دردشة حوامل دولة الجزائر- تجمع بنات الجزائر

بليدية · 09-14-2011, 09:54 PM

معليش زوجك يخدم فىالليل

تاله 1 · 09-14-2011, 09:57 PM

انا عايشة في أبوظبي
راجلي يخدم غير صباح بصح خطرات يبعثوه بعيد ايا يبات تما

بليدية · 09-14-2011, 10:11 PM

ربي يكون بي عون علاش زوجك جزائري واعيش تمتيك قصدي خدمتووووووووو
ونتي من الجزاير صح
منين فى الجزائر

تاله 1 · 09-14-2011, 10:16 PM

انا قبايلية من تيزي وزو
و راجلي biensur دزيري
كيما يقولو برك الخبزة جابتنا هنايا ههههههههههههه

بليدية · 09-14-2011, 11:04 PM

;ونتي مدري والو قصدي متخدميش
نتي قبيلية خير الناس
وزجك دزيري الله يبارك
انا زوجي قبيلي بين سطيف وبجاية
وانا دزرية

nacèra · 09-15-2011, 02:26 AM

حبيباتي سمحولي من بعد ما فطرت المغرب قعدت نخدم شوية مقروط التمر راجلي يحب بزاف
وغدوة راه جاي
كيما على بالكم بلي راجلي يخدم شهر ويقعد شهر وجي خطرة على خطرة باش يشوفني ويقضيلي

nacèra · 09-15-2011, 02:31 AM

المهم يابليدية ويا تالة واش نقولكم على الوحدة انا من الصحرة وساكنة في الصحرة في بلاد آخرة
بعيدة على مالية وساكنة وحدي كي يروح راجلي للخدمة نقعد وحدي نرقد وناكل وحدي عايشة وحدي هدا واش زايد مقلقني على الاطفال لوكان غير واحد يونسنى ونحيلي على خاطري

nacèra · 09-15-2011, 02:33 AM

تصبحو على خير غدوة انشالله

محبوبة ميمو · 09-15-2011, 01:09 PM

واش راكم يا لبنات...صح فيكم بارح كنتم دايرين رايكم هدهي العشرة ماتعيطوليش صح..بصح تستاهلو كل الخير ..بليدية انا كنت نداوي باش الدورة تتنظم كانت كيما ترشقلها تجي بصح في هدا الفاكونس قالي الطبيب لازم عملية باش نقلعوا الالتساقات تاع بطانة الرحم .وجاتني على المبيض والحمد لله درت العملية بالمنظارفي وهران في لاكنينيك وعيرنا العينة وكت شيئ بخير وعطاني دوا سموه دنازول نشربه من16الى25 ثلاتة خطرات في اليوم والحمد لله راها تجيني في وقتها وقالي على 3شهور ديري الكونترول هدي هي مشكلتي ..علاش ما قالوليش من قبل حتى ظروك بعد عامين زواج.... والله مصونا الطبة

بليدية · 09-15-2011, 04:49 PM

نصير شفتي ولهي غير حتي انا نيقا وحدي فى البيت زوجي يروح يخدم ويجي مع العشياااا نقول فى بالي لوكان عندي غيروليدات يونسوني المهم ربي يجيب الخير...
ميموو عند الحق الطبة تاع هذا الوقت غير يمصو فينا ربي يجبلك الشفاااء والحمد الله كي الدورة ولت مليح ربي يرزقك بي الذرية نتي ونصير وانا وكل منتضر

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجمع بنات النعيريه أو اللي مقيمه فيها	زوزي	إستفسارات حوامل من الشهر السابع إلى الشهر التاسع	4	07-26-2012 07:05 AM
هنا تجمع بنات حائل ورفحاء وحفر الباطن	نجوووله	إستفسارات حوامل من الشهر السابع إلى الشهر التاسع	25	03-25-2011 03:54 PM
تجمع بنات قطر لاطفال الانابيب	أميره بكلمتي"	منتدى أطفال الأنابيب	3	10-06-2010 07:06 PM
تجمع بنات الكويت ؟؟؟ فديتكم وكل البنااااااااات	ام امونه	إستفسارات حوامل من الشهر السابع إلى الشهر التاسع	14	06-16-2010 06:38 PM
::ازياء حواامل::	بنووتهـ كيووتــ	الموضة و الجمال	8	05-17-2010 03:59 AM