تجمع الجزائريات الغاليات المتأخرات في الحمل ‏

[ريحانة امها]

ام نهى واش جديدك بعد قصة الحمل لانها شبيهة بقصة صراتلي هادو عامين

[أم نهى الجزائرية]

وين راكم يا لبناتراني محتاجة نفضفض معاكم و الله ما لقيت مع من نحكي

[أم نهى الجزائرية]

ريحانة و الله ماكان حتى جديد راني كما انا حتى الرقية مازدتش رقيت ربي يشوف لينا و خلاصو انت واش صرالك احكيلي

[lamia zina]

ام نهى غير بالعقل كل شيء يتحل قوليلي شكون عندو مشكل تاخر الحمل انت و لا زوجك

[ريحانة امها]

انا هزيت بلا ما نفيق ومبعد 15 يوم كنت نغسل في القش فليل خرجتلي قطة سوداء خلعتني.......انا تشوكيت و جريت .....لانوجامي يجونا قطط فالدار.......غدوة منذاك....بديت ننزف مي ...دم احمر فيف....مشي كما.......درت تست ورحت نحدم ...ما ستنيتش النتيجة لاني ما توقعتش الحمل نهائيا ....بعد ساعة ونص تفكرتو....لقيتو بوزيتيف......رحت لطبيب قالي مابانلي والو .....ممكن روطار...ومبعد ماتت عمتي زدت تشوكيت اكثر ......وبدات لموراجي......درت التحليل و خرجلي نقاتيف.......بعد 5 ايام طاحلي رحت لطبيبة اخرى اكدتلي بلي حمل وطاح.......ودارتلي تنظيف ومنها راني اون اتنت

[lamia zina]

ريحانة امها ربي يعوضك يعني من الخلعة يحبس نمو الجنين

[أم نهى الجزائرية]

المشكل عند راجلي عندو الحركة صفر و التشوه كبير

و الله دخت ما وليت فاهمة والو ربي عوض عليك حنونة بلاك الكورتاج هو الي راه السبب في تاخر الحمل عندك بزاف الي صراتلهم هاكدا لانو يسبب التصاقات في بطانة الرحم سيي ديري فحص تاع العروق اشعة الصبغة

[ريحانة امها]

ما علاباليش

[lamia zina]

ام نهى ربي يهديه درك مع الوقت يحس بحرمان الاولاد و يطلب هو التلقيح و انت كي يكون في العمل ماتقوليلو والو و كي يجي احكيلو على الاولاد و كل مرة حتى تدخل الفكرة الى راسو ...بصح وعلاه ماليه يلوموك كي ما جبتيش الاولاد يخي المشكل فيه

[alma021]

سلام لبنات واش راكم ريحانة امها مرحبا بيك بيناتنا
لميا بسومة واش راكم
ام نهى حبيبتي وش بيكي ديري ربي في قلبك وماتضليش تقنطي في روحك مكاش فهاد الدنيا الللي ماعندوش مشاكل ووش من طلاق تخممي فيه وقيلا راكي حاسباتو حاجة مليحة غير بلعقل اختي وراجلك يعيا ويفيق واش راه يديرلك
لبنات مريم راهي تسلم عليكم هداوين دخلت من الخدمة وزيد نيسو كان يبكي راهي مبلغتكم قاع السلام