دردشة حوامل مصر - دردشة بنات مصر - تجمع حوامل مصر

[دودى اشرف]

ماشى يا لولو اتفضلى حبيبتى

ربنا معاكى يا ملك والله ... شكلك مش عاوزة تنزلى ولا ايه ...

انا جوزى عمال يقولى انتى طايرة علشان نازلة وبتقولى انك زعلانة .. بقوله والله زعلانة وكل ما المعاد يقرب احس انى مش عاوزة انزل زى الاول .. صعبان عليا اوى اسيبه والله بس هو مش مصدقنى قلتله مش معنى انى مبسوطة انى نازلة يبقى مش زعلانة انى هسيبك وانزل ... بس غصب عنى والله وهو كمان قالى انا مش قادر اراعيكى هنا وحرام ... مع ان كلامه الاول كان انى اقعد وهو اللى هيراعينى بس لما تبقى قدام الموضوع بقى بجد حاجات كتير بتتغير وربنا يقومنا بالسلامة جميعا يارب

[دودى اشرف]

اه والله يا ملك ... حتى الدكتورة لما عرفت ان اخر مرة دى كروتتنى مع انها كويسة اوى والله بس مش عارفة كان مالها كروتتنى ليه كده هههههههههههههههههههههههههههههههههههه

[MALAK2010]

بصى انتى قبل ماتنزلى عيطى العياط التمام واقعدى امسكى فية فى المطار زى توتة ومفيش مانع من بوس الايدين برضة زى توتة هيتاكد انك زعلانة على فراقة وانك مش مبسوطة

[MALAK2010]

بصى يا دودى انا اللى تعبانة فى النصف بين ماما وبين جوزى هنا ولا عرفة ارتاح وهناك مش هرتاح بقولة فيها اية لما نتلم كلنا فى مكان واحد انا وانت وماما
يلا الحمد لله على كل شئ
بس انا هناك ماما محتجانى وهنا جوزى محتاجنى وانا من النوع اللى بتحمل المسؤلية مش مقضياها وخلاص

[MALAK2010]

انا شكلى بكلم نفسى
طيب سلام وهدخل كمان شوية لان جوزى على وصول سلااااااااااااااام

[دودى اشرف]

معلش يا ملك ... لاقيتك اتاخرتى فى الرد قومت صليت الظهر وجيت يا حبيبتى ....
انا واشرف كنا فى المطار امبارح وبقوله وانا ماشية ممكن احضنك هنا ولا هو حضن البيت بس .. قالى لا طبعا مفيش كده قلتله يعنى ايه ما واحدة صحبتى عملت كده هههههههههههههههههههههههههههههههه قالى مين قلتله صحبتى من المنتدى فى الامارات قالى الامارات مش الكويت ههههههههههههههههههههه ... فا هاخد الجرعة كلها فى البيت بقى وابوس الايادى بس فى المطار وربنا يسهل واعيط ههههههههههههههههههههه والله اللى يسمعنى يقول عليا جامدة لكن انا زى اللى بيكون مخبوط على دماغه فى الحاجات دى يعنى بحس بيها بعدها بشوية يعنى ممكن تلاقينى بعيط لوحدى فى الطيارة وبعد ماروح واحس انه فعلا مش بقى معايا وكده يعنى .. ربنايجمعنى بيه على خير ياااااااااااااااااااااااااااااااااااااااارب تانى ان شاء الله

[دودى اشرف]

انتى بتقولى محتارة بين جوزك ومامتك ليه ... هو جوز مش هينزل ساعة الولادة او على السبوع ان شاء الله ؟؟؟ بس معلش مامتك هتبقى احسنلك فى الوقت ده لانك بعدين مش هتقدرى على حاجة وهتبقى محتاجة اللى يساعدك يا حبيبتى مش بقولك اشرف كان بيقولى انا هراعيكى وهعمل واسوى ولما دخلنا فى الجد حس ان الموضوع كبير وانى مش قادرة محتاجة فعلا حد معايا فا ربنا ييسرلك الامور يارب يا حبيبتى ويجمعكم كلكم على خير يارب

[Om Rodina]

السلام عليكم ورحمة الله وبركاته
ازيك يادودى اخبارك ايه
واخبار النونو ايه يارب يكون بخير

[MALAK2010]

حد هنا؟؟؟؟؟؟؟؟؟؟؟؟؟؟؟؟

[dr.princess]

بنات انتوا كلكم خرجتوا ولا ايه