دردشة حوامل أهل الرياض - دردشة بنات الرياض - تجمع حوامل الرياض

[همسه ود]

حبيبه زوجها انتي شايله هم وهو اول مولود لسا تجربه عشان كذا متوتره ودك ماتجازفين بس انصحك نصيحه اخت انتي يمكن تدورين وتحوسين وبالاخير تجيك الولاده تساهيل وتولدين باول مستشفى ع الطريق يعني ماهو شرط المستشفى الى تحجزين عندهم اهم يولدونك عمتى مرتين تحجز مرة بدله ومرة بالتامينات وتجيها الولاده ولايولدها الى الشميسي وتتيسر ولادتها وهي تشيل هم عشان كذا ريحي نفسك وادعي الله انه يسهل الولاده باي مستشفى كانت وان يرزقك بطبيبه كويسه وحنونه وممرضات طيبات اهم شئ ترى الخياطه مهي الشغل الشاغل لان لو كانت الخياطه ماهي كويسه اي طبيبه كويسه تخيطك ع كيفك اهم شئ ان البيبي يكون سليم معافى وولاته سهله ميسره

[$حبيبة زوجي سطومي$]

تسلمين ياهمسه بس دكتورتي اللي اراجع عندها من حملت
قالت لازم على الشهر التاسع تروحين تختارين مستشفى وتفتحين ملف عند دكتوره
عشان كذا ابي افتح واتطمن
هي كانت محولتني على الجامعي وماقبلوني لاني جيتهم متاخره
وقالت روحي للشميسي قلت لو وش مارحت وع يخوف
وقالت امي خلاص بدفع ولادتك بس اختاري المستشفى والحين محتاره بين دله والحمادي
وودي بمدينه الملك فهد بس مايدخلون الزوج
انا مالي احد بعد الله الا هو
هلي مو عندي بالرياض
هلي بالخرج
وانا ابيه يدخل لانه مارفض يوم طلبته وابيه يحس بعد بالتعب
وعساه بعد مايهون ان جاء وقت الجد
الله يعين يااختي ويهون على الجميع

[دلوعة ميمو]

حبيبة زوجها باستفسر لك وارد عليك بس لاتشيلين هم فديتك

[دلوعة ميمو]

شوفي هذا الرابط ان شاء الله يفيدك لين ما اسالك وارجع ارد عليك
http://forum.hwaml.com/t28844.html

[أإأم ع‘ـــزُوـوزُ]

طـيـب يـآـآ أإأخـوآآآت من سمـ‘ع‘ــت ع‘ــن مستشفى الفلآح الخـآص وع‘ــن الدكتوره سـآتيـآ

وكيف تـ‘ع‘ــآملهـآ وكيف وضـ‘ع المستشفى وكيف خيـآطتهـآ الدكتوره لأني بإذن الله بولد بهـآ المستشفى ولآ أإأعرف عنهـآ شي

الله يقوم كل حـآمل بالسلآمه ويقر عينهـآ بطفلهـآ...

أإأفيدوني ....

ردو علي

[أرجوان]

صباح الخير كيفكم فيه احد اساله سوال هنا

[أإأم ع‘ـــزُوـوزُ]

أإأنـآ موجوده إأإسألي غ‘ــلآتي وإن شـآء الله أإأقدر أفيدك

[دلوعة ميمو]

حبيبة زوجها اسمعي سألت قريبة زوجي عن مستشفى دلة مرة ما مدحتة وتقول اذا مرة ما تقدرين تولدين الافي دلة روحي لدكتورة اسمها ممتازة تقول مرة كويسة

ونصحت بالحمادي عند الدكتورة
براتيما هنديه او فتاة نبعه او دعد ولا تروحين ابد لادكتورة اكرام مره مو زينة

اسمعي خالتي تقول ما ادري من الدكتورة اللي ولدتني ما تذكر اسمها
بس عمتي اخذت معها الدكتورة عزة من مركز الشعاع وولدتها بالحمادي تقول خياطتها مرة نضيفة

[$حبيبة زوجي سطومي$]

يابعد عمري يادلوعه
والله ماقصرتي كفيتي ووفيتي
الله يسعدك ويوفقك ويهنيك ويخلي لك زوجك ويسخره لك
ويحقق لك كل ماتتمنين والله يرزقك من غير حساب
ويهون عليك حملك
والله بدعيلك من كل قلبي
واي سؤال او خدمه لايردك الا لسانك
امريني بس
والله بجد تسلمين
طمنتيني الله يطمنك

[chokolatah]

مستشفى الفلاح حليو ماعليه اختي ولدت فيه
بس ترا الدكتورة ساتيا باكستانية غير مسلمة ووقت المراجعه تدخل معك ثلاث
وحده بسرير الكشف وراء الستارة ووحده جالسة تكلم الدكتورة ووحده تنتظر عند الباب
واذا جتها مكالمة عندها ولاده تترك الكل وتروح خخخخخخخخخخ
هذا اللي صار مع كثير اعرفهم شخصيا خخخ