تجمع حوامل ليبيا

[ام اسيل]

ميرنا الف مبروك وربي يتمم على خير وعارفة شعورك لاني حتى انا زيك كان قعد ساعة وحدة ماتحرك نقعد بنموت ربي يكمل لنا فرحتنا يارب
هيا عدي بسرعة شوفينا عيل ولابنت بيش نجيب الهدية معايا

[يقين]

خلاص ام اسيل اليوم فطورك مني ههههههه شن تبي نفاص مفروم ولا نفاص تن ولا جبنه هيا فكري وردي عليا بسرعه ماهو تبي خدمه الحكايه

[يقين]

والله عندي خلقة طريقه عشي تهبل
كانه من مطعم تركي حللللللللللللوه شن رايكم نكتبهولكم ولالا حتعجب رجالتكم هلبا

[ام اسيل]

لالا ماتعبي روحك بكل حتى سندوتشات جبنة كويس
ومعاهم كم عصيبينة يم يم يم
وشوية كسكسي فايح ووووووه عليا نبي نبكي خاطري في اكلنا السمح

[ام اسيل]

حطيتي حاجة عا النار ولا مازال ؟
قولينا نجربو التركي

[ام اسيل]

انا ماشية نحط الشربة عا النار ونبي ندير كيميا وبيتزا ونقلي سمبوسة وعندي رز ودجاج مقلي من امس يلا باي نتلاقو بعدين

[ام اسيل]

حبل الوصل
وحشتييييييييييني يارب تكوني بخير انتي والبيبي

[hatoo]

اهليييييييييييييييييين

[ليبياقلبي]

ميرنا والله انا لما بدا الضي ينقطع فديت مايجيبش الا ساعة في النهار وبنتي ب
ت تعيط معا انه راجلي مكانش مقتنع يطلع بكل بس علشان بنته خلاص فد طلعت انا وماليا الا بابا قعد وحوش جدي مشينا تونس يوم24_7وقعدنا في تونس اسبوع بعدها جينا لمصر لانا انا منحبيش تونس مصر متعودة عليها نجيها ليا 10 سنين ويقين فضيتا الصندوق الوارد انا نسكن في شارع الطيران بالزبط وراء جينهه مول وانت نبوا نتلاقو شن رايك تو نبعتلك رقمي عالخاص وكلمني احسن شي
ام اسيل تهبل الرحاب دارسة انت ولا شنو
والله الخمس حالة مافيها الا سوس يخيروا علا بعضهم وتصدقوا المويدين من برا من الضواحي بس الخمس محاصرة فيها 7كتاءب الله يرزينا فيهم ومافيش سلاح

[يقين]

وووو عليا يا بنات سمعت خبر مش مزبوط والله من بكري في دوامه مش عارفه صح ولالا
قالوا المجنون ناصب صواريخ نووي في مشارف طرابلس ولو قربوا الثوار علي طرابلس حيرسل واحد للجبل واحد لينغازي يستر الله هادا مجنون ويديرها عطا ما ينزعه يبي يمحي حاجه اسمها ليبيا قولولي صح ولالا