تجمع حوامل الأشهر الأخيره(السابع,الثامن,التاسع)

[hana kh]

ابي اسالكم عادي استخدم خلطة بياض الثلج اللي يسموها خلطة كركم الجسم وانا حامل والا يضر ؟؟ لان زوجي بيجي من السفر على اخر شهر وحابه اكون باقل اعراض للحمل لاني سمررت كثيرررر من الحمل !!!!
للعلم انا بنص الثامن

[حلم السنين !]

الله يعينك ويعيننا آجمعين ..
انا حآلتي حآلة عآد تخيلي دمي نزل 8 :( وكله آحس بتعب ودوخة ..
وزوآج آختي بقى عليه اسبوعين .. وكليه وإختبآرت وربي حووسة :(

[hana kh]

ممممثلي زواج اختي بعد ثلاث اسابيع ضاقت فيهم يحجزون وانا في نص التاسع لا افرح ولا اشارك
بس هذا مو باقيلي المهم الرجال له 6 شهور غايب ومابيجي الا في اخر شهر حمل ومحيوسه وش اسوي لنفسي خايفه من الاضرار ابي استخدم خلطات

[حلم حقيقي]

هههههههههههههه
الله يعين وربي صادقه حتى انا دمي مرة نازل وقالتلي عوضي باكل التمر
حتى انا سوااد مو طبيعي وخاصه رقبتي
ربي يعيين بعد شوي بسوي ماسك الطحينه

[..ام بدر..]

بنات والله الدم كان عندي مثلكم نازل ل8وبعد ما استمريت على الزبيب الاسود لمدة اسبوعين ومو يوميا يعني يمكن اخذتها12يوم والله يابنات ارتفع الدم عندي كثير ولله الحمد لمن عدت التحليل ماصدقت حبيت انصحكم واقولكم تجربتي ولاتتركونها وتندمون شي سهل

نقعي الزبيب الاسود بالليل واذا صحيتي حطيه بالخلاط واشربيه طعمه لذييذ ومفيد كثير

بالنسبه للي تقول بتسوي خلطات انصحك لوجة الله تبتعدين عنها وزوجك يعرف الحمل ومشاكله...بس في الصيدليات كريمات الكلف للحامل هذا الي استخدميه غير كذا لا

[حلم السنين !]

يؤ شكله فيكم بنـآت هههههه
اللي تسمر كثير يقولون بنت بس تدرون كلام ماخوذ خيرة كل شئ على الله ..

انا أقول خلكم ع طبيعتكم وهذ1 الحمل وهذ1 فعايله لآ تأذون نفسكم
بعد هذ1 الشئ مو منكم او هاملينه .. هذ1 مايجنيه الحمل فينا ههههههههه
كلها كم شهر وترتاحون من هذ1 كله ..

حتى انا حلم نصحوني بالتمر - التبولة - الجرجير - عصير الطمام والبرتقال

[الأمبراطوره]

كيفكم كروشاااااات اول مره اشارك بالتجمع معاكم

الظاهر كل الحوامل في الأشهر الأخيره ينزل دمها انا كذلك نزل دمي وصرفت الدكتوره حديد مرتين في اليوم وكالسيوم

واكل يوميا تمر واشرب حليب بأستمرار

والله يسهلها علينا


خلصتوا تجهيزات البيبي ولا باقي

[حلم السنين !]

تسلمين ام بدر ع الافادة ..
يبي لي آجرب وآكل وإن شاء الله خير ..
وبالنسبة للبنات انا نصحتهم بعد لآ يستعجلون ع نفسهم ..
انا تأذيت من كلف الحمل لكن ماراح اعالجه الا اذا ولدت إن شاء الله

الامبراطورة ..
هذ1 احنا نفحط من جهه ونجهز من جهه ..

[hana kh]

كمان بنات انصحكم بعصير الكوكتيل سويه عندك بالبيت او من محلات العصيرات الطازجه مو تجيبي المعلب لا طبيييييعي المراعي والربيع ومدري شنووو لا خذي طبيعي يرررررفع لك الدم باسبوعين ويعطي عافيه والنحيفه يعطيها وزن وخدود مورده عمتي دمها كان 7وحامل بتوام ووجهها موب بس اصفر صار اززرق ياكافي بعيد عنكم وخذته بشهر كل يوم تشرب كوبين صار دمها 13 ماشاء الله

وانا ماجهزت الا شنطة المستشفى بسسسسس كل ماطلب زوجي انزل يقول ماتروحين بدوني حتى انا ابي اشتري لبنتي معك واشاركك والمصيبه بيجي في اخر يوم لي بالتاسع ;(

[حلم السنين !]

hana kh

يؤ متى رآح تجهزين آجل وتقضين ..
الله يعينك اذا كذ1 ع الاقل اشتري جزء او هو خليه يشتري بعض الاغراض اذا يعرف
بالمكان اللي هو فيه ..
واصلا مايمدي اذا كذ1 يعني انتي من تدخلين التاسع توقعي ولادتك بأي لحظة
وان شاء الله تكملين التاسع ويلحق عليك ..

للمعلومية :
يقولون البكر حلو تاخذ التاسع كله كامل .. آحس ماتولد وهي ماخذت منه شئ ..
صحيح تعب استغفر الله لكن متى مالله أمر .. وصبرنا هالشهور اللي رآحت نتحمل هالكم أسبوع ^^