دردشة حوامل مصر - دردشة بنات مصر - تجمع حوامل مصر

[dr.princess]

دودو ماهى ممكن تكون فطريات زى اللى كانت عندى دى واخدتلها لبوس مهبلى
ملك اه طبعا عايز اعرف نوع الشخص اللى جوه ده ايه امال هفضل على عمايا كده كتيييير ولا ايه هههههههههههه

[دودى اشرف]

والله يا لولو مش عاوزة اعمله .. الاول كان نفسى اعمله لانى سمعت انه بيقرب الصورة اوى وبتشوفيه البيبى بوضوح كامل ولو فيه حاجة فعلا لا قدر الله بتبان فى السونار الرباعى ده ... بس ده اللى مش مخلينى عاوزة اعمله خايفة منه اوى ... قلت لا قدر الله لو عملته وطلع فى حاجة هعمل ايه يعنى ساعتها غير انى هكتئب ومش هحس بفرحة حملى ولا حاجة فسيباها على الله وربنا اللى يسترها من عنده يارب ... بس هو لو لا قدر الله طلع فى حاجة ممكن تتعالج يعنى ولا لمجرد المعرفة يعنى ؟؟؟؟

[MALAK2010]

والله انا مش عارفة هنبطل القلق دة امتى كل ما اعرف معلومة جديدة فى الحمل اقلق زيادة عارفة الناس اللى كانوا زمان على الفطرة كدة ومايعرفوش حاجة كانوا احسن بكتير ولا قلق ولا غيرة
حملت فرحت تعبت شوية ولدت وخلاص
اما احنا قلق من اول يوم جواز نفسى مخى يرتاح شوية من التفكير
ماما ساعات كتير تقولى اقفلى النت دة اللى تعبك وتاعبنى معاكى هههههههههه

[dr.princess]

ملك المزرعة دى بياخدوا فيها عينة بول ويجزئوها كده ويجربوا انواع من المضادات الحيوية ويشوفوا ايه اكتر مضاد حوى عالج المشكلة وبيبقى هو ده اللى تاخديه علشان الالتهاب او الصديد او اى حاجة عندك

[dr.princess]

دودى انا شفتهم فى المسلسلات الطبية الاجنبية بيعالجوا مشاكل الاجنة بس مش عارفة فى العالم العربى بقى بيعملوا حاجة ولالا

[dr.princess]

بنات انا هقفل دلوقتى هروح اطبخ وابقى ارجعلكم العصر ان شاء الله

[MALAK2010]

انا ان شاء الله اكيد هنزل اول شهر 2 لو الامور مشت عادى وماسفرش سفرية الشغل عاوز يودينى على السادس شفتى بقا

بس سفر جوزى اللى فى الشغل لسة ماتحددش ممكن يسافر فى 12 او 1 او 2
لو سافر فى 12 او 1 او 2 طبعا هيرحلنى على مصر اهئ اهئ يعنى ممكن احصلك كمان كام يوم

[دودى اشرف]

اومال انا مدتنيش مضاد ولا حاجة ليه اهىء اهىء اهىء ... ادتنى تشطيف بس

ملك معلش ... هو الحمل كله كده يا حبيبتى لازم يبقى فى قلق وبذات علشان اول حمل وكل واحدة بتختلف عن التانية فا انتى بس متفكريش كتير وسيبيها على الله علشان متتعبيش انتى نفسك على الفاضى

[MALAK2010]

طيب يا لولو هستناكى العصر وانا كلها دقايق وامشى علشان جوزى على وصول وهحضر الغدا

[MALAK2010]

دودى:انتى نازلة مصر روحى للدكتور وهو هيفيدك صدقينى دكاترة مصر مفيش زيهم