دردشة حوامل القطيف- تجمع بنات القطيف

[طفلة بغمازتين]

شكرا على ترحييبك ورده

[~ألوان~]

أخباركم بنات إن شاء الله بخير . .
أني من زمان ما دخلت أشوف أحوالكم ، إن شاء الله بخير / أخبار أم حسين إن شاء الله ولدت ؟
أما أني رحت المستشفى داك السبوع لأن جتني فلونزا و طلع ضغطي نازل و ركبوا عليي مغدي و الحمد لله الحين صرت زينة و خوش وحدة . . بس ساعات تجيني لوعة وقت السحور و ما أقدر أتسحر عدل . .
:) دعواتكم حبيباتي

[~ألوان~]

حررررررررررررررركات عجل ولدت أم حسين . . الف الحمد و الشكر لك يارب . .
ألف مبروووك و يتربى حسين في عزهم و دلالهم يارب . .

[مفاهيم الخجل 2]

المشاركة الأصلية كتبت بواسطة ميرندا فرولا

مفاااهيييييييم توك من شوي ع بالي وقلت بسأل عنك
كان تردي قبلي
امس كتبت قاعده ارد لك واكتب بعدين زوجي كان يستناني برا
وقلت برجع اكمل بعدين طفا الاب
كنت بقولك انذري بكم يوم صيام اذا الله تمم عليك 9 شهور بالسلامه ان شاء الله تصوميهم يقولو الصيام يوجب النذر ودايم انذر فيه
شخبارك الحين راح المغص
اليوم جايني الم بخاصرتي يمكن ضارب عليي المكيف لما نمت
ان شاء الله مايجي بكرا الا راح

هههههههههههههههههههه تسلم غناتي ماتقصري يلغااليه تسال عنك العافيه ان شاء الله
اي نذرت بصوم ان شاء الله وربي يتمم لي واقضيهم والحمد لله تماام المغص راح الحمد لله
لاتنامي قبال المكيف اذا ماتقدري انا كل قباله الاني حروره كل حرااانه هع ربي يسهل عليش وتقومي بسلامه خيوووه ديري بالك على اللي ببطنك وسلمي عليه قوليله خالتك تسلم عليك

[『~ṂǻŖỵąђْْْ』]

تسلموا على الرد طمنتوني
الحمدلله الحين مافيني شي
ومتوكله على ربي ومفائلة بالخير ويارب خير

واهلا وسهلا بالكراريش الجدد

وشسمة بقول لكم شي معلومة يعني ادا حابين
النذر مكروه والافضل إن الشخص بدال النذر يوعد ربه .. شان مثلا مو ما قدر يطبق النذر مايكون عليه شي
يعني يقول إن شاء الله إذا صار كدا اسوي كدا
والنذر مايكون إلا بصيغته الكاملة .. يعي مايقول مثلا بس نذر عليي ادا صار كدا باسوي كدا
لازم عشان يكون نذر صحيح يقول الصيغة عدل وهي [ لله عليي ] ان افعل كدا
وبعض النذور لازم تستأذ الزوجة زوجها عشان يكون النذر صحيح
زي الصوم او تتربع بفلوس ..الخ وكدا .. لأن الزوجة واجب تستأذن رجلها ادا بتصوم .. الا ادا كان قضاء عليها ومابقى شي على رمضان فهني مايوجب عليها تاخد اذنه
اذا ماني غلطانة لو الزوجة نذرت وماقالت لزوجها اعتقد بيطل النذر
المهم والوالدين الأم والابو يجوز لهم يبطلوا نذور ولادهم .. بس بالنسبة للمتزوجة مادري لأن زوجها يكون ولي امرها فمادري

المهم اتمنى اني ماضايقت احد بكلامي او دشتي للموضوع خخخخ
بس حبيت اقول معلومات افيكم بها
وربي يسهل ويوفق الجميع


مشامرووو لمتى يعني ~> والله ترى بزعل صدق =(

[دلوعة ولد عمها]

صبااااااااااااااااااااااااااح الخير كروشات

طفلة بغمزاتين حياك الله بينا


في أحد بنات والا؟؟؟

ليلى محمد الله يسلمها من كل شر :)

[『~ṂǻŖỵąђْْْ』]

بنات
تعباااااااااااااااااااااااااااااااااااااااااااااان ة تهئ تهئ تئ
من حملت واني اكره الدجاج
والحين كرحت اللحم
بس مادري وش جاب ليي شهوة على مطعم ببايز
ومن اكلت واني لايعة جبدي واحس دايخة وماني طايقة حتى طاري الأكل
لمتى باضل ما اشتهي اللحوم وكل شي
چان زين على اللحوم وبس ماطيق اي نوع من الطبخات
حدي رز ابيض مع كباب ~> عروق على قولتكم خخخ

تخيلوا ماكنت احب السمچ والحين مييته حدي ابغى سمچ صافي وكنعد
يقولوا حصلوا واحد تاروتي يبيع في كندا كنعد ~> غريبة
بس للحين مارسلوا عنوانه

ياعلي
عسقلت من حملت مايضل شي في بطني من آكل ارجع
احس وزني وصل 50

وش بقول لكم
اني تووووي دخلت الثالث والله يتمم لينا كلنا على خير يا رب ويرزق كل متمنيه
المهم بطني سيييدة من تحت صدري لين السرة ومن تحت السرة في نفخة دبونة صغنونة صار لها 3 ايام تقريبا هڈي غازات في بطني ولا لأن الرحم كبران

دلع وش حالش احس لش وحشة وش حال حموود القمر
تصدقي رسالتش حق الجن بهدلتني خخخخخ
صرت اهوجس ~> ترى اني فيي الفوبيا خوافة حدي واتخيل اشياء خصوصا ادا لوحدي
آخـ بس لمتى باضل خوافة ="(

[『~ṂǻŖỵąђْْْ』]

ادري المشروبات الغازية ضارة
واني قليل مرة اشرب مشروبات فيها ستيم
ورجلي مايرضى اشرب خصوصا من درى اني حامل وحتى هو مايشرب ~> لا اتحرقص خخ
بس من حملت هدي ثاني مرة اشرب مرة قبل لا ادري اني حامل والحين لأن تبع وجبتي ومابغى رجلي يكسر خاطري
المهم شربت واجد شوي ~> بيبسي مكينة نصه ماي خخخ
المهم بعد .. هل يضرني او يضر البيبي ولا ماعلينا شر ان شاء الله

[طفلة بغمازتين]

الله يحييك دلوعه..
ويسهل عليكم كروشات..

[~ألوان~]

ماريا . . ترى أني أحب السمك و من حملت مستجنة عليه بقووة حتى سحوري أحياناً أسوي ليي سمك . . حتى الربيان عاجبني ، عكس اللحم و الدجاج ما تجي ليي رغبة اله مرة و أحياناً أسوي لحم و من أحطه ع سفرة الحمد لله أحس مو مشتهية آكله زي الا مو حلو صاير عندي . . ! يعني سيم سيم حالتي . .

:) متباركين بالمولد بنات