دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة

Joana · 07-26-2011, 08:41 PM

مساء الخير لكل الغاليين........

شعاع الله يكتبلنا الخير كلنا يا قلبي...و عقبال ما نبارك لبعض...

مبروك غلا الجنوب....من مواليد السعاده....بس كتبتي قصة ولادتك؟؟؟في الانتظار

كوين كلنا في الهوا سوا.....و عن الخياطه التجميله....الدكتوره ميمونه في الرفيع

خياطتها ممتازه جربتها في الولاده الثانيه....يقولوا تشبه خياطة صلاح....بس ما عجبني

اسلوبها....و لا طريقة نظام المستشفى....امشي على الاستخاره و شوفي صلاح...الكل

يمدحه.....و على ضمانة وفقني.....ههههههههه....زوجي مو مقتنع اروح عند دكتور...

وما زالت المحاولات معاه مستمره...وعلى الخوف....هذا الحمل الثالث....وخاااايفه....

حتى اني ناويه على الابره.....استخرت فيها,,,,,و اللي جربت مو زي اللي ما جربت الولاده..

وفقني ياقلبي....انا من اول مقرره على التونسي....بس اسمع الناس يقولوا

جربي النور....او حتى حراء...الله يعيننا بس.....و اسم زهره حلو....كفايه

انها حتنور و تعطر بيتكم بوجودها الله يحفظها.......

سكره ذايبه......جاري القراءه.....

Joana · 07-26-2011, 09:15 PM

بالنسبه للنور كثير مدحوه مو زي اول احسن....انه تعاملهم سلس من ناحية الموظفين...هذا اللي
سمعته...

و الطاقم الطبي كمان....ويستقبلوا ولاده طواريء حتى لو ما تابعتي عندهم....مو زي حراء

و يصبروا على الوحده.... بس ما ادري عنهم من ناحية الخياطه....و الغرف الخاصه...

والنظافه....الله اعلم ؟؟؟؟؟ حتى الواحد يخاف ما يلقي سرير...خاصة اذا كان في ضغط

على المستشفى.......و التونسي....الموظفين هناك كثير ما مدحوهم...يعقدو...

خصوصا اللي عند الاستقبال....حتى الحضانه....مو قد كذا....هذا اللي سمعته

...اخت زوجي ولدت عندهم قبل 3 سنوات....تقول للسسترت ساعدوني اقوم الحمام ...

تقولها الممرضه.....و( هي تحط كريم على يدها).....انتي شيلي نفسك....وما يجون لما تطلبيهم بسرعه....

طيب ايش الفايده ادفع فلوس و ما الاقي رعايه او خدمه او حتى اهتمام....حتى

لو كنت بروح لأحسن الدكاتره......اللي احتمال ما يكون موجود ساعتها....و ما يولدني...

الحمدلله مافي شي مكتمل من جميع النواحي...عشان كذا الواحد يحتار.....فين يروح

اللي محتاره مثلي....تستخير...و الله يوجهلنا الخير ...فين ما كانت ولادتنا...

Joana · 07-26-2011, 09:17 PM

شكلي لوحدي هنا..............................

Joana · 07-26-2011, 09:18 PM

الله يبلغنا رمضان.............ويعيننا على صيامه و قيامه.....

Joana · 07-26-2011, 09:19 PM

استغفرالله الذي لا إله إلا هو الحي القيوم و اتوب إليه....

Queen DadoOo · 07-26-2011, 10:25 PM

4يو الدكتورة قالتلي ان شاء الله ولد
جوانا اذا ميمونة كويسة في الخياطة حلو واذا جات على اسلوبها عادي
اما صلاح زوجي رافض رفضآآ بااااتا اني اولد عند رجال هو المراجعات قلت اروح محمد خان مارضي كيف عاد الولادة
بس بسألك في في الرفيع بنج ومهدئات وبكم الولادة عندهم وكيف طريقة نظام المستشفى

فليك · 07-27-2011, 02:05 AM

يسعد صباحكم يا قماري

مستشفى النور - زميلتي ولدت فيه من سنتين و ما خيطوها مرا انقهرت و دحين ع ولادتها مو حابه تولد فيه

و مستشفى الرفيع - زميلتي لسه من شهرين ولدت فيه نزل الجنين ع سرير الطلق و انقطع الحبل السري و صارت المشيمه جوا لحالها بعد ما عطوها طلق بسيط عشان تنزل المشيمه
تقولهم تعلوا خلاص رح ينزل الجنين و لا احد يرد عليها

من جد الله يعين
جوانا : انا مثلك هدا حملي الثالث و مرا خايفه :(
الله يكتب اللي فيه الخير يارب

فليك · 07-27-2011, 02:08 AM

اقتباس:

المشاركة الأصلية كتبت بواسطة غلا الجنوب

السلام عليكم كيفكم صبايا بااااااااااركولي ولدت وجاء احلى إياد يوم 8/8 وربي وناااااااااااااسه مومصدقه هم وراااااااااااح وعقبااااالكم يارب بولاده ميسره

الف الحمدلله ع سلامتك و سلامة مولودك
تفرحوا فيه يااااااارب

فليك · 07-27-2011, 02:10 AM

اقتباس:

المشاركة الأصلية كتبت بواسطة وفقني يارب

هلا وغلا كوين الحمدالله بخير كلنا
للاسف سماها زوجي على امه زهره

ماشالله عاااشت الاسامي ربي يسعدها
انا كدا برضو سماها ع اسم امه ( حنان ) بس خلاص دحين عمرها 4 و نص تعودت ع اسمها

Joana · 07-27-2011, 02:31 AM

كوين ...ولدت ولادتي الثانيه في الرفيع....قبل سنتين تقريبا....

رحت اراجع عندها لما دخلت التاسع....كانت حبوبه في اول مره اشوفها....

بس بعدين حسيتها ما تعطي وجه.....وكمان الكشف عندها مافي تنظيم....احيانا

تجي اللي بعدك...و انتي لسه على سرير الكشف....مرره مافي نظام......وفي الولاده....

نظام مناوبه 12 ساعه ....يعني الموجوده تولدك.....بينها و بين ميرفت...ماادري

اذا في احد جديد ذحين....وانا على الحظ ولدتني ميمونه ...(دوامها مساء)...

اول ما يقولولك ولاده...يدخلوك قسم الولاده...ممنوع رجال...(كان مسموح اول)...

في غرفتين ولاده او ثلاثه انتظارماني متذكره....قبالها الكشك....يعني تسمعي صياح اللي تولد... مستغربه ما شفت

الا كشك واحد....قلت فرضا جات كم ولاده في وقت واحد.....او اذا صار ضغط عندهم؟؟...

الكمام يعطوه الوحده فقط في الكشك.... مو وقت الطلق..يعني خلاص لما يفتح الرحم 10سم...

بعد خروج الطفل...(و قت الطلق الله يعين)...و الشي اللي ما عجبني انهم ربطوا رجولي...

و الكمام تدوخ بعد خروج المولود....وقت الخياطه ....هلوسه ما تحسي بشي....انا بعد

ما فقت من الهلوسه...قالتلي الممرضه....الدكتوره زبطتلك كل شي...لا تشيلي هم...الا هي

ما شفت وجهها بعد الولاده...

و الممرضات الصراحه عسل....تعاملهم حلو...خصوصا المصريات....وما خلوني اشوف

بنتي الا بعد فتره.....(يبغوا يستفيدوا عشان فلوس الحضانه)....وكلفتني الولاده...مع الغرفه

و الحضانه....تقريبا خمسه الالاف وشوي....

( زميلتي و لدت فيه تقريبا قبل اسبوع....و ما مدحتهم....بغوا يكسروا رجلها....

شدوا رجولها الممرضات وقت ما كانت مبنجه....والين ذحين تعورها)

سوري طولت...شرحت بالتفصيل....ان شاءالله افدتك....