دردشة حوامل دولة الجزائر- تجمع بنات الجزائر

[ام ميسون]

صباح الخيرات خواتاتي
ام اسماعيل مرحبا بيك معانا ان شاء الله تتونسي معانا وتستفادي
قوليلي اختي انت منين من الجزائر

[ام اسماعيل ه]

واخيراوالله حتى الغيت مشاركتي وانتي رديتي مشكورة اختي انا من الغرب من مستغانم

[محبوبة ميمو]

صباح الخير ام اسماعيل سمحيلنا البنات راهم راقدين ولا يوجدوا رواحم باش يخدمو ما تنسيش فرق التوقيت بين الجزائر وامارات
المهم ربي يكملك على خير وترجعي بخير

[تاله 1]

السلام عليكم
أم اسماعيل راني غير حذاك
ممكن أعرف بخصوص واش حابة ارشادات؟باش نعرف اذا ممكن أساعدك

[تاله 1]

صباح الخير لبنات ان شاء الله أموركم طيبة

[ام اسماعيل ه]

حبيتي انتي عندك خبرة فالحمل؟؟؟؟ والله حابه استفيد لاني قبل الزواج مااهتميت بهدي الامور

[ام ميسون]

المشاركة الأصلية كتبت بواسطة ام اسماعيل ه

واخيراوالله حتى الغيت مشاركتي وانتي رديتي مشكورة اختي انا من الغرب من مستغانم

خيار الناس اختي
الاول لازم تعرفي ايام التبويض انتاعك هذا الي راح يساعدك بزاف في هذا الوقت
قوليلي راجلك تاني من نفس البلد؟

[ام اسماعيل ه]

لا والله زوجي مواطن اماراتي وهو اكتر واحد يبغ الولاد

[ام اسماعيل ه]

اها عارفه الوقت مبكر عندكم رح استنى العشيه وادردش معاكم والله مبسوطه بزاااااااااااااااااااااااااااف بيكم وفرحانه لاني لقيت بنات بلادي يونسوني الله يفرحكم

[ام ميسون]

المشاركة الأصلية كتبت بواسطة ام اسماعيل ه

لا والله زوجي مواطن اماراتي وهو اكتر واحد يبغ الولاد

هو من الامارات ربي سهلكم اموركم ويرزقكم بالذرية الصالحة لحد الان عند ثلاث شهور حاولي الا تقلقي باش تعاني روحك نفسانيا اذا بغيتي الحمل
اذا حبيتي نحسبلك ايام التبوسض ابعتيلي ثلاث اخر دورات وراح نرسلها لوحده الي حسبتلي هي شاطره بزاف