ديوانية البحرين - دردشة حوامل البحرين - البحرينيات

[بنت الأياويد]

آمين يارب ، ولكموووو ام حماني ، اي كلش يومي معتفس اتريق الساعه وحده الظهر واتغدى المغرب شالحاله ههههههههههههههههههههه اي انا امي ماقعدها بس اهيه ترقد وياي اذا تشوف بنتي ماتسكت تقولي بس يبيها ورقدي شوي عشان تقومين لها الصبح ترضعينها واحط يم امي صناعي لها شسوي بعد اعطيها رضعه صناعي بس الحين ساعات اعطيها مرتين صناعي

[أم حماني]

انا سمعت عنها بس ماستعلمتها .. انا طرشت ريلي الحواي قبل لا اولد وخليته اييب لي جم شغله اللي تسهل الولادة تخيلوا انهم ماخلوني استعمل ولا شي .. و ريلي يوم عرف اني مطلعه هالشغلات من النت خذ الاغراض من عندي والله حدي انقهرت بس قريت في ماي زمزم وقعدت اقرى منه و كنت اشرب كل ليله حبة البركة وحليب مع عسل وحاطة لي ورقه فيها كل الادعيه والايااااااات

ام شيخه ماقلتي لي عن تجربتج مع الولادة ... اش رايج مثل ماتوقعتي وقالوا لج او غير؟

[فلونة]

طفلوو انا بعد مدخل شقتي الطوف قديم مال بيت عمي وقاعد يخر علي في الصالة مع ان زوجي حاط عازل فوق الشقة بس الصوب القديم الطوف مافييه من صوب الدري وحاطة سلة النعل عند المدخل وتغرقت وما لي خلق اشيلها من مكانها

بنت الاياوويد جنج ما رديتي علي ،، جم رقم البنية الي سوت الكب كيك ابي اوصي عليها وجم ايزي جم درزن؟؟؟

[طفلي حياتي]

عمرييييييييييي تهبل شيوخ ما شاء الله تبارك الله تضحك وهي نايمه خخخخخخخ

[أم حماني]

انا عودت ولدي على الطبيعي مع الصناعي ... دكتور يوسف اكبر قال لي لازم الياهل يتعود ع الصناعي مع الطبيعي الام ماتعرف شنو ممكن يصير .. قال لي عطيه ثلاث مرات صناعي باليوم بس انا قللت اعطيه بس وحدة وساعات ما اعطيه بعد ... اقول دام اني اجازة بكثر له من الطبيعي

[طفلي حياتي]

فلونه المصيبه المكان اللي يخر صوب الطوف ماقدر اخلي شي الا خلق يمتص الماي والمحروس نايم جان يسوي عمليات انقاذ

[بنت الأياويد]

هلا فلونة مسامحه حبيبتي ماقريت والله انج تبين رقمها ، جوفي انا سويت 3 درازن ماكفى لانهم صغار وزوجي سوه حق شغله سبعين حبه بس خبرج الرياييل مايحبون ياكلون ماكفاهم بعد انتي جوفي على حسب الي بييونج سوي 5 درازن حق المستشفى بس انا كنت مخليته وكمل ماشاء الله ال3 درازن في يومه من كثر الي ياووني في المستشفى، شفتي الرابط الي حطيته انا عشان تعرفين تقولين لها اي نوع ، ام حماني باكتب لج الحين

[بنت الأياويد]

عمرج سالم فديت روحج ، هالصورة ماتدرين شكثر تعبوا عليها بنات اختي على ماصادوا اللقطه مبطلين الكاميرا وينتظرون بوغزيل يضحكها ههههههههههههههههه وعقبال يارب ماتراوونه صور عيالكم واهمه بصحة وعافيه قولوا آمــــــــــيـــــــــن

[طفلي حياتي]

آمـــــــــــــــــــــــــــين يارب العالمين

[بنت الأياويد]

تجربتي في الولادة ، ترى الولادة شي حلو وتحسين انج بطله مسوية انجاز والله ماجذب ولاتسمعون كلام الناس الي يقولون لكم ان الولادة شي يخرع وألم جنج تشوفين الموت ترى الالم تقدرين تتحملينه وخاصة انج بتتحملين ساعة ولا ساعتين ولا انج متحمله هالثقل تسع شهور دايما حطي هالشي في بالج، انتي قريتي ام حماني قصة ولادتي كتبتها اهني في هالصفحات بس مو متذكرة اي صفحة؟