تجمع حوامل ليبيا

[ليبياقلبي]

ام قصي حتى انا في البداية راجلي مخوفنيا من مصر بس والله مافيها حاجة في جهتنا صج في بس بعيد في وسط البلد الحمد لله وشن قصتك معا شيبيانيك صعبة السكنة كعا الشيبان

[ميرنا]

المشاركة الأصلية كتبت بواسطة hatoo

بنات امس نزل عليا دم نقاطي المهم عديت للدكتوره قالتلي البيبي كويس والنبض تمام وقالتلي مرات يكون الحمل مهدد قالتلي ارتاحي وعطتني اسبرين ومثبت ادعولي ربي يثبتلي حملي ان شاء الله وبنات علي حسبه النت انا في الاسبوع ال10 وهيا قالتلي انتي في الاسبوع ال8 لانها تحسب من بعد الدوره بأسبوع

ابعيد السو عليك ياهاتو .....بس ضرورى الراحة التامة ... وامنعى الجماع ... وما ترفعيش بنتك .. وخوذى اقوى انوع المثبت البوس .. وديرى تحليل الجرثومة .. واما الحسبة حتى انا حسبتلى بعد موعدالدورة بااسبوع زيك ...

[ميرنا]

بنات امتى اتحس الوحدة باحركة الجنين من عندها خبرة اتقولى انا توة فى الاسبوع الثامن عشر يعنى الاسبوع الاول من الشهر الخامس ولى اسبوع ما عديتش لدكتورة وبينى وبينكن راكبنى وسواس وهل تكور الجنين عند السرة هذهى الحركة .... سامحنى دوختكم امعى

[ميرنا]

المشاركة الأصلية كتبت بواسطة ام اسيل

ميرنا الف مبروك وربي يتمم على خير وعارفة شعورك لاني حتى انا زيك كان قعد ساعة وحدة ماتحرك نقعد بنموت ربي يكمل لنا فرحتنا يارب
هيا عدي بسرعة شوفينا عيل ولابنت بيش نجيب الهدية معايا

ام اسيل بارك فيك قالتلى ان شالله اوليد

[شعاع الشمس الدافئ]

اليوم تبدا ليالي العشر وفيها ليلة القدر تقدر فيها عدة انواع من المقادير الازلية والسنوية واليومية يكتبها الله على الانسان (تستطيع تغيير قضاء بالدعاء) مثال قدر سيئ للسنة القادمة" فشل في زواج .." وصرت تدعي في ليلة القدر بالتوفيق والعافية باخلاص يامر الله عز وجل الملائكةان يمسحو الصحيفة التي كتب فيه الشقاء ويكتبو لك السعادة "يمحو الله مايشاء ويثبت وعنده ام الكتاب" اخواتي كان الرسول صلى الله علية وسلم اذا دخلت العشر الاواخر شد مأزرة وقام الليل كله . ولاندري قد يكون هذا اخر رمضان نحضرة كل الامور باقية الاسواق والتلفازالا ليلة القدر لو ضاعت فلربما لاتعود " من قام ليلة القدر ايمانا واحتسابا غفر له ماتقدم من ذنبه كثري من الذكر وقراءة القران وقيام الليل والدعاء اللهم انك عفو كريم تحب العفو فاعفو عنا.
ان الخيل اذا شارفت على نهاية المضمار بذلت قصارى جهدها لتفوز بالسباق فلا تكن الخيل افطن منا فانما الاعمال بالخواتيم ...
هاهى العشر الاواخر اقبلت فاستبقوا فربما ركب النجاة قد فاتك في العشر الاول وفاتك في العشر الوسطى ولكن لاتدعه يفوتك في العشر الاواخر بلغني الله واياكم ليلة القدر
اللهم اجعل ماتبقى من ايام شهر رمضان جابرة للقلوب..ساترة للعيوب..ماحية للذنوب..مفرجة للكروب..اللهم ان شوقنا لرحمتك قد زاد يارب لاتحرمنانحن واهلنا ووالديناوذريتنا وازواجنا واخواننا والمسلمين الاحياء منهم والاموات عفوك وغفرانك
والعتق من نيرانك....*)
اجاب الله لكم الدعاء وابعد عنكم البلاء ورفع شانكم في الارض والسماء....اللهم امــــــــــــين)

[يقين]

السلام عليكم بنات كيف الحال
ليبيا قلبي امبارح بايته في المستشفي بعد الفطور جتني دوخه مشيت للمستشفي رقدوني وركبولي تغديه وطلعت الساعه 8 الصبح
عندي هبوط والله لقيت الرساله والاتصالات اسفه حبيبتي
والله متخلبطه الحكايه يستر الله اني خايفه علي خوالي وجدودي

[ام اسيل]

المشاركة الأصلية كتبت بواسطة ميرنا

بنات امتى اتحس الوحدة باحركة الجنين من عندها خبرة اتقولى انا توة فى الاسبوع الثامن عشر يعنى الاسبوع الاول من الشهر الخامس ولى اسبوع ما عديتش لدكتورة وبينى وبينكن راكبنى وسواس وهل تكور الجنين عند السرة هذهى الحركة .... سامحنى دوختكم امعى

هو يقولك من الاسبوع من الاسبوع العشرين تبدا الحركة بس حتى انا قبلها بشوية بديت نحس بحاجة تتكور حدا الصرة
حبيبتي ماتخافيش ان شاء الله خير
الف مبروك على (؟) شن اسم عمك يابنية ؟ بيش نادوك يا ام ؟

[ام اسيل]

هاتوو
الف لاباس عليك بس والله ديما تصير متخافيش غير ردي بالك من روحك وان شاء اللله من قسمك

[ام اسيل]

المشاركة الأصلية كتبت بواسطة يقين

السلام عليكم بنات كيف الحال
ليبيا قلبي امبارح بايته في المستشفي بعد الفطور جتني دوخه مشيت للمستشفي رقدوني وركبولي تغديه وطلعت الساعه 8 الصبح
عندي هبوط والله لقيت الرساله والاتصالات اسفه حبيبتي
والله متخلبطه الحكايه يستر الله اني خايفه علي خوالي وجدودي

الف لاباس عليك هضا كله ارهاق وتعب وارياف
ردي بالك من روحك خيتي ماتلقي الا رويحتك

[ام قصى محمد]

يابنات اليوم خاله راجلى وكلمتنى تبى تصالحنى على امه
وانا وافقت وكلمت عمتى وهىووافقت واليوم نازله وفاطره معاهم
الله يستر خايفه ورجلى وبطنى يوجعو فيا
يقين بعيد السو عليك دير بالك على روحك وماتخخميش انشاءالله النصر قريب وتوا ترجعى لليبيا الحره
الله يطمنك على اهلك
ليبيا قلبى فعلا الخمس ما فيها شى الله يستر زينصر ثوارنا
ماتخافيش من الدم انا فى بنتى جنى نزل عليا دم لونه وردى مش احمر احمر وقالولى ماره حمل
ميرنا تخشى وماتسلمى طيب المهم مبروك التوقيع
ام اسيل شن اخبارك ماكتبتى شى بس رديتى على الحبوبات وانتى شن احوالك
ام الصبيان وريم وسومه وينكم؟؟؟؟؟؟؟؟؟؟؟