دردشة حوامل القطيف- تجمع بنات القطيف

[الهاجس]

المشاركة الأصلية كتبت بواسطة ميرندا فرولا

هلا بنتوتااات اخباركم وش مسوين

وكيف النونات ..
والله تعب رمضان بس الشهر يمر بسرعه
الله يبارك الينا فيه .. ومأجورين بمصاب امير المؤمنين
واثابكم الله

أحلام ام .. تسلمي ع ردك الله يجزاك خير
والله مافي الا انتي عبرتيني كل مره اسأل ماحد يرد
مع ان بعض الحوامل سابقيني بالشهور مفروض يعرفو لسؤال
حتى لو بكريات ,, وقلت مالي الا اسأل الدكتوره بموعد الجاي
بس الله يعطيك العافيه
تصدقي عاد ورطة احس لما يصيح الولد ماتدري وش تسوي
توقفي ولا تقعدي او تمشي والناس كلها تطالع تحسي حجره ع راسك بطيح
بسم الله عليك وع هنوي هههههه
الله يحفظه لك ويحفظ لك بنتك ويتربو بعزكم مع ابوهم ان شاء الله

همووسه بس من سبوع جاني اسهال يومين مره خفت
لما قريت عنه وشفت مايصلح للحامل يجيها سهال
يسبب ولاده مبكره او اجهاض اذا ماتعالج بسرعه
الله يتمم علينا يارب 9 شهور
شوفي انتي اول كثري من شرب الماااي وخلي عنك العصيرات زي التانج
والفيمتو تسبب اسهال يعني شربيهم بعد ماتتعالجي..
و السلطه بعد اتركيها والحليب ,,
واكلي موز واجد و نشويات زي المعجنات و البطاطا المسلوقه و المكرونه
و الشاي بعد يسوي امساك ,, كنت بعد الفطور لما اريح اشرب بيالتين شاي
وكذا خف عني ’ ان شاء الله يخف عنك ولا تهمليه حاولي تعالجيه بسرعه بهالطريقه والله يتمم علينا يارب 9 شهور ونشوف بيبياتنا بالسلامه معافين وياهم ان شاء الله يارب

هاجس ,, الله يسلمك وعليكم بالعافيه عاد كل يومين اسوي كباشي حق 3 ايام صايره وجبة رئيسيه
وناسه احس يسلي يذكرني بأيام لما كنت صغيره
بالنسبه لألم المفاصل دام انتي تشربي حليب وحبوب كالسيوم
ومداومه ع هالشي ,, وتشربي الحديد اهم شي
يمكن من برودة المكيف جاينك برد او املاح كثري شرب ماي
من شهر تقريبا جاني الم باصابيعي وايدي وعروقي احسها بتنفجر
لان تركت حبوب الحديد 3 ايام كانو مخلصين ولما رجعت لهم صرت تمام ,, شوفي انتي الحديد اهم شي ماتاكلي بالوقت قريب منه
اجبان او حليب ,, او تشربي شاي لان كل هالاشياء تبطل مفعوله
اشربي معاه عصير برتقال عشان يتمص بسرعه
هذا اللي في بالي اتمنى اني قدرت اساعدك غناتي
والله يتمم لك 9 شهور و تشوفي النوونو بالسلامه

مشكوره حبيبتي على الرد.. وبالنسبه حق الحديد سالفتي سالفه وياه ..اني اساسا عندي عجز في الحديد يعني جسمي ماينتج حديد يعني لازم استخدمه كل يوم ..واللي استخدمه حبوب حديد صافي يعني مافيه اضافات واجيبه من امريكا..واستخدم حاليا وياه الفيتامينات اللي يكون فيها نسبة حديد عشان تساعد..

ماادري اذا كان من المكيف لو لا !! بس الألم صار له كم يوم مأذيني كني عجوز اذا بغيت اقوم..واليوم حاسه اني ماني قادره اميز هو في العظم والا في العضله من شدته ..
اليوم ان شاء الله موعدي ونشوف الدكتوره ويش بتقول..

والجباتي سويت المقدار كله حق يوم واحد لانه كان لاهلي ..وماشاء الله عجبهم وايد..

الله يعطيش اللي فبالش ويقضي حاجتش ويتمم عليش بخير وعافيه ويرزقش دولاك القماره اللي تفرحي فيهم ياكريم بحق امير المؤمنين..

[الهاجس]

المشاركة الأصلية كتبت بواسطة دلوعة ولد عمها

دعواتكم ألى أختي منومة في المستشفى
فاتح الرحم عندها وهي بعد هاحامل 5شهور ونص


يارب يسر ولاتعسر :(

الله يثبت حملها..ويتمم عليها يارب بخير وعافيه..وان شاء الله خير
بس ويش اللي خلى الرحم ينفتح عندها وهي توها ؟؟!!

طمنينا عليها..ويارب ماعليها الا العافيه بحق امير المؤمنين..

[الهاجس]

المشاركة الأصلية كتبت بواسطة ليلى محمد

سلام كروشات
كيفكم كلكم وحشتووووووني

ام نور علي
تسلمي ياغناتي على السؤال
اني في (مشهد الرضا) ومانسيتكم كلكم
والله يسهل على الجميع

قلدناش الدعاء والزياره ..والله يتقبل
وترجعي بالسلامه ان شاء الله دكتورتنا..

[الهاجس]

الحوامل الجدد..هلا فيكم خوات جدد وان شاء الله تستفيدو من التجمع والله يتمم على الجميع بخير وعافيه..

البنات الباقي حوامل وغير حوامل..مأجورين ونسألكم الدعاء..

والله يفرج عن الجميع ويرزق كل محرومه ويشافي كل مريض يارب بحق كل من له حق عندك يالله..

[nano nono]

ألف شكر يالهاجس على الدعوه ودلوعة الله يتمم على أختش بس عاد تدري هالحركة دايره هالأيام أشوف ناس واجد ينفتح عندهم الرحم في الخامس أوالسادس الله يقومها بالسلامة
أما بالنسبة لأم ريما فإنتي تحسبي من آخر يوم في الدورة أختي حسبو ليها موعد الولادة٤/٤/٢٠١٢ يعني يصادف١٣/٥/١٤٣٣ وأنشاء الله يتمم عليش وعلى أختي وخالتي وكل حامل ويرزقني ويرزق كل وحدة تبغى عيال‎ ‎

[nano nono]

ميراندا فراولة أشكرش على الرد عاد تصدقي أول ماقريت أسمش ضحكت وقلت لو إسمها ميراندا تفاح موأحلى لأن طعمه ألذ

[همس الامومه]

سلام كروشات

دلوعه
الله يتمم الى اختش بحق هاليله

ليلى
لاتنسينا عند الرضا دعواتش لين وصلي لي ركعتين

الباقي كيفكم مع الحمل ؟

ومآجورين ونسآلكم الدعاء

[『~ṂǻŖỵąђْْْ』]

اهلين
شخباركم
مأجورين

صايرة مرة ما أدخل وإدا دخلت اقرا واطلع
طمنوني عنكم
خخخ وحشتكم او لا ههه
على العموم كلكم وحشتوني

وياهلا بالأعضاء الجدد
وربي يثبت حمل الكل
ويرزق كل محرومة بحق امير المؤمنين سلام الله عليه

بسألكم
انا الحين تقريبا صار ليي 8 اسابيع وشوي دخلت الثالث من كم يوم
واخر دورة كانت 11\6\2011 .. 7\7\1432
كيف انا آخر دورة ليي قبل البنوتة اللي سألتكم تحسبوا لها يعني هي بعدي ونفس مدتي
يعني انا حاسبة غلط لو كيف
المهم عاد طلعوا ليي كم اسبوع صار ليي ومتى ولادتي بالهجري لأني طلعتها بس بالميلادي من موقع ومادري صح لو لا

طبعا لو بحسب من يوم التبويض بكون أكمل شهرين عقب بكرا
بس حسبة المستشفى غير

المهم نشف ريقي واني اهدر خخخخ

[ميعاد]

السلام عليكم ورحمة الله .كيف حالكم جميعا مأجورين ومثابين باستشهاد الامير.
ليولة لاتنسينا من الدعاء والله يجيبكم بالسلامة.
دلوعة الله يفرج عن اختش ويتم حملهاو تولد في وقتها.

[مشمر زري]

مأجورين و نسألكم الدعاء