ديوانية البحرين - دردشة حوامل البحرين - البحرينيات

[أم حماني]

عندي وايد صور بالفلاش بس مادري وين قطيتها .. تمينا 3 ساعات بالثلج بس كان احلى وقت بسفرتنا كلها ...

[أحلام أم]

هلا فلونة وروز وأم حماني
مساء الأمطار والجو الحلو علينه وعلى الأبطال إللي في دبيبنه ،روز الله يسمع منش وأخبره عن قصة الحبل إللي كان ملتف علية ،والله يسمع منش فلونة وماأقطعكم أبدا
طلعنه شوي رحت أشتري لليهال جبس ومينو وعصير وكاكاو وأشياء من عند محل مو بعيد على شارع البديع قريب ،من فتحنه باب الصالة تراقصت عظامي ماتوقعت برد جدية ،خوب أني على طول مخيمه في البيت وأني أشتري أقول مادري ليين رحت البيت أسوي ليي مدفأة من حطب هههههه
اللعام 15 \2 سافرنه سوريا وياهو برد هناك ومطر تمشيين في الشوارع وأنفاسش دخااان تطلع وماترجعيين البيت إلا مالش حاجه في ثيابش من المطر وإللي رحمنه وياليهال إنه مكيفات الشقة اللسبلت تصير دفاية عن جد عجييبه هذيك الأياام حسينه بالبرد القارص الله يعودها زوجي كان نفسه يروح بلودان لأنها منطقة ثلجية للتزحلق بس أني وقفت له وأقوله ليش الخساير ماتوقعتها عجييبة مثل مالناس مدحوها لينه

[أم حماني]

والله السفر مع اليهال صعب .. احنا كان معانا عائله اماراتيه وعندها اثنين بنت و ولد والبنت يمكن عمرها 4 سنوات والولد ابو شهور يمكن 7 او 8 شهور .. بس وايد كان برد عليهم يكسرون الخاطر

[فلونة]

ام حمني ترا انا هل يومين يالسة احن علا ريلي ابي اسافر ان جفت صور باستخف زوود والحجي مناحس يقولي عقب الولادة ... رفيجتي تدرس طب في اوكرانيا تقول اول يوم جفنا الثلج واحنا قروب بحريني تخررعنا ونطلع نلعب فيه والناس الي هناك يطالعونهم مستغزبيين تقوب تمينا يومين علا هالحال لين استمرضنا كلنا وقعدوا في السكن اسبووع

عندي استفساريين
اول شي انا هل يومين اروح امشي نص ساعة عقب الصلاة وارجع شقتي ماقدر امشي واقوم اتعب واايد وامشي نفس البطرييق شي طبيعي ذي او لا لانه يصيدني الم تحت بطني

وشي ثاني
ربلي ماخذ حليب يازعم طبيعي حليب بقر ولبن انا فورت الحليب وشربته معليه بس اللبن ما يفورونه اخاف يكون مجرثم شرايكم عادي ينشرب جذي بارد او لا

[فلونة]

احلام ام انا ابي اطلع تحت المطر وخايفة استبرد وامرض خبرج انا احب الادوية وايد وما اوسوووس مولية
ريلي اليوم بيتم في الشغل لي المغرب باقوم اسوي لي غدا سريع لانه لو بانطره باموت يوع

[طفلي حياتي]

السلام عليكم
شخباركم ويلي على المطر اسمع صوته وماشوفه حجره مغصغصه في وسط بيت خخخ لادرايش على برا ولا شي
احلام ام يسلمو ع الدعاء والعين ماتعلى عالحاجب انتين بعد مؤمنه وقاريه وبنت اجاويد ومايحتاج تشكريني على دعاء هذا اقل شي اقدر اسويه لحبيبات قلبي بنات الديوانيه .... ان شاء الله يارب الكل يتبشر باللي فباله يارب
فلونتي شخبارش ان شاء الله تمام ماعليه سوي الطبخه مابقول لش شي بس اذا خربتينها بعلمش الشغل... روزاتي طلعتين مقتل وسوالفش حلوه احمدي ربش وطالعي منالدريشه خخخخخ
ام حماني حلوه اجواء تركيا في كل وقت وخصوصا وقت الثلج الله ان شاء الله نزورها فيوم
روزاتي وينش طولتين الغيبه يلا تعالي
باقي البنات شخباركم ياترى حد منكم ولد لولا خوووووب ماندري عن اخباركم فتوت وحبيبة وايد تغيبون ..... اليوم عندي اشغال شاقه الله المعين الشقه كلها تبغي ترتيب (كلها حجرتين)

[أم حماني]

بالنسبه للمشيه هذا كلش كلش عادي ... يمكن اذا رحتي يقولون لج راس الياهل تحت .. وياما بتحسين ثقل تحت وعوار وهذا طبيعي .. اما عن اللبن والحليب ماعندي خبره بهالامور

[طفلي حياتي]

الحمدلله رب العالمين عندنا الحوش وسط البيت صح صغير بس اشوف المطر فيه خخخخخ لاتفكرون ماشوفه وتحروني

[أم حماني]

هلا وغلا طف طف ... منورة ... ان شاء الله ربي يكتب لنا كلنا سفرات حلوة ... انا زايغ قلبي ع السفر والله

[أحلام أم]

تسلميين حبيبتي طفلي حياتش هذا من طيبة قلبش
أم حماني
السفر مايحلوا إلا ومعاش أولادش لويش تسويين ،مالش قلب تستانسين وهم بعيد عنش تتنغص العيشة بلياهم صدق أولادي الإثنين جننونه بس أكثر جنونهم بس في مشترى الألعاب كل دكان نطوف علية يضربون بريك ويحرنون ،إشتري ليهم إللي يبونه وبيصيرون أعقل الناس هههههه
تصدقيين حملنه ويانه ثلاث شنط ماتنصق من الثياب وغير الفراشات والبرانص لأنه إحنه مانستخدم مفارش الأسرة مال أي فندق أو شقة وغير المعاطف <<حشة حملت البيت كله زكله مسلحيين
عن إذنكم حبيباتي باروح لليهال يو من المدرسة ومغرقيين من المطر