تجمع حوامل ليبيا

[عيون زوجي]

الحمدلله سئلت اعليك الصحه ياام اخلاص
بنتي خدت بردة المده يلي فاتت بس توا كويسه ولله الحمد
وحملي من 3شهور ما مشيت شفت الطبيبه وممكن الاسبوع الجاي نمشي
انتي كيف حال صغيورتك وراجلك

[حبل الوصل]

لاباس على بنتك وعليش ماراجعتى ولاهكى الطب عندهم
صغاري بخير والحمد لله والراجل توة في مصراتة ربي يرده لنا بالسلامة

[ام روفيدة]

المشاركة الأصلية كتبت بواسطة لولى2010

ام رفيده شن بنت ولا ولد انا قالولى بنت وانت من وين وعرفينا عليك سلام

السلام عليكم اختي لولي أني من الزنتان ولكن حاليا في بريطانيا وقالوا لي ولد وإن شاء الله غلى خير والله خايفة هلبة زي ما تعرفي اكيد حتى إنتي خايفة وإلا عادي إن شاء الله ربي يسهل عليك ولادتك وتشوفي بنتك وتقر عينك بيها اللهم امين

[لولى2010]

اهلين ام رفيده حتى انت متغربه زينى ربي يسهل علينا انا ماما جتنى بتحضر ولادتى

[لولى2010]

هنديه انا مجهضه من قبل وانا سالت لانى تعبت واجد فى الحمل لان عندى مشكله فى عنق الرحم فخيفه بعد الولاده نحمل ونقعد انعانى فى مشكلتين بدل وحده العمليه وعنق الرحم وربي يسهل ع الجميع

[ميرنا]

مرحبتين بيكن يا اخواتى سماح و ام رفيدة وانشالله وجهكن خير علينا لى حامل اتجيب بسلامة ولى ما هى حمل تحمل

[ام اسيل]

ميرنا حبيبتي والله شغلتيني عليك وتوا تقرير مفصل عن سبب الغياب لكي اربع ايام اكيد فيه حاجة

[ميرنا]

حبل الوصل ايش اخبارك عديتن للكرانيش انتى وام اسيل وصابرة وايش صار مع الصابرة جابت ولا مازالت

[ام اسيل]

[color="darkslategray"]عرب سبها وحداني ياليل وحداني شن جو الوحدة هههههههههههه والله امس الراجل ما رقدني الا الساعة 3 هههههه


/color]

[ميرنا]

ام اسيل // ايش الاخبار والله ريفت عليكن ولكن جتنى عروس من الخمس راجلها كان مع راجلى فى دار خالته وجية تبى تدهور فى درنة ومعدت الا امس فى العشية وما نحكيلك من الكوجينة والعروس لها شهر وخاطرها تبى تحمل وما طلقت نين علمت جميع الخصيال المعفنة ها بيش تعيش