتمسك راس البنوته بيدها تحركه عشان ترجعه بالحوض..وقتها صوتي وصل لكل المستشفى..وكل شوي تعيد نفس الحركة لين خلاص مابقى فيني حيل..صرت ارجف وابكي..وبالآخر..قالت البنت نبضها صار ضعيف وبتموت اذا مالحقناها..والحين تبين او لا..الموضوع موبيدك..خلاص قيصري......
هي قالت قيصري من هنا وانا المغصة فيني زادت..اقولها ابي بنج كامل قالت لا موضعي..خطر الكامل...المهم جهزوني للعملية وخرجوني من غرفة الوضع للعمليات وانا مستسلمة للأمر الواقع..اطالع بأهلي واطلبهم يدعولي....دخلوني.....والدكتورة تحط البنج الموضعي بظهري..وانا فيني الطلق..شوي وصارت شوق بخبر كان..
ماحسيت الا وانا بالغرفة على السرير.......والالم الله لايوريكم......للحين احس ظهري كنه مكسور..لونمت على السرير مااقدر اقوم..لازم احد يقيمني..ومكان الخياطة نار..احس كن احد ماسك سكين ويقطع فيه....بس كله يهون عند الفصعونة اللي طلعت عيني..
قلت لزوجي جوري..قال لا.....ابيها جود..قلنا خلاص جود......
المهم انها بخير......
اقولكم شي بس لاتضحكوا علي.......لليوم مااعرف اتعامل معها انا بس ارضع..
والباقي لامي واختي..لدرجة انها لما تسمع صوت اختي تتكلم توقف رضاعة..
صرت الحين لما ارضعها اطرد اختي بره الغرفة........
المهم الله يسهل للباقيات.......والله لايوريكم الله شفته.....
والله شفت امي وجداتي كلهم قدامي بفساتين الزفاف.......

ال ماما نوف · 01-06-2013, 02:27 PM

الف مبروك r4m والحمدلله على سلامة الصغنون

ال ماما نوف · 01-06-2013, 02:28 PM

ام بها الله يجزاك خير حبيبتي ويزقنا الولاده السهله المريحه

ال ماما نوف · 01-06-2013, 02:31 PM

شوق زعلت عليك توقعت طبيعي ياحبيبتي تعبوك على الفاضي لو عمليه من البدايه كان ماتيهذلتي اهم شي العافيه الحمدلله ماخسر اله عليك وقر عينك بشوفت بنتك الف مبروك مره ثانيه والحمدلله على السلامه

.شوش. · 01-06-2013, 04:26 PM

الف مبروك r4m
الله يخلي لك نمورتك و يقومك بالسلامه ياعمري

يارحييييم مره متحمسه معاااااك ❤

شوق اكشنك يبكي :((
احس كأني انا اللي اولد لدرجة بطني مغصني
الله يقومك بالسلامه وتصيرين انتي المسيطره ع الوضع و متكفله في جود بجميع النواحي ❤

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
.·¤ تجمع الحوامل اللي ولادتهم في محرم¤·.	ام اسكندر	إستفسارات مرحلة الولادة	23225	12-20-2012 07:27 PM
[ تجمع الحوامل اللي موعد ولادتهم في ذي الحجة 1433 ه ]	دلوعة وطيوبة	إستفسارات مرحلة الولادة	2858	11-18-2012 11:34 AM
● [ تجمع الحوامل اللي موعد ولادتهم في ذي القعدة 1433 ه ] ●	~ L o l a	إستفسارات مرحلة الولادة	2656	10-16-2012 02:07 PM
تجمع الحوامل اللي ولادتهم بشهر ذو الحجة 1432.. الله يتمم علينا	ماما زوزو	إستفسارات مرحلة الولادة	10	02-03-2011 05:38 PM