دردشة بنات فلسطين, دردشة حوامل فلسطين, تجمع بنات فلسطين

بينك روز · 09-16-2012, 12:44 AM

اقتباس:

المشاركة الأصلية كتبت بواسطة غُمُوض أُنثَى

هلا بينك منورة حبيبتي

احنا كويسين والله انتي كيفك وكيف رهوفة

هلا حبيبتي غموض
والله رهوفة تعبتني اليوم
مانامت من الشوب
وقبل شوي نامت وهيها بحضني
خايفة احطها بسريرها تفيق

بينك روز · 09-16-2012, 12:47 AM

عيون المها
حلو الواحد يطور نفسه
انا ناوية ان شاء الله اكمل ماستر
بس رهوفة تكبر شوي

غُمُوض أُنثَى · 09-16-2012, 12:47 AM

اقتباس:

المشاركة الأصلية كتبت بواسطة عيـ‘ـون المهـ‘ـا

ان شاء الله بيجي الوالد بالسلامه و تنبسطي معاه حبيبتي
ما دام هيك خلص لازم تكوني فرحانه هلآ
انا والدي كان بدو يجي عندي بس غير رأيو حاليا لانهم مشغولين بعرس اخوي عئبال ما تفرحي بولادك ان شاء الله راح يتزوج في اكتوبر 10
ئديش الغربه سرئت منا فرحتنا مع اهلناااا
ايه حلو انك تشغلي وئتك حتى لو تاخدي لغه انا درست محاسبه و كنت ادرس لغه انجليزيه بس لما حملت بالتوم تركت الدراسه بدي ارجع ان شاء الله اكمل لاني خلصت المستوى التالت و الرابع بالانجليزي و بدي اكمل
المهم ان شاء الله ربي يحقق مشروع حملك اكيد هاد اهم هدف في حياتك بس كلشي الو وئت محدد بيكون كاتبه ربنااا

يلا حبيبتي الف مبروك لاخوكي لو انك مش والدة جديد كان نزتي حضرتيه الفرح صح ؟؟
اه والله ع قولتك الغربة سرقت منا اوقات حلوووووة وجمعات بتجنن مع الاهل يارب يعوضنا بالاحسن يارب

اه انتي لانك في امريكا بتهمك اللغة الانجليزية كتير
احنا لانه هون الفرنسي متداول حبيت اخد اللغة بس مش مستعجلة براحتي لسا مطولة في تونس هههه

بس انا حاطة الحمل اول الاولويات والله لاني طولت وانا موقفة الحمل خلص بكفي اجازة هههه اشتقت للحمل بس بستنى زيارة بابا اول وبعدها بفكر
اه والله كتير فرحانة لانه بابا جاي هوا كان عاملها مفاجاة يخليلي ياه يارب ربي يجيبو بالسلامة

تسلمي حبيبتي ع اهتمامك

عيـ‘ـون المهـ‘ـا · 09-16-2012, 12:48 AM

هلا بينك مسا النور و الانوااار
نحنا تماااااااااام

غُمُوض أُنثَى · 09-16-2012, 12:51 AM

اقتباس:

المشاركة الأصلية كتبت بواسطة بينك روز

هلا حبيبتي غموض
والله رهوفة تعبتني اليوم
مانامت من الشوب
وقبل شوي نامت وهيها بحضني
خايفة احطها بسريرها تفيق

الله يعينك حبيبتي يلا كرمال الصغار الحلوين الواحد بتعب مش مشكلة
عنجد حر عندكو ؟؟ في تونس بلشت تبرد الدنيا وتمطر يا الله

شكلها متعودة تنام ع حضنك

احساس أنثى · 09-16-2012, 12:54 AM

الصبايا سهرانين وبينك كمان سهرانه
ياحلااااااااااااوه ههههههه

انا اجيت اقلكم تصبحو عخير بدي الحق اناملي ساعه قبل مايضخى زوزو والله الليله الفلتت 3 ساعات يلي نمتهم

لاتستعجلو ع التعب يابنااااااات حيجيكم والله :)

غُمُوض أُنثَى · 09-16-2012, 01:26 AM

الله يعينك احساس هههههه جايينا الدور ياحبيبتي

الحقيلك اكم ساعة قبل ما يصحى

نوم الهنا حبيبتي تصبحي ع خير يارب

مسك السنين · 09-16-2012, 01:33 AM

ببببخ منورة عسسولة وغموض وعيون وجارة واحساس وبينك وام عزمي ولولو ونبض
والماما يلي معنا اهلالا وسهلا فيكي
والصبية يلي حامل من غزة جديد نورتي ربنا يكملك ع خير

بينك ضروري اشتري منو هدا الملف كزا واحد لانه عاجبببببببببببني كتير

مسك السنين · 09-16-2012, 01:41 AM

انا حقول هدا الموضووع لحيفا ممكن تستفيد

ياستي انا تزوجت ب8-6-2011

المهم ب22-2-2012 تم الحمل

طبعا التاخير يلي حصل مو تاخير كل عروسة بتمر بهيك وقت

ياستي زوجي اول ماتزوجنا كان عادي بعد 4 شهور شاف اطفال الروضة يلي قبالنا صار يقلي يلا بدنا متلو ونونة نونة بلشت القصة بدماغه تكبر
صرنا لحد 9 شهور تقريبا
المهم هوا عمل تحاليلو كلششششششي تمام وممتاز

انا سويت تحاليل كلشي تمام بس قالتلي الدكتورة في ضعف خفيف بمبيض من المبايض ودمي ضعيف
كتبت ع كبشة ادوية

المهم انا كنت ماخرة موضوع الحمل كييييييف
انا كنت ببيت اهلي بشتغل كتير وبشيل تقيل
كان ضهري فعلا مفتوووووووح

طبقتو بعجينة وزيت وكاسة ومابعرف شو عند وحدة وقطعت الخوفة
يلي بقول بالطب مافي هالحكي هدا اسمو علاج صيني
وقبل هيك كل امهاتنا وجداتنا كانو يتداو فيه

الشهر يلي طبقت فيه حملت فيييييه

بس بالنسبة الي الحمدلله رحلة الحمل شوي متعبة ولكن الحمدلله بقول ربنا يقر عيني بالبيبي

وفي علاج تاني الزمي الاستغفار والدعاء وربناااااااااا ييسر لكل الصبايا الحمل والولادة والتربية

عيـ‘ـون المهـ‘ـا · 09-16-2012, 01:54 AM

بينك ~ الله يخليلك رهف انا كمان كان ادم نايم في حضني
بعدين روحت نيمتو سبحان الله بنامو اسرع في الحضن
لانهم بعدهم بشعرو حالهم في الرحم فبدهم شي يحتويهم

الله يعينك بالليل بتكوني مع رهف و عندك دواام صباحي
غموض~
الله يبارك في عمرك اانا كنت ناويه انزل احضر عرس اخوي بس صعبه لانو بناتي في المدرسه و ادم لسى صغير ربي و بخاف عليه من ضغط الطياره رغم اني كنت مشتري هدايااااا من مده بس سبحان الله بعدها قررت احمل هههه
احساس ~
و انتي من اهلو انا ما بهكل هم الليل لانو ادم بيرضع و بنام و اذا بدو يغلب زوجي بحملو و بيحكيلي نامي
بس بالنهااار لانو نومو خفيف ,,و اليوم حطم الرقم القياسي لاول مره نام اكتر من ساعتين ما شاء الله حتى زوجي كل ساعه يتصل اه كيف ادم احكيلو نايم ههه لانو صار روتين اتصل فيه ادم مغلبني و يطلع من شغلو و يحملو عني شوي
الله يهديهم دائما على طول و ما يغلبوناااااااااااا

مسـك السنين ْ~
هلا النور نورك حبيبتي ..

اشوفكم في وقت تاني

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	15243	06-15-2013 02:43 AM
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	32704	01-02-2012 10:16 PM
دردشة حوامل اهل فلسطين الغاليات ^_^	* ام لؤي *	إستفسارات حوامل من الشهر السابع إلى الشهر التاسع	2433	01-02-2012 09:14 PM
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
بنات فلسطين الغاليه..كيف تعيشون؟؟	دلع	منتدى الحياة الأسرية والزوجية	18	07-17-2010 05:18 AM