دردشة بنات المدينه المنوره - تجمع حوامل بنات المدينه

عروسه · 05-26-2011, 06:13 AM

يووووه يا ميش خوفتيني
والله كنت أحسب بالسونار يبان ياهو وين التطور والتقدم؟
أوووف اتذكرت على اجهاضي الدكتورة عملتلي سونار ولما تأكدت انه الجنين طاح قالت لي شوفي الجنين جالس بينزل قامت دخلت يدها ومعاه جهاز يعور وقالت الرحم مفتوح عندك وعملتلي العملية
بس هذا في الدار ياعيني عليهم والله أحبهم
أما دحين بما أن زوجي حالف علي بمستسفى الولادة مرررررررررة خايفه
ماابغاهم يكشفو علي تخيلي روحت لهم وأنا أجهض قبل اروح الدار
وقلت لها معاي نزيف قالت اجلسي على السرير
وجلست وقالت فسخي سروالك؟؟؟؟؟؟؟؟؟؟؟؟؟؟؟؟؟
انا اتفجعت وقلتلها ايييييييييش وليه ماعندك أجهزة واش تبغي تسوي
قامت خاصمتني <<< وقتها ماكنت أعرف شيء بالمرة غشيمه
وامي مارضيو يدخلوها معاي خلوها بره بس هي قالت لي اذا حيكشفو من تحت ارفضي وانا ماتخيلت الكشف من تحت يعني تقول لي هذي العبارة
قلت لها لا أبغى جهاز
قالت طيب نكتب لك تنويم عشان بكرة نسويلك سونار
تخيلو عاد تنويم عشان سونار
وبس خرجت من عندها وروحت على الدار
وعلى طول قالت عندك اجهاض وتعاملو معاي بكل أدب
وكنت جالسه ابكي من الاحراج امسك يد الممرضة السعودية وأقولها أنا خجلانه انا مستحيه من كتر ماكنت بموت على نفسي من الخجل لما كشفت علي وهي تمسح دموعي وتقول لي عادي حبيبتي ومادري ايه لحد ماريحوني نفسيا
الله يعينني على الولادة دحين بهديك المستشفى ويهدي زوجي يارب

Mish · 05-26-2011, 06:20 AM

والله من جد أنا قولت نفس الكلآم لمآ عرفت .. قولت يآنآس سوو أجهزة لكل شي إلآ قيآس الرحم مآ لقيولو جهآز .. خيييييييييير ؟؟
بس من جد وجع أيش دآ الأسلوب وقحه هآدي .. لو أنا كآن يمكن أديتهآ برجلي أقولهآ إتكلمي زي النآس .. والله يحقلك تنفجعي بالزآت إنك كونتي لحآلك كمآن ..
إنتي أسلبتي و كم كآن ليكي حآمل ؟؟

عروسه · 05-26-2011, 06:28 AM

كنت بالاسبوع الخامس
بس سبحان الله من أول ماحملت وانا ينزل علي قطرات دم اتاريها علامة اجهاض وانا مدري

عروسه · 05-26-2011, 06:29 AM

ههههههههه بالمستشفى الأهلي كان معاي ابويا وامي وزوجي
كنت عامله لمه معاي يصبروني والله كانو معاي بكشك الولادة حق الانتظار لحد ما اخدوني العمليات

بس انتي كيف كان اجهاضك ؟ وفين عملتي العملية؟

ملكة المشاعر · 05-26-2011, 06:46 AM

صبـــاح الخيـــر.. يابكريات..

كيفكم ها مافي احد فيكم فك البكشه ..

عروسه · 05-26-2011, 06:48 AM

صباحك سكر
لا لسه ننتظر الفرج

Mish · 05-26-2011, 06:52 AM

غريبة والله ليش سويتي عملية و إنتي لسآعك في البدآية ..
أنا كونت في الشهر التآلت و قلي الدكتور نسويلك عملية تنضيف و أنا كلمت مآمآ و زوجي كلم أمو و الإتنين قآلولنآ أخصروه و أرجعو البيت ..
وقآلولنآ العملية تتسوى لمآ يكون في الشهر الرآبع وفوق يكون البيبي إتكون و المشيمة قوية ..
لكن دحين لسآعو صغير مآ يسير تسوي عملية لأنهآ تخفف الرحم ..
و سرت بس أشرب الأعشآب إللي تنضف الرحم زي حقة النفآس ..
كف مريم و الحلبة ..
إلين مآ إتطهرت الحمدولله ..
و أنا كمآن من بدآية حملي كآنت تنزلي مآدة بنية و كآن الدكتور معطيني حبوب تثبيت حمل .. لكن سوبحآن الله إرآدة ربنآ إنو مآ يكتمل ..
كونت معبية الجآكوزي و جآلسين فيه أنا و زوجي مروقين إلآ وفجأتن حسيت بحرآرة من تحت و إلآ نلقى نفسنآ جآلسين في جآكوزي من دم تخيلي الموقف ؟؟
آآآآآه مره مآ رآح أنسى دآك المنظر ..
الحمدولله يآرب إنو عوضني ... الله يتمملي يآرب على خير و أولد بالسلآمة إنشآلله ..

Mish · 05-26-2011, 06:53 AM

صبآح النور ملكة ..
لسآعهآ البقش مربوط أمهآ ..

ملكة المشاعر · 05-26-2011, 06:57 AM

هههههههههههههههههههههههههههههه

الله يقومكم بي السلامه ..

والله الانتظااار صعب والله جربت زيكم ..

Mish · 05-26-2011, 07:03 AM

آآآآآآآآآآآآآآآآمين يآرب ..
الله يصبرنآ بس و يسهلنآ ..

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ممرخه ممتازه في المدينه المنوره	مااايااا	منتدى علاج العقم و تأخر الحمل	6	12-27-2011 06:11 AM
بنات المدينه ابي خبراتكم ..	بعثرة الوان	منتدى علاج العقم و تأخر الحمل	7	02-14-2011 02:35 AM
عين على طيبه الطيبه (( المدينه المنوره ))	نورا	المـنـتـدى الـعـام	4	02-09-2011 07:06 AM
لاهل المدينه المنوره	نسمة بحر	منتدى السوق التجاري	5	01-23-2011 01:39 AM
يافراشات المدينه المنوره تعالووووو...	فداك عمري يازوجي	منتدى علاج العقم و تأخر الحمل	7	03-21-2010 12:56 AM