هنا تجمع حوامل الشهر (السابع والثامن والتاسع)

[اقصوصه]

سكره : هلا حبيبتي ، انا بخير يسرج حالي اخبارك انتي واخبار الحمل معاج عساج بخير؟

ام الغلاه : هلا حبيبتي صباح النور والسرور :)

دودي : وانتي شو سويتي غدا اليوم؟

ام ياسمين : هلا الغايله ، بخير الحمدلله ، شحالج انتي عساج بخير ؟

[أم ياسمين]

تمام اقصوصه الحمدالله قاعده اتابع برنامج بنات و بس صارلهم حلقتين يتكلمون عن فندق اتلانتس ابي اسألج حق الاماراتيين سعر خاص والا نفس اسعار الاجانب؟

[اقصوصه]

على حد علمي نفس الاسعار ما تفرق

انا يالسه اذاكر لولدي :(

[أم ياسمين]

الله يعينج على التدريس انا بحاول ابدي من الحين ادرس بنتي بس المشكله ان بنتي حساسه وايد و ما تتقبل ان اقولها هذا غلط

[اقصوصه]

عيل انا شو اقول ، من ابدى اذاكر لولدي لين اخلص وانا تقولين يالسه اخوض حرب البسوس، صراخ وضرب وتهديد وترغيب وكل ما يخطر فبالج!!

[أم ياسمين]

المشكله ان انا عصبيه بس احاول كثر ما اقدر ان ما اعصب اول ما اشوف نفسي عصبت اقومها

[اقصوصه]

اممممم لو انيت عصبيه عيل انا شو اقول ، انا طبيعتي عصبيه من ضغري وين عاد الحين وانا في التاسع، الوضع نااااار

[أم ياسمين]

بس ديري بالج العصبيه مو زينه للحمل

[اقصوصه]

هيه انا ادري تراني مجربه اثار العصبيه السيئه علي :(

[أم ياسمين]

امس كنت متجمعه مع عماتي الكل قعد يسالني انتي لي الحين ما ولدتي شكلج خلاص بس اموصله